Jop 1:1 - Sơ̆p Hlabơar Nơ̆r 'Bok Kei-Dei

¹ Tơ lăm dêh char Usa đei minh 'nu bơngai drŏ-nglo anăn sư Jop, sư đei đon 'lơ̆ng tơpăt, băt hli yom kơ Kră Yang 'Bok Kei-Dei păng weh ataih đơ̆ng tơdrong kơnê̆.

Jop 1:1 Iomraidhean Croise

Bl 10:23

Kon drŏ-nglo Aram anăn Usơ, Hul, Gêther păng Mach.

Bl 17:1

Kơplah Abram tơsĭn-jĭt tơsĭn sơnăm, na Kră Yang tơ'bôh kơ Abram păng khan thoi âu: “Inh boih Kră Yang 'Bok Kei-Dei mơsêh mơyang, ih athei oei 'bơ̆t anăp Inh na ih jing minh 'nu bơngai 'lơ̆ng tơpăt.

Bl 22:12

Linh jang 'lơ̆ng khan thoi âu: “Lê̆ kơ hơ-ô ti ih tơ akâu kon hơ'lơ̆p âu păng kư̆m 'nĕ kơ pơrăm sư yua kơ dang ei Inh băt boih ih hli yom kơ Inh, na huay mah kơeng kơ kon ih wă pơyơ̆r kơ Inh.”

Bl 36:28

'Nâu kon drŏ-nglo Disan; Us păng Aran.

Bl 42:18

Truh năr mă pêng; Jôsep khan kơ lu sư thoi âu: Inh hli kơ Kră Yang 'Bok Kei-Dei; athei pơm thoi âu, na gơh arih.

Bl 6:9

Âu roi gah Nôê. Nôê lăm chăl arih sư jơ̆ minh 'nu bơngai 'lơ̆ng tơpăt, ưh kơ đei tơdrong glăi kiơ, sư kiơ̆ Kră Yang 'Bok Kei-Dei.

II Pot 20:3

“Ơ Kră Yang! Apinh Ih 'blŏk kơ inh, đêl inh yak kiơ̆ Ih tơnăp tơpăt păng đĭ jơhngơ̆m pơm 'lơ̆ng 'bơ̆t anăp Ih.” Đơ̆ng noh Hesekia nhơ̆m hơdrĭ hơdrôi đĭ jơhngơ̆m.

I Ho 1:17

Kon drŏ-nglo Sem: Êlam, Asur, Apaksat, Lut păng Aram. Aram pơjing: Us, Hul, Gêther păng Mêsek.

I Ho 1:42

Kon drŏ-nglo Êser noh: Bilhan, Sawan păng Jaakan. Kon drŏ-nglo Disan noh: Us păng Aran.

Jop 1:8

Kră Yang jet dơ̆ng Satan, “E hăm 'bôh Jop bơngai hli yom kơ Inh? Lăm teh đak ưh kơ đei bu thoi sư, đei đon 'lơ̆ng tơpăt, băt hli yom kơ Inh Kră Yang 'Bok Kei-Dei păng weh ataih đơ̆ng tơdrong kơnê̆.”

Jop 2:3

Kră Yang khan kơ Satan: “E hăm 'bôh Jop bơngai mă hli yom kơ Inh, jơ̆p lăm teh đak ưh kơ đei bu thoi Jop minh 'nu bơngai 'lơ̆ng tơpăt, hli yom kơ Kră Yang 'Bok Kei-Dei păng weh ataih đơ̆ng tơdrong kơnê̆? Mă khan e apinh Inh wă kơ pơrăm sư tơdrong kơ đei, sư oei wei 'lơ̆ng tơpăt.”

Jop 28:28

Kră Yang khan kơ kon bơngai “Hli yom kơ Kră Yang, noh bơih tơdrong gơh hơgei; Weh ataih đơ̆ng tơdrong kơnê̆, 'noh bơih tơdrong hlôh wao.”

Jop 4:6

Ih hli yom kơ Kră Yang 'Bok Kei-Dei, liơ ih ưh kơ lui kơjăp? Ih arih 'lơ̆ng tơpăt, liơ mă ưh kơ đei hơmĕng?”

Jop 9:21

Inh 'lơ̆ng tơpăt, mă-lei inh khan kơdih ưh kơ yua kiơ; inh areh kơ tơdrong arih inh.

Le 18:21

Lei na rơih iŏk bĕ lăm kon pơlei dôm bơngai drŏ-nglo gơh hơgei hlôh wao, băt hli yom kơ Kră Yang 'Bok Kei-Dei mă tơpă, areh kơ tơdrong ưh kơ trŏ, na pôk lu sư pơm bơngai wei-lăng minh-rơbâu 'nu, minh-hrĕng 'nu, kơ pơđăm-jĭt 'nu, kơ mơjĭt 'nu bơngai.

Tơdrông Pơđơk 14:16

Bơngai hơgei đei đon hli păng weh ataih đơ̆ng tơdrong yoch. Mă-lei bơngai kơwao rai pơang kang ưh kơchăng.

Tơdrông Pơđơk 14:2

Bơngai bu năm lăm tơdrong tơpăt băt hli yom kơ Kră Yang; Mă-lei bơngai bu pơm kiơ̆ trong tơdrong kơnê̆ areh kơ Sư.

Tơdrông Pơđơk 16:17

Trong lu bơngai tơpăt băt weh đơ̆ng yoch. Bu kơchăng lăng trong wei rong bơhngol sư kơdih.

Tơdrông Pơđơk 16:6

Đơ̆ng 'mêm băt sĭt tơdrong yoch gơh klaih; Đơ̆ng hli yom kơ Kră Yang na gơh weh đơ̆ng tơdrong kơnê̆.

Tơdrông Pơđơk 20:7

Bơngai tơpăt băt oei arih sa 'lơ̆ng tơpăt, Pŭn hiôk dêh kơ lu kon sâu sư!

Tơdrông Pơđơk 3:7

'Nĕ lăng gơh hơgei kiơ̆ kơ măt kơdih, Mă-lei hli yom bĕ kơ Kră Yang, weh bĕ đơ̆ng trong kơnê̆.

Tơdrông Pơđơk 8:13

Băt hli yom kơ Kră Yang jing areh kơ tơdrong kơnê̆, Inh areh kơ tơdrong pơrŏ, pơang tơdrong pơma kơnê̆, ưh kơ tơpăt.

Je 25:20

Păng đĭ-đăng kơ lu tơmoi lăm char noh lu pơtao char Us, ăn kơ lu pơtao char Philistin, lăm noh đei pơlei Askalon, pơlei Gasa, Ekrôn păng lu bơngai mă oei arih lăm pơlei Asdôt.

Nhom 4:21

Ơ kon adruh Eđôm, oei lăm teh đak Us. Hiôk chơt 'nă hal bĕ. Kơchŏk kư̆m gô jao truh tơ e, E gô huch suai oei akâu hoh.

Êsêkiên 14:14

Dah mă đei pêng 'nu drŏ-nglo âu: Nôê, Đaniel, hăm Jop oei lăm char ei, lei lăp lu sư đĕch gơh klaih oei arih, yua kơ tơdrong tơpăt lu sư kơdih. Kră Yang Tih Hloh khan thoi noh.

Êsêkiên 14:20

Kră Yang Tih Hloh khan, tơpă thoi mă Inh arih ling-lang, mă khan đei Nôê, Đaniel hăm Jop oei lăm char noh, lu sư kư̆m ưh kơ gơh pơklaih kon drŏ-nglo dah kon drŏ-kăn lu sư ôh, lu sư lăp gơh pơklaih kơdih akâu sư đĕch yua kơ tơdrong tơpăt lu sư kơdih.

Luka 1:6

Bre sư pơm 'lơ̆ng tơpăt kơ 'Bok Kei-Dei păng rok kiơ̆ dôm tơdrong juăt 'Bok Kei-Dei pơkă.

Both 18:13

Iĕm athei oei sa mă 'lơ̆ng rơgoh 'bơ̆t anăp Kră Yang 'Bok Kei-Dei iĕm.

Ya 5:11

Bơ̆n ư-ang tơpă 'bôh lu bơngai đei tơdrong gleh truh mă sư oei lui kơjăp, thoi lĕ kơ 'bok Jop sơ̆ sư đei tơdrong gleh pơmat kơ sư dang noh mă sư oei adrin lui khŏm khŏm. Na đơ̆ng rŏng bơ̆n 'bôh 'Bok Kei-Dei mơnat kơ sư, ăn kơ sư hiôk jơnap, na bơ̆n kư̆m băt kơ 'Bok Kei-Dei mơnat kơ bơ̆n thoi sư noh mơ̆n.

I Pet 3:11

'nĕ pă pơm dôm tơdrong kơnê̆, athei pơm tơdrong 'lơ̆ng ling-lang đĕch, adrin pơhiôk dih băl mă hơiă.