Jop 11:7 - Sơ̆p Hlabơar Nơ̆r 'Bok Kei-Dei

⁷ Ih hăm kĕ hlôh băt tơdrong jrŭ hlĭch Kră Yang 'Bok Kei-Dei. Păng băt tôch hơđăl kơ Kră Yang Tih Hloh?

Jop 11:7 Iomraidhean Croise

Jop 22:12

Ưh kơ trŏ Kră Yang 'Bok Kei-Dei oei tơ kơpal, tơ lu tăl plĕnh ti hă? Lăng bĕ tơ sơnglŏng kơjung hloh pă băt dang yơ!

Jop 26:14

Noh lăng brih tŏ sĕt đĕch tơdrong jang Sư; Tơdrong mă đe roi bơ̆n kơtơ̆ng noh lăp iĕ ioch đĕch mă-lei bu hlôh rơđah jơwa grơ̆m re Mơsêh Mơyang Sư?

Jop 27:11

Inh gô bơtho tơ'bôh ăn kơ lu iĕm, gah tơdrong Mơsêh Mơyang Kră Yang 'Bok Kei-Dei, Ưh kơ đei ôn kơ lu iĕm tơdrong kiơ Kră Yang Tih Hloh wă.

Jop 33:12

Inh tơl, ih pơma thoi noh glăi. Kră Yang 'Bok Kei-Dei tih hloh kơ kon bơngai.

Jop 33:13

Liơ ih pơjah pơjăng hăm Sư? Chrih kơ Sư khan ưh kơ tơl nơ̆r ih.

Jop 35:5

Ngơk bĕ măt lăng tơ kơpal plĕnh; Lăng bĕ lu hơmơ̆l, sư kơjung hloh kơ ih.

Jop 36:26

Trŏ tơpă, Kră Yang 'Bok Kei-Dei Tih-Tin dêh, hloh kơ bơ̆n băt hlôh; Sơnăm Sư arih sot dang yơ, ưh kơ đei bu gơh pơtŏ;

Jop 37:23

Kră Yang Kră Yang Tih Hloh, lu bơ̆n ưh kơ gơh năm jê̆. Tơdrong mơsêh Sư tih krưp dêh, tơdrong 'lơ̆ng tơpăt Sư sĭt tơpă ưh kơ đei layơ wă pơjuă bơngai bu.

Jop 37:5

Kră Yang 'Bok Kei-Dei ăn kơ grơ̆m re jơwa hlĭch chrơp; Kră Yang pơm dôm tơdrong jang tih-tin, lu bơ̆n ưh kơ kĕ hlôh.

Jop 42:3

Kră Yang jet ih bu ưh kơ băt ưh kơ hlôh kiơ, liơ mă pơ̆n ưh kơ ngeh tơdrong Kră Yang wă pơm. Tơpă inh pơma bơih dôm lu tơdrong inh ưh kơ hlôh. Lu tơdrong hlĭch chrơp dêh inh ưh kơ kĕ kơ hlôh.

Jop 5:9

Sư pơm dôm tơdrong tih-tin, ưh kơ đei bu hlôh, Tơdrong hlĭch chrơp ưh pă kĕ jô̆.

Horiso 139:6

Tơdrong hơgei Ih, inh lăng hlĭch mơsêh tơpă. Kơjung dêh inh mah 'mơn pă truh!

Horiso 145:3

Kră Yang tih mơng, trŏ kơ bơnê ư-ang tơpă; Tơdrong tih Sư kon bơngai ưh kơ đei gơh pơtŏ pơting.

Horiso 77:19

Ih yak lăm đak dơsĭ. Trong Ih rok đak dơsĭ jrŭ, mă-lei đêl jơ̆ng Ih ưh kơ đei bu 'bôh.b

Tơdrông Pơđơk 30:4

Bu tŏk tơ plĕnh boih, na jur dơ̆ng? Bu pơpôi boih kial lăm tơpang ti sư? Bu 'nŭng boih đak lăm ao sư? Bu man pơjing bơih tôm kơ teh đak âu kơjăp. Anăn sư bu, păng anăn kon tơdăm sư bu? Tơdah ih băt roi bĕ kơ inh.

Bôk Bơthô 3:11

Kră Yang 'Bok Kei-Dei pơjing bơih Sư 'lơ̆ng rŏ ngăl lăm jơ 'năr Sư. Sư kư̆m đei ăn kơ kơ̆l 'ngok kon bơngai băt kơ chăl đơ̆ng rŏng. Mă-lei ưh kơ đei bu kĕ băt hlôh kơ Kră Yang 'Bok Kei-Dei pơm đơ̆ng blŭng-a truh tơ ning-mônh.

Bôk Bơthô 7:24

Dôm, tơdrong hơgei tă kơ ataih jrŭ dêh, kơ̆l 'ngok kon bơngai.

Êsai 40:28

Lơliơ iĕm ưh kơ băt hă? Ưh tam kơtơ̆ng hă? Kră Yang arih ling-lang Sư bơih, Tơ'ngla pơjing plĕnh teh, ưh kơ gleh lap ôh; păng tơdrong hlôh băt Sư ưh kơ đei bu gơh hlôh.

Mathiơ 11:27

“'Bă Inh jao ăn kơ Inh tôm tĕch tơdrong. Minh 'nu 'Bă Inh đĕch băt kơ Inh păng minh 'nu Inh đĕch băt kơ Sư. Na tơdrong tơbăt ăn kơ iĕm 'Bă Inh, Sư gô mơ̆ng kơ Inh wă.

Rom 11:33

'Bok Kei-Dei pơm thoi noh bơ̆n băt kơ Sư 'mêm kơ bơ̆n tơpă păng bơ̆n kư̆m băt kơ Sư hơgei dêh. Na bơ̆n kon bơngai ưh kơ băt ôh tơdrong tơchĕng Sư thoi yơ.

I Kor 2:10

Mă-lei 'Bok Kei-Dei ăn kơ bơ̆n Yang Bơhngol 'Lơ̆ng tơbăt ăn kơ bơ̆n tơdrong 'noh, yua kơ Yang Bơhngol 'Lơ̆ng băt tôm tơdrong 'Bok Kei-Dei mă jrŭ dang yơ.

I Kor 2:16

Mă sơ̆p hla bơar 'Bok Kei-Dei kư̆m đei chih khan: “Dah bơngai bu hlôh băt tôm tơdrong 'Bok Kei-Dei, lei kuă kơ kiơ bơtho 'Bok Kei-Dei dơ̆ng?” Gah bơ̆n, Yang Bơhngol 'Lơ̆ng ăn kơ bơ̆n hlôh tơdrong Yêsu Krist.

Êphêsô 3:8

Inh âu bơngai iĕ hloh kơ đĭ-đăng lu kon 'Bok Kei-Dei nai. Mă-lei Sư pơjao kơ inh tơdrong bơtho, wă kơ inh năm bơtho lu bơngai khŭl nai mă ưh kơ trŏ kơ bơngai khŭl Juđê, wă kơ lu sư băt kơnăl kơ tơdrong hiôk jơnap Yêsu Krist ăn kơ bơ̆n thoi yơ. Tơdrong hiôk jơnap noh hiôk tơpă ưh pă băt dang yơ.