Jop 10:1 - Sơ̆p Hlabơar Nơ̆r 'Bok Kei-Dei

¹ Inh hăl dêh kơ tơdrong arih inh; Na inh gô tơtok ưh kơ hli; Inh gô roi pơma kơ tơdrong, jơhngơ̆m inh chhŭr nuih.

Jop 10:1 Iomraidhean Croise

I Pot 19:4

Gah Êli, sư năm tơ char glă dang minh năr kơ trong, sư hơ-oei ngôi 'bơ̆t yơ̆p tơm 'long hơngo, sư apinh 'maih wă kơ jah lôch. “Hrăp bơih, dang ei ơ Kră Yang! Jah iŏk bĕ tơdrong arih inh, yua kơ inh ưh kơ đei kiơ 'lơ̆ng hloh kơ lu 'bok kơdră inh.”

Jop 14:13

Hơpơi rŏ kơ Ih ôn inh tơ lăm bơsat klơ̆p ôn inh dĭng truh tơblĕk Ih ngach 'mơ̆i, Truh jơ 'năr đêl hơgăt kơ inh, apinh Ih 'blŏk kơ inh dơ̆ng!

Jop 19:4

Mă khan inh đei pơm yoch hĭ, tơdrong yoch inh noh lăp pơrăm kơdih akâu inh đĕch.

Jop 5:20

Lăm tơdrong pơngot rơwĕt, Sư dŏng pơklaih ih đơ̆ng lôch. Lăm tơdrong tơblah Sư pơklaih ih đơ̆ng đao gưm wă pơlôch ih.

Jop 6:26

Lu iĕm tơchĕng gơh chrih bơtho inh, nơ̆r liơ? Kơplah lu iĕm lăng nơ̆r inh pơma gah tơdrong pơmat-tat thoi kial tơthu.

Jop 7:11

“Yua kơ noh na inh ưh kơ ĕnh nơ̆r inh wă pơma; Yua kơ jơhngơ̆m inh sơ'ngon inh gô pơma; inh gô ôr mưh jơhngơ̆m inh pơmat dêh.

Jop 7:16

Inh đĭ hăl bơih tơdrong arih inh; Inh đĭ ưh pă 'maih arih bơih. Apinh ih 'nĕ pă hiơ̆k kơ inh, yua kơ chăl arih âu thoi minh hơyuh kial dui jơhngơ̆m đĕch.”

Jop 9:21

Inh 'lơ̆ng tơpăt, mă-lei inh khan kơdih ưh kơ yua kiơ; inh areh kơ tơdrong arih inh.

Êsai 38:15

Inh wă pơma kiơ dơ̆ng? Kră Yang pơma hăm inh bơih, na Sư kư̆m gô pơm keh boih tơdrong noh. Đĭ chăl inh arih, inh gô arih sa pơyom, yua kơ lăm jơhngơ̆m chhŭr nuih.

Êsai 38:17

Âu yua kơ đei tơdrong lơi yua kơ inh, na inh đei tơdrong chhŭr nuih lơ. Kră Yang 'mêm kơ inh rôp bơhngol inh kơjăp, wă kơ inh huay kơ huŏng lăm sơlŭng lôch răm; Kră Yang klơ̆m hŭt lê̆ bơih dôm tơdrong yoch inh tơ rŏng Ih.

Jôna 4:3

Ơ Kră Yang, dang ei, inh krao apinh Ih iŏk lê̆ tơdrong arih inh bĕ! Yua kơ gah inh, lôch 'lơ̆ng hloh kơ arih.

Jôna 4:8

Kơplah lăp 'năr lĕch, Kră Yang 'Bok Kei-Dei ăn kial tơthu dơ̆ng gah hơlĕch păng 'năr tŏ chră tơ kơ̆l sư, na sư mah wing măt, na sư khan thoi âu: Gah inh, lôch 'lơ̆ng hloh kơ arih!

Jo 11:15

Tơdah Ih pơm kơ inh thoi noh păng dah inh đei tơdrong mơnat 'bơ̆t anăp ih, 'lơ̆ng hloh Ih jah pơlôch inh đĕch, wă kơ inh huay pă 'bôh tơdrong pơmat-tat inh!