Jôna 3:5 - Sơ̆p Hlabơar Nơ̆r 'Bok Kei-Dei

⁵ Kon pơlei Niniwe lui kơ Kră Yang 'Bok Kei-Dei. Lu sư roi tơbăt athei hrŭk ao 'bi na ơ̆t kơ sŏng sa, iŏk đơ̆ng bơngai pơm tih yŏng mơng truh tơ lu kon pơlei hmă.

Jôna 3:5 Iomraidhean Croise

II Pot 19:1

Lăp kơtơ̆ng tơdrong noh, Hesekia hek ao sư kơdih, na hrŭk ao 'bi păng năm mơ̆t lăm hnam akŭm kơkuh kơ Kră Yang.

II Ho 20:3

Jêhôsaphat hli, na hơmet jơhngơ̆m sư chă Kră Yang, na kư̆m roi tơbăt jơ̆p kơ dêh char athei ơ̆t kơ sŏng sa.

Esơra 8:21

Tơ jê̆ đak krong Ahawa, inh athei đĭ-đăng ơ̆t kơ sŏng sa, wă kơ bơ̆n drap kơkuh 'bơ̆t anăp Kră Yang 'Bok Kei-Dei lu bơ̆n, krao apinh sư tơ'bôh ăn kơ bơ̆n kon sâu lu bơ̆n păng tơmam bơ̆n đei hiôk-hian kơplah bơ̆n yak rok trong.

Esther 4:1

Kơplah Morđêkai băt đĭ-đăng kơ tơdrong wă truh noh na sư hek ao sư, iŏk su ao 'bi păng pung tơnuh tơ akâu sư, năm tơ tŏk-bŏk pơlei ôr krao păng nhơ̆m hmoi ơh sơ'ngon.

Le 33:6

Lei na iŏk đơ̆ng kông Hôrêp kon pơlei pơla Isơrael plôh lê̆ đĭ tơmam pơhrôp lu sư.

Je 31:34

Ưh pă đei pơhrăm băl boih lu rông 'bôt sư; păng lu 'nhŏng oh sư khan: Athei băt kơ Kră Yang! Yua kơ đĭ-đăng lu sư gô băt kơ Inh, bơngai pơm iĕ truh tơ bơngai pơm tih Kră Yang khan: “Inh ưh pă jô̆ yo kơ tơdrong lu sư pơm kơnê̆, păng kư̆m ưh pă 'blŏk kơ yoch glăi đêl lu sư pơm.”

Je 36:9

Lăm khei tơsĭn sơnăm mă pơđăm chăl Jêhôiakim kon drŏ-nglo Jôsia pơtao đe Juđa, đĭ-đăng kon pơlei oei lăm Jêrusalem păng đĭ-đăng kon pơlei đơ̆ng pơlei nai dơ̆ng lăm char Juđa, năm tơ pơlei Jêrusalem, pơm giĕng ơ̆t kơ sŏng sa 'bơ̆t anăp Kră Yang.

Je 42:1

Đĭ-đăng lu yŏng linh 'bih Jôhanan, kon drŏ-nglo Karea, Jêsania, kon drŏ-nglo Hôsaia păng đĭ-đăng lu kon pơlei, đơ̆ng bơngai pơm tih truh tơ bơngai pơm iĕm,

Je 42:8

Sư krao Jôhanan kon drŏ-nglo Karea hăm đĭ-đăng lu yŏng linh mă oei hơdai hăm sư păng đĭ-đăng kon pơlei đơ̆ng pơm tih truh tơ pơm iĕ.

Da 9:3

Inh lăng tơ Kră Yang 'Bok Kei-Dei, noh Kră Yang 'Bok Kei-Dei, inh krao khan, hơpơi apinh păng ơ̆t kơ sŏng sa, hrŭk ao 'bi, pung tơnuh tơ kơ̆l na krao chă.

Jôel 1:14

Hơmet bĕ kơ tơdrong ơ̆t kơ por, krao akŭm tơpôl lơ. Akŭm bĕ lu kră păng đĭ-đăng lu kon pơlei pơla lăm teh đak năm tơ hnam Kră Yang 'Bok Kei-Dei lu iĕm, păng krao apinh bĕ Kră Yang!

Jôna 3:7

Đơ̆ng rŏng kơ noh pơtao roi tơbăt ăn kơ jơ̆p-jang pơlei Niniwe. 'Nâu nơ̆r pơtă đơ̆ng pơtao păng lu bơngai yŏng pơgơ̆r: Mă kon bơngai dah lu sem dơrong, rơmo dah triu, kư̆m ơ̆t ưh kơ sa kiơ. Ưh kơ ăn kơ lu sư sa, kư̆m ưh kơ nhă đak;

Mathiơ 12:41

Truh năr 'Bok Kei-Dei sek tơlang ning-mônh lu kon pơlei Ninêwơ jô̆ kơ lu jơhnơr iĕm dang ei bơngai yoch tih, yua kơ lu sư kơtơ̆ng Jôna bơtho athei tơbral kơdih tơdrong yoch, lu sư tơbral hloi, mă-lei iĕm âu đei bơngai bơtho hơgei hloh kơ Jôna ră pơm kuă kơ tơbral kơdih tơdrong yoch.

Luka 11:32

Truh năr 'Bok Kei-Dei sek tơlang ning-mônh lu kon pơlei Ninêwơ kư̆m jô̆ kơ lu jơhnơr iĕm dang ei bơngai yoch mơ̆n, yua kơ lu sư kơtơ̆ng Jôna bơtho athei tơbral kơdih tơdrong yoch, lu sư tơbral hloi. Iĕm âu đei bơngai bơtho hơgei hloh kơ Jôna ră mă-lei kuă kơ tơbral kơdih tơdrong yoch.

Jang 27:25

Na iĕm 'nĕ pă hli yua kơ inh lui kơ 'Bok Kei-Dei gô pơm kiơ̆ kơ linh jang 'lơ̆ng khan.

Jang 8:10

Đĭ-đăng lu kon pơlei pơla mă bơngai tih, bơngai iĕ năm mơ̆ng Simôn ngăl. Lu sư khan: “'Bok Kei-Dei ăn kơ Simôn pơm tơdrong mơsêh mơyang hơgei tơpă.”

Hêbrơ 11:1

Bơngai đon lui, sư băt tơpă kơ sư gô đei. Tơdrong sư ưh kơ gơh 'bôh sư kư̆m băt kơ đei mơ̆n.

Hêbrơ 11:7

'Bok Nôê sơ̆ kư̆m yua kơ sư lui, na lăp sư kơtơ̆ng 'Bok Kei-Dei khan kơ sư ning-mônh gô đei tơdrong truh na sư lui hloi. Sư pơm minh pôm duk tih wă dŏng pơklaih hnam dơnŏ sư. Sư chu 'Bok Kei-Dei, thoi noh na sư tơbăt kơ bơ̆n 'Bok Kei-Dei jô̆ đĭ-đăng kon bơngai nai yoch ngăl. Pôm 'bok Nôê đĕch 'Bok Kei-Dei jô̆ bơngai 'lơ̆ng, yua kơ sư đei đon lui kơ 'Bok Kei-Dei kơjăp.

Tơdrông Tơ'bôh 11:3

Na inh wă ăn 'bar 'nu bơngai hrŭk ao 'bi năm chă pơtruh kơ đe tơdrong 'Bok Kei-Dei kơplah lăm minh-rơbâu 'bar-hrĕng tơdrâu-jĭt năr.”