Jop 11:6 - Sơ̆p Hlabơar Nơ̆r 'Bok Kei-Dei

⁶ Rŏ kơ Sư tơ'bôh ăn kơ ih băt tôm tơdrong hlơp gah tơdrong hơgei. Yua kơ Sư hlôh băt tôm tơdrong mă bơngai ưh kơ gơh hlôh. Thoi noh, ih gô băt kơ Kră Yang 'Bok Kei-Dei phak ih ưh kơ mah dang tơdrong yoch kơnê̆ ih pơm.

Jop 11:6 Iomraidhean Croise

Esơra 9:13

Na đơ̆ng rŏng kơ tơdrong truh phak lu nhôn, noh yua kơ đơ̆ng tơdrong lu nhôn pơm yoch tih dêh, Ih 'bôh ơ Kră Yang 'Bok Kei-Dei lu nhôn! Tơpă Ih ưh kơ wă phak lu nhôn trŏ thoi tơdrong yoch lu nhôn đei pơm ôh păng ăn kơ lu nhôn oei klaih klăi thoi âu;

Jop 11:5

Ô! Rŏ kơ Kră Yang 'Bok Kei-Dei gô bơtho khan kơ ih: Păng pơma bơtho ih,

Jop 12:13

Kră Yang 'Bok Kei-Dei gơh hơgei păng Mơsêh Mơyang gơh băt păng hlôh wao.

Jop 15:11

Tơdrong Kră Yang 'Bok Kei-Dei pơlung ih, Nơ̆r Sư pơma bơtho rơngơp hiôk ih mơ̆ng tam mă tôm hă?

Jop 15:5

Tơdrong yoch ih bơtho ăn kơ 'bơ̆r ih pơma, pơm kơ ih rơih iŏk hơpiĕt lu bơngai hơlĕnh bơkuĕch.

Jop 15:8

Ih hăm mơ̆ng lăm tơdrong Kră Yang 'Bok Kei-Dei pơđâu? Hăm trŏ kơ minh 'nu ih đĕch gơh hơgei?

Jop 22:5

Hăm trŏ yua kơ ih yoch tih dêh? Tơdrong yoch kơnê̆ ih pơm lơ dêh hă?

Jop 28:28

Kră Yang khan kơ kon bơngai “Hli yom kơ Kră Yang, noh bơih tơdrong gơh hơgei; Weh ataih đơ̆ng tơdrong kơnê̆, 'noh bơih tơdrong hlôh wao.”

Jop 33:12

Inh tơl, ih pơma thoi noh glăi. Kră Yang 'Bok Kei-Dei tih hloh kơ kon bơngai.

Jop 9:4

Kră Yang 'Bok Kei-Dei mơsêh păng hơgei, hăm đei bu kĕ pơjah pơjăng hăm Kră Yang 'Bok Kei-Dei na jei sư?

Horiso 103:10

Sư huay pơm kơ lu bơ̆n kiơ̆ thoi yoch lu bơ̆n ôh; Kŭm ưh kơ hil 'mong kiơ̆ kơ tơdrong kơnê̆ lu bơ̆n pơm boih.

Horiso 25:14

Kră Yang pơdah ăn tơdrong hlơpa hăm lu Bơngai đe mă hli yom kơ Sư. Tơ'bôh ăn kơ bơngai noh băt tơdrong Sư pơgơ̆p.

Nhom 3:22

Noh jơ̆ tơdrong mơnat đơ̆ng Kră Yang. Na lu bơ̆n oei arih, tơdrong 'mêm Sư ưh kơ đei layơ tôch;

Da 2:28

Mă-lei minh 'nu Kră Yang 'Bok Kei-Dei oei tơ kơpal plĕnh gô tơbăt ăn tơdrong hlơp; păng tơbăt hloi kơ pơtao Nebukatnessar băt tơdrong wă truh tơ anăp âu kơnh, lăm năr wă tôch thoi âu: Tơdrong ih apo păng đei 'bôh kơplah ih 'bĭch kơpal giơng noh.

Da 2:47

Đang kơ noh pơtao pơih nơ̆r pơma hăm Đaniel thoi âu: Sĭt tơpă boih, Kră Yang 'Bok Kei-Dei iĕm jơ̆ Yang kơ lu yang păng yŏng kơ lu pơtao, đơ̆ng Sư tơbăt ăn tơdrong hlơp, yua kơ ih đei tơblang boih mă ưh kơ đei bu băt âu.

Mathiơ 13:35

wă kơ trŏ thoi minh 'nu bơngai pơtruh nơ̆r 'Bok Kei-Dei khan lê̆ hơdrol sơ̆ thoi âu: “Inh iŏk tơdrong mă đe ưh tam kơtơ̆ng đơ̆ng 'Bok Kei-Dei pơjing plĕnh teh sơ̆, Wă bơtho pơtih gia kơ lu sư dang ei.”

Êphêsô 3:5

Adrol sơ̆ 'Bok Kei-Dei ưh tam mă tơbăt ăn kơ đe ôh tơdrong noh. Mă-lei dang ei Yang Bơhngol 'Lơ̆ng tơbăt ăn kơ lu jơ̆ng 'bang Yêsu hăm lu bơngai pơtruh nơ̆r Sư boih.

Both 29:29

Dôm tơdrong hlơp Kră Yang 'Bok Kei-Dei lu bơ̆n đĕch băt; mă-lei dôm lu tơdrong Sư tơ'bôh ăn kơ lu bơ̆n păng kơ lu kon sâu bơ̆n ling-lang hlŏng hloi, noh lăm khôi juăt âu, wă kơ lu bơ̆n chu pơm kiơ̆.