Jop 11:8 - Sơ̆p Hlabơar Nơ̆r 'Bok Kei-Dei

⁸ Tơdrong hơgei Kră Yang kơjung hloh kơ plĕnh Na ih gơh pơm kiơ? Tơdrong hơgei Sư jrŭ hloh kơ pơlei lôch, na liơ ih kĕ băt?

Jop 11:8 Iomraidhean Croise

II Ho 6:18

Hăm tơpă Kră Yang 'Bok Kei-Dei oei hơdai hăm kon bơngai tơ ala teh âu? Tơ plĕnh mă đĭ hơtăl plĕnh, kư̆m ưh kơmah kơ Ih, pơma kiơ hnam mă inh pơm boih 'nâu!

Jop 11:9

Kơjung hloh kơ teh păng să hloh kơ đak dơsĭ.

Jop 22:12

Ưh kơ trŏ Kră Yang 'Bok Kei-Dei oei tơ kơpal, tơ lu tăl plĕnh ti hă? Lăng bĕ tơ sơnglŏng kơjung hloh pă băt dang yơ!

Jop 26:6

Pơlei bơngai lôch tơlĕch pơdah bơih 'bơ̆t anăp Kră Yang 'Bok Kei-Dei, Păng sơlŭng jrŭ ưh kơ đei che pĕng hlơp,

Jop 35:5

Ngơk bĕ măt lăng tơ kơpal plĕnh; Lăng bĕ lu hơmơ̆l, sư kơjung hloh kơ ih.

Jop 37:23

Kră Yang Kră Yang Tih Hloh, lu bơ̆n ưh kơ gơh năm jê̆. Tơdrong mơsêh Sư tih krưp dêh, tơdrong 'lơ̆ng tơpăt Sư sĭt tơpă ưh kơ đei layơ wă pơjuă bơngai bu.

Jop 38:17

Hăm đei bu tơ'bôh kơ ih 'măng jang pơlei lôch? Ih tam 'bôh 'măng pơlei măng mu gueo?

Jop 7:9

Thoi hơmơ̆l păr đông hiong đĭ. Thoi noh mơ̆n kon bơngai jur năm tơ pơlei lôch ưh pă gơh brŏk dơ̆ng.

Horiso 103:11

Yua kơ plĕnh kơjung đơ̆ng teh dang yơ. Na tơdrong 'mêm sư dang noh mơ̆n, kơ lu bơngai bu mă hli yom kơ Sư.

Horiso 148:13

Ăn kơ lu sư hơri ư-ang kơ anăn Kră Yang. Yua kơ lăp minh anăn Sư đĕch mă trŏ kơ pơyom. Tơdrong ư-ang Sư kơjung hloh kơ đĭ-đăng teh đak păng plĕnh.

Horiso 36:6

Tơdrong 'lơ̆ng tơpăt Ih nhen thoi kông tih.a Tơdrong Ih sek tơlang tơpăt thoi sơlŭng jrŭ. Ơ Kră Yang, Ih wei rongb kon bơngai păng sem brem.

Tơdrông Pơđơk 30:4

Bu tŏk tơ plĕnh boih, na jur dơ̆ng? Bu pơpôi boih kial lăm tơpang ti sư? Bu 'nŭng boih đak lăm ao sư? Bu man pơjing bơih tôm kơ teh đak âu kơjăp. Anăn sư bu, păng anăn kon tơdăm sư bu? Tơdah ih băt roi bĕ kơ inh.

Êsai 55:9

Plĕnh kơjung hloh kơ teh dang yơ, na trong Inh kơjung hloh kơ trong lu iĕm păng. Đon tơchĕng Inh kơjung hloh kơ đon tơchĕng lu iĕm kư̆m dang noh.

Am 9:2

Mă khan lu sư sir jrŭ truh tơ dêh hơtâu, ti inh kư̆m gô wŏk iŏk lu sư lĕch; mă khan lu sư tŏk truh tơ plĕnh, inh gô tơjur tơhuŏng lê̆ lu sư đơ̆ng noh.