Jop 1:7 - Sơ̆p Hlabơar Nơ̆r 'Bok Kei-Dei

⁷ Kră Yang jet Satan: “E đơ̆ng yơ?” Satan tơl Kră Yang: “Inh chă nơnăm juang jơ̆p-jang kơ teh đak.”

Jop 1:7 Iomraidhean Croise

II Pot 5:25

Na sư hăt hot năm hloi tơ Êlisê yŏng tơ'ngla sư, Êlisê jet sư khan; “ơ Gêhasi ih brŏk đơ̆ng yơ noh hei?” Sư tơl: “Inh ưh kơ đei năm tơ yơ ôh”

Jop 2:2

Kră Yang jet Satan: “E đơ̆ng yơ?” Satan tơl Kră Yang, “inh chă lăng nơnăm juang jơ̆p-jang kơ teh đak.”

Sa 6:7

Đơ̆ng rŏng kơ noh đei lu aseh pran lĕch wă năm dăr juang jơ̆p kơ teh đak, Sư khan: “Năm bĕ, lăng teh đak.” Đơ̆ng noh, lu sư năm chă lăng teh đak.

Mathiơ 12:43

“Pơtih gia yang kơnê̆ lĕch đơ̆ng akâu bơngai, năm tơ char glă, sư chă anih pơdơh ră, sư chă ưh kơ đei.

I Pet 5:8

Bơ̆n athei chơ̆n jơhngơ̆m păng kơchăng kơdih, yua kơ yŏng pơgơ̆r yang kơnê̆ mă ayăt kơ bơ̆n, sư nơnăm jơ̆p-jang arum thoi kiĕk wă rôp sa bơ̆n.

Tơdrông Tơ'bôh 12:9

Na đe tơhuŏng sư păng đĭ lu linh sư tơ teh. Prao noh boih 'bih so sơ̆ mă đe anăn yŏng yang sơmăt păng yang Satan. Sư pơhlŭ đe jơ̆p kơ teh đak. Đe blah tơhuŏng sư păng lu linh sư đơ̆ng plĕnh tơ teh.

Tơdrông Tơ'bôh 20:8

Na sư gô pơhlŭ kon bơngai jơ̆p kơ teh đak, jơ̆p kơ dêh char, lu bơngai mă đe anăn Gok păng Magok. Sư krao akŭm kon bơngai jơ̆p kơ teh đak wă năm tơblah. Lu sư lơ tơpă dang pơlao chuơh dơsĭ.