Jop 1:21 - Sơ̆p Hlabơar Nơ̆r 'Bok Kei-Dei

²¹ Păng khan: “Mĕ inh tơpŭ kơ inh sơ̆ akâu hoh, păng inh brŏk tơ teh kư̆m gô akâu hoh mơ̆n; Kră Yang asong ăn, Kră Yang pơdrâu iŏk dơ̆ng; trŏ bơnê kơ anăn Kră Yang!”

Jop 1:21 Iomraidhean Croise

Bl 3:19

Ih athei jang lĕch đak bơuh bơang tơ klĕng ih 'mơ̆i na đei sa,d dĭng truh tơ năr ih brŏk tơ teh dơ̆ng, teh mă đêl man ih sơ̆, yua kơ ih đơ̆ng 'mui teh, ih gô brŏk tơ 'mui teh.”

Bl 30:2

Jakôp hil kơ Rachel păng khan: Inh Kră Yang 'Bok Kei-Dei hă na gơh ăn kơ e tơpŭ kon?

Bl 45:5

Dang ei iĕm lê̆ pă tơchĕng, kư̆m lê̆ pă hmach khan tĕch inh tơ dêh char âu; noh wă kơ wei-lăng tơdrong arih lu iĕm, Kră Yang 'Bok Kei-Dei đei wơh inh năm tơ âu adrol kơ lu iĕm.

II Sam 16:12

Băt Kră Yang lăng 'bôh boih tơdrong pơmat-tat inh, na ăn tơdrong pŭn hiôk tơplih tơdrong sư hiap năr 'nâu.”

I Pot 12:15

Thoi noh, pơtao ưh kơ mơ̆ng ôh nơ̆r kon pơlei pơla pơma, yua kơ tơdrong 'noh truh đơ̆ng Kră Yang ăn, wă pơsĭt nơ̆r Sư mă Kră Yang yua boih Ahija bơngai Silô khan kơ Jêrôbôam, kon drŏ-nglo Nêbat.

II Pot 20:19

Hesekia tơl Êsai: “Nơ̆r Kră Yang mă ih tơbăt noh 'lơ̆ng dêh.” Yua kơ Hesekia tơchĕng: “Huay ôh kư̆ kơ lăm chăl arih inh, đei hiôk rơnŭk păng hơdơ̆ng kơjăp.

Ne 9:5

Kơplah noh lu bơngai Lêwi, Jêsua, Katmiêh, Bani, Hasapneia, Sêrêbia, Hôđia, Sêbania păng Pêtahia khan: Iung bơnê ư-ang bĕ kơ Kră Yang 'Bok Kei-Dei lu iĕm, Kră Yang đei ling-lang dang ei dĭng truh tơ ning-mônh. Trŏ kơkuh bơnê Anăn 'lơ̆ng rŏ Sư, kơjung hloh kơ tơdrong kơkuh păng nơ̆r bơnê.

Jop 1:11

Mă-lei dang ei dah Ih yơ̆r ti pơrăm dôm tơmam sư đei, lei sư gô hiap Ih hloi.”

Jop 2:10

Mă-lei Jop khan kơ akăn sư: “Ih pơma thoi minh 'nu drŏ-kăn kơwao. Tơdrong pŭn hiôk đơ̆ng Kră Yang 'Bok Kei-Dei ăn, bơ̆n sơng iŏk; na tơdrong pơmat truh, ba wă ưh kơ iŏk hă?” Lăm đĭ dôm tơdrong noh, Jop ưh kơ đei pơma kơnê̆ 'bơm Kră Yang ôh.

Jop 9:12

Tơdah Sư tơgar pleh đơ̆ng bu, bu pơ̆n khă Sư? Bu pơ̆n khan kơ Sư, “Ih pơm kiơ thoi noh?”

Horiso 34:1

Inh gô ư-ang akâu Kră Yang ling-lang. Tơdrong ư-ang kơ Sư oei 'bơ̆t hơkŭng inh

Horiso 34:2

Bơhngol inh gô pơư pơang lăm Kră Yang, Lu bơngai gô kơtơ̆ng păng chơt hiôk tơpă.

Horiso 39:9

Inh ngăn ưh pă đei ha 'bơ̆r, Yua kơ Ih pơm tơdrong noh.

Horiso 49:17

Yua kơ dah sư lôch ưh kơ đei gơh chĕp ba kiơ. Mŭk măk sư kư̆m ưh kơ kiơ̆ sư tơ lăm bơsat mơ̆n.

Bôk Bơthô 12:7

Păng brŏk tơ teh bơhngol wơ̆t brŏk tơ Kră Yang 'Bok Kei-Dei tơ'ngla mă pơjing sư.

Bôk Bơthô 5:14

Dah đei tơdrong răm truh, dôm lu mŭk tơmam 'nâu hiong đĭ; sư đei kon hơ'lơ̆p, mă-lei pă đei ăn kơ kon sư kiơ.

Bôk Bơthô 5:15

Bơ̆n lĕch đơ̆ng klak mĕ akâu hoh, bơ̆n lôch brŏk tơ teh kư̆m hoh thoi noh mơ̆n, brŏk tơpang ti hoh ưh kơ đei chĕp ba kiơ đơ̆ng tơdrong jang mă gleh hrat noh.

Bôk Bơthô 5:19

Hloh kơ noh dơ̆ng bơngai bu Kră Yang 'Bok Kei-Dei ăn kơ sư mơdrŏng, đei mŭk tơmam lơ sư gơh yua gơh iŏk tơmam noh păng hiôk chơt lăm tơdrong jang sư mă hrat gleh noh boih tơdrong Kră Yang 'Bok Kei-Dei asong ăn.

Êsai 24:15

Thoi noh ư-ang bĕ kơ Kră Yang ơ lu bơngai oei lăm teh đak gah hơlĕch, ư-ang bĕ kơ anăn Kră Yang 'Bok Kei-Dei đe Isơrael ơ lu bơngai oei lăm lu bŏl đak dơsĭ.

Êsai 42:24

Bu jao lê̆ Jakôp ăn đe plah iŏk, păng lê̆ lu bơngai Isơrael ăn kơ đe tơtông? Ưh kơ trŏ Kră Yang Tơ'ngla mă lu bơ̆n pơm yoch hăm Sư hă? Lu sư ưh kơ wă yak kiơ̆ trong Kră Yang păng ưh kơ wei răk khôi juăt Sư?

Êsai 45:7

Inh bơih Tơ'ngla pơm đei tơdrong hơdah păng pơjing tơdrong măng mu, pơm đei tơdrong hiôk-hian păng kư̆m ăn đei tơdrong pơrăm, Inh bơih Kră Yang Tơ'ngla pơm dôm tơdrong noh.

Nhom 3:38

Hăm trŏ lĕch đơ̆ng 'bơ̆t Kră Yang tih hloh, mă đei pơmat-tat dah pŭn hiôk?

Am 3:6

Dah đe hlôm keng lăm pơlei tih, hăm trŏ lu kon pơlei hli? Tơdah Kră Yang ưh kơ đei pơm lei hăm đei tơdrong truh kơ pơlei noh ưh?

Mathiơ 20:15

Tơdrong noh inh hơlăng kơ sư đĕch, ih 'nĕ pă 'nhĕng.’ ”

Êphêsô 5:20

Bơ̆n athei băt bơnê kơ 'Bă tơm bơ̆n 'Bok Kei-Dei lăm tôm tơdrong păng bơ̆n athei krao chă Yŏng bơ̆n Yêsu Krist na bơ̆n gơh krao khan bơnê kơ 'Bok Kei-Dei.

I Tim 6:7

Kơplah lăm mĕ bơ̆n tơpŭ kơ bơ̆n oei nge sơ̆, bơ̆n ưh kơ đei chĕp tơmam kiơ tơlĕch tơ teh âu. 'Noh thoi lĕ bơ̆n lôch ning-mônh, bơ̆n ưh kơ gơh chĕp ba tơmam kiơ ôh.

Ya 1:17

Yua kơ tơdrong hiôk tơdrong 'lơ̆ng ưh kơ lĕch đơ̆ng nai ôh, tă lĕch đơ̆ng 'Bok Kei-Dei ngăl. Sư boih pơjing ăn kơ bơ̆n tôm tơdrong hơdah, thoi kơ măt 'năr, măt khei, lu sơnglŏng. Sư pơchrang hơdah kơ bơ̆n ling-lang ưh kơ tơplih kiơ phara ôh.

Ya 5:11

Bơ̆n ư-ang tơpă 'bôh lu bơngai đei tơdrong gleh truh mă sư oei lui kơjăp, thoi lĕ kơ 'bok Jop sơ̆ sư đei tơdrong gleh pơmat kơ sư dang noh mă sư oei adrin lui khŏm khŏm. Na đơ̆ng rŏng bơ̆n 'bôh 'Bok Kei-Dei mơnat kơ sư, ăn kơ sư hiôk jơnap, na bơ̆n kư̆m băt kơ 'Bok Kei-Dei mơnat kơ bơ̆n thoi sư noh mơ̆n.

Ru 1:21

Inh weh đơ̆ng âu sơ̆ inh đei tơm tơdrong, mă-lei inh brŏk âu brŏk tơpang ti hoh. Kră Yang tuh ăn kơ inh tơdrong gleh glăn păng Tơ'ngla mơsêh mơyang pơm kơ inh pơmat-tat.

I Sam 2:7

Kră Yang ăn kơ đe dơnuh, Păng tơiung đe mơdrŏng; Sư tơjur đe păng kư̆m pôk hơtŏk mơ̆n.

I Sam 2:8

Sư rô̆ tơiung bơngai dơnuh đơ̆ng 'mui teh; Sư pơdơ̆ng tơiung lu bơngai kơ'bah đơ̆ng lăm 'mui tơnuh, Wă kơ lu sư dơ̆ng hơdai hăm lu bơngai yŏng pơgơ̆r. Păng kư̆m ăn oei lăm anih đe pơyom. Jrăng plei teh noh đơ̆ng Kră Yang, Păng kơpal jrăng noh sư pơdơ̆ng bơih plei teh.

I Sam 3:18

Na Samuel roi đĭ dôm tơdrong, ưh kơ đei ôn kiơ hăm sư. Hêli tơl khan: Sư bơih Kră Yang, apinh Sư pơm dôm tơdrong thoi Sư lăp đon!