Jop 11:12 - Sơ̆p Hlabơar Nơ̆r 'Bok Kei-Dei

¹² Mưh bơngai kơtul gơh jing bơngai hơgei. Lei aseh bri gơh tuh kon sư jing bơngai.

Jop 11:12 Iomraidhean Croise

Jop 15:14

Kon bơngai kiơ, mă gơh 'lơ̆ng rơgoh? Kon bơngai đơ̆ng drŏ-kăn rơneh liơ gơh 'lơ̆ng tơpăt?

Jop 28:28

Kră Yang khan kơ kon bơngai “Hli yom kơ Kră Yang, noh bơih tơdrong gơh hơgei; Weh ataih đơ̆ng tơdrong kơnê̆, 'noh bơih tơdrong hlôh wao.”

Jop 5:13

Sư rôp lu bơngai hơgei 'bơ̆r đon huŏng lăm tơdrong kơnê̆ lu sư wă pơm. Sư kư̆m pơtôch lê̆ 'bônh đĕch tơdrong lu bơngai kơnê̆ wă pơm.

Jop 6:5

Aseh iĕ hăm hmoi ôr tơdah sư đei 'nhĕt sa? Dah rơmo hăm hmoi tơdah sư đei 'nhĕt kro sa?

Horiso 144:4

Kon bơngai thoi hơyuh dui jơhngơ̆m. Chăl kon bơngai thoi yơ̆p đông.

Horiso 39:11

Kơplah Ih teh bơtho lu kon bơngai yua kơ tơdrong kơnê̆ lu sư. Na Ih pơm ăn tơdrong lu sư 'maih wă huach thoi bŭk răm. Sĭt tơpă, rim 'nu thoi kial dui jơhngơ̆m. Sêla

Horiso 39:5

To, Ih pơm ăn kơ jơ 'năr inh kơjung lăp tŏ pah đĕch, Păng tơdrong arih thoi hoh-hoy đĕch 'bơ̆t anăp Ih. Sĭt tơpă, rim bơngai mă khan oei kơjăp, Kŭm lăp thoi dui jơhngơ̆m. Sêla

Horiso 51:5

Tơpă, tơpŭ kơ inh lăm tơdrong kơnê̆, mĕ inh anăp kơ inh lăm tơdrong yoch.

Horiso 73:22

Kơplah noh inh oei kơtul kơwao ưh kơ băt tơdrong kiơ. 'Bơ̆t anăp Ih inh nhen thoi sem brem đĕch.

Horiso 92:6

Lu bơngai kơwao ưh kơ gơh băt, lu bơngai kơtul kư̆m ưh kơ gơh hlôh,

Bôk Bơthô 1:2

'Bok mă bơtho noh khan: “Đĭ-đăng dôm tơdrong ưh kơ yua kiơ̆ hloi, tơdrong kơđei ngăl. Ưh kơ đei bu kĕ hlôh tôm tơdrong lăm chăl arih bơ̆n.”

Bôk Bơthô 11:10

Thoi noh, puh tơweh bĕ dôm tơdrong sơ'ngon đơ̆ng lăm jơhngơ̆m păng hiơt bĕ lu tơdrong chhŭr nuih jĭ jăn lăm akâu, yua kơ chăl hơmuh hơmŏng păr hiong kiơ̆ kơ khei 'năr ưh kơ đei yua kiơ.

Bôk Bơthô 3:18

Inh băt tơpă Kră Yang 'Bok Kei-Dei pơlong lăng kon bơngai, wă kơ lu sư băt, kon bơngai lei-lăi kơ kon sem brem đĕch.

Je 2:24

thoi aseh bri akăn juăt kơ tơ anih glă, chă 'bâu hiup tơno. Bu kĕ găn kơplah sư oei chhônh? Lu tơno ưh kơ ngĕ chơchă ôh truh bơyan sư gô đei tơ'bơ̆p akăn noh.

Rom 1:22

Đon bơ̆n tơchĕng kơdih khan bơ̆n hơgei, mă tơpă bơ̆n kơtul dêh.

Rom 12:16

Bơ̆n athei kiơ̆ kơ jơhngơ̆m đon bôl buăl lăp đon, 'nĕ pơang akâu bơ̆n kơ sư; mă loi bơ̆n athei tơbôl hăm lu bơngai dơnuh, pơma dơnuh pơlung sư mă hiôk.

Êphêsô 2:3

Mă đĭ kơ nhôn bơngai Juđê kư̆m pơm thoi noh mơ̆n sơ̆. Nhôn kư̆m hưch hanh kơ tơdrong âu tơdrong to, pơm kiơ̆ kơ nhôn wă kơdih kơnê̆ dêh, trŏ kơ 'Bok Kei-Dei hil thoi lu bơngai nai tơpă.

Ya 2:20

Ơ lu bơngai kơhlôh, iĕm ưh tam băt 'mơ̆i hă, tơdrong bơngai mă khan sư lui boih mă sư ưh kơ pơm kiơ̆, na iĕm wă kơ inh tơ'bôh kơ iĕm tơdrong bơngai mă lui ưh kơ yua noh hă?