Jop 1:10 - Sơ̆p Hlabơar Nơ̆r 'Bok Kei-Dei

¹⁰ “Yua kơ Ih war dur tăp dăr wei-lăng sư, hnam dơnŏ sư păng dôm tơmam sư đei. Ih tuh ăn pŭn kơ tơdrong jang sư păng ăn kơ sư tơmam rai lơ lăm teh.

Jop 1:10 Iomraidhean Croise

Bl 15:1

Đơ̆ng rŏng kơ tơdrong noh, đei nơ̆r Kră Yang khan dơ̆ng kơ Abram lăm tơdrong tơ'bôh thoi âu: “Ơ Abram ih 'nĕ kơ hli; Inh âu jơ̆ khêl pĕng ih; ih gô đei tơmam apah tih tơpă.”

Bl 26:12

Isăk choh jang lăm tơring noh; sơnăm noh sư đei kĕch yuă iŏk lơ hloh kơ adrol hrĕng wơ̆t, yua kơ Kră Yang ăn đei tơdrong pŭn hiôk.

Bl 30:30

Adrol kơ inh truh, kon sem dơrong ih tŏ sĕt đĕch, mă-lei na đơ̆ng năr inh jang na đei rai lơ tơpă. Kră Yang đei tuh ăn pŭn hiôk kơ inh iŏk đơ̆ng năr inh juă jơ̆ng mơ̆t oei tơ lăm hnam âu; băt dang yơ inh gô pơjing sa hnam kơdih.

Bl 30:43

Yua kơ thoi noh sư mă mơdrŏng dêh, đei lơ sem dơrong, đĭch drŏ-nglo, đam drŏ-kăn, lăk-đa păng aseh iĕ.

Bl 39:5

Đơ̆ng năr sư jao kơ Jôsep đĭ-đăng mŭk tơmam lăm hnam sư, na Kră Yang ăn hnam sư đei pŭn hiôk; yua kơ đơ̆ng Jôsep wei-lăng ei, Kră Yang kư̆m ăn pŭn kơ rim mŭk tơmam sư đei noh mơ̆n, mă khan tơmam lăm hnam dah tơ lăm mir chŭn.

Bl 49:25

Kră Yang 'Bok Kei-Dei đơ̆ng 'bă gô tơgŭm e; Kră Yang mơsêh mơyang gô ăn pŭn hiôk kơ e, Wă khan tơdrong pŭn hiôk jruh đơ̆ng plĕnh. Hăm tơdrong pŭn hiôk jruh đơ̆ng anih jrŭ. Tơdrong pŭn hiôk đơ̆ng toh păng đơ̆ng lăm klak mĕ.

Jop 1:3

Jop đei tơpơh-rơbâu tŏ triu, pêng-rơbâu tŏ aseh lăk-đa, pơđăm-hrĕng hơgrop rơmo choh, pơđăm-hrĕng tŏ aseh iĕ akăn păng đei đĭch đam lơ; sư mơdrŏng hloh kơ đĭ-đăng bơngai lăm dêh char gah Hơlĕch.

Jop 29:2

Ôi hơpơi rŏ kơ inh gơh arih dơ̆ng thoi lĕ khei 'năr ki sơ̆, 'Bơ̆t mă Kră Yang 'Bok Kei-Dei oei wei-lăng inh;

Jop 29:6

Kơplah jơ̆ng inh yak tong lăm đak toh, Păng đak rơmă ôliwơ lĕch ro thoi glung đơ̆ng tơpăl tơmo hmĕt.

Jop 31:25

tơdah inh hiôk chơt kơ mŭk drăm lơ, dah yua kơ đơ̆ng ti inh đei chă lơ tơmam.

Jop 42:12

Thoi noh, Kră Yang tuh tơdrong pŭn hiôk ăn kơ Jop lăm sơnăm rai kră lơ hloh kơplah 'nao iung sơ̆: Sư đei mơjĭt-puăn rơbâu tŏ triu, tơdrâu-rơbâu tŏ aseh lăk-đa, minh-rơbâu hơgrop rơmo păng minh-rơbâu aseh iĕ akăn.

Horiso 107:38

Kră Yang 'Bok Kei-Dei ăn tơdrong pŭn hiôk kơ lu sư, lu kon pơlei rai hrôh. Sư ưh kơ đei ăn kơ kon sem dơrong lu sư hrŏ hiong,

Horiso 34:7

Linh jang Kră Yang war tăp dăr kơ lu đe bu mă hli yom kơ Sư. Păng dŏng pơklaih lu sư.

Horiso 5:12

Ơ Kră Yang, yua kơ Ih gô ăn tơdrong pŭn hiôk kơ lu bơngai tơpăt, Iŏk đon 'mêm mơnat pĕng lu sư thoi khêl.

Horiso 71:21

Ih gô pơư kơ inh rai dêh tơdrong 'lơ̆ng rŏ rai dêh. Hơlơ̆k pơlung inh dơ̆ng.

Horiso 80:12

Yua kơ kiơ Ih teh tơpăk lê̆ dur sư Achăng lê̆ kơ lu bơngai năm rok noh phĕ tơtông plei hơmu?

Horiso 90:17

Apinh tơdrong mơnat đơ̆ng Kră Yang 'Bok Kei-Dei lu nhôn, oei hơdai lu nhôn; Apinh Ih pơm ăn mă kơjăp dôm tơdrong jang đơ̆ng ti lu nhôn. Tơpă, apinh Ih pơm ăn mă kơjăp tơdrong jang đơ̆ng ti lu nhôn pơm.

Tơdrông Pơđơk 10:22

Pŭn hiôk đơ̆ng Kră Yang ba ăn mơdrŏng; Sư ưh kơ đei thim tơdrong sơ'ngon ôh.

Êsai 5:2

Sư choh teh preh dônh lê̆ tơmo đĭ, sư pơtăm rơih iŏk tơm hơmu bluh 'lơ̆ng, sư pơdơ̆ng minh pôm hnam thôt tŏk-bŏk pơgar păng sir minh pôm sơlŭng wă hmĕt iŏk đak hơmu sư. Sư hơmĕng hơmu sư đei plei 'lơ̆ng mă-lei tă kơ plei đĭ wir.

Êsai 5:5

'Nâu, Inh roi kơ lu iĕm. Tơdrong Inh wă pơm kơ pơgar hơmu Inh. Inh gô yuih lê̆ dur war, na đe gô phĕ sa plei sư đĭ, Inh gô tơlơ̆ lê̆ dur noh na đe gô pơjuă pơrăm sư.

Sa 2:5

Yua kơ Inh, Kră Yang: ‘Inh gô pơm dur pơlei noh hăm ŭnh păng gô đei tơdrong ư-ang tơ lăm sư.’ ”

Sa 2:8

Yua kơ Kră Yang Tih Hloh khan: “Đơ̆ng rŏng kơ tơdrong ư-ang; na Sư wơh inh năm blah lu teh đak pơgŏ lu iĕm; yua kơ tơdah bu hơtŭt 'bơm lu iĕm, noh kư̆m thoi hơtŭt 'bơm kơ kon-ngai lăm măt Sư.

Both 33:11

Ơ Kră Yang! Apinh Ih ăn kơ lu sư đei jơhngơ̆m pran 'nao. Ăn pŭn kơ tơdrong jang đơ̆ng tơpang ti lu sư pơm. Apinh Ih teh tơgơ̆ lê̆ rơhiĕo lu bơngai ayăt, păng pơrăm lu bơngai areh kơ lu sư, wă kơ lu sư huay pă iung blah dơ̆ng!

Both 33:27

Kră Yang 'Bok Kei-Dei arih ling-lang noh anih ih kơ'nơp, gah ala kơ ih đei tơpang ti Kră Yang drơng tơgŭm, Sư puh lê̆ lu bơngai ayăt 'bơ̆t anăp ih, Na sư khan: Pơrăm pơlôch lu sư bĕ.

Both 7:13

Kră Yang sư 'mêm mơnat kơ iĕm, ăn tơdrong pŭn hiôk kơ iĕm ăn kơ lu kon sâu iĕm rai lơ hrôh ngôh; Sư gô ăn tơdrong pŭn hiôk kơ lu kon iĕm đơ̆ng blu pôih, ăn tơmam đơ̆ng teh, ăn phe 'ba, hơ'bo, plei hơmu păng đak rơmă plei 'long ôliwơ kơ iĕm, ăn rơmo, triu rai lơ lăm teh đak, mă sư đei pơkă pơkăm boih hăm 'bok iĕm, wă ăn kơ iĕm.

I Pet 1:5

Yua kơ bơ̆n lui păng gơnang kơ Sư tơpă, na 'Bok Kei-Dei tơ'ngla mă mơsêh mơyang, Sư wei-lăng lu bơ̆n ling-lang truh tơ năr Sư wă ăn kơ bơ̆n tôm tơdrong mă Sư đei hơmet lê̆ boih tơ năr tôch noh kơnh.

I Sam 25:16

Lu sư bơwei lu nhôn mă kơ'năr păng kơmăng lu sư nhen thoi dur pĕng lu nhôn, kơplah lu nhôn wei triu jê̆ tơ lăm tơring lu sư.