Jôna 1:7 - Sơ̆p Hlabơar Nơ̆r 'Bok Kei-Dei

⁷ Đơ̆ng rŏng kơ noh, lu sư pơma tơduă lu sư khan: Lu bơ̆n athei hlang lăng wă kơ băt tơdrong truh kơ bơ̆n âu, yua kơ đơ̆ng bu. Na lu sư hlang lăng trŏ kơ Jôna.

Jôna 1:7 Iomraidhean Croise

Esther 3:7

Lăm khei mônh, khei Nisan, lăm sơnăm mơjĭt-'bar chăl pơtao Asêrus đe dan lê̆ Pur 'bơ̆t anăp Haman wă kơ băt năr păng khei ayơ trŏ kơ pơm kơ lu bơngai Juđa. Lu sư dan lê̆ khŏm khŏm na trŏ kơ khei mơjĭt-'bar, khei Adar.

Jop 10:2

Inh khan kơ Kră Yang 'Bok Kei-Dei, 'nĕ pă jô̆ inh bơngai yoch; Ăn kơ inh băt Ih jô̆ inh đei yoch kiơ.

Horiso 22:18

Lu sư asong băl hơbĕn ao inh, Hlang lăng ao tai inh.

Tơdrông Pơđơk 16:33

Đe hlang lăng iŏk đơ̆ng kơpal tơdrơi ao. Mă-lei dôm tơdrong trŏ dah glăi tă lĕch đơ̆ng Kră Yang ngăl.

Jo 32:23

Tơdah iĕm ưh kơ pơm kiơ̆ thoi noh, lu iĕm gô pơm yoch 'bơ̆t anăp Kră Yang, iĕm athei băt tơdrong yoch noh gô tuh tơ kơpal kơ̆l lu iĕm.

Mathiơ 27:35

'Blă kơ noh lu linh pơ̆ng Sư tơ 'long pơglang. Lu linh ei lu sư pơpơn dih băl wă kơ băt bu gơh iŏk ao Yêsu, bu iŏk ao ayơ, bu iŏk ao ayơ. Lu sư asong băl ao Yêsu thoi noh.

Jang 13:19

Đơ̆ng hơdrol sơ̆ lu bơngai Isơrael oei chang gô Kră Yang 'Bok Kei-Dei wă ăn kơ lu sư teh đak Kanaan ei dang oei pă puăn-hrĕng pơđăm-jĭt sơnăm 'mơ̆i na truh. Na truh boih puăn-hrĕng pơđăm-jĭt sơnăm, Kră Yang 'Bok Kei-Dei pơlôch pơrăm tơpơh khŭl bơngai ei na teh đak lu đe ei 'Bok Kei-Dei ăn kơ lu bơngai Isơrael. 'Bok Kei-Dei ăn kơ lu sư đei lu kră sek tơlang kơdih sư truh tơ 'bok Samuel, bơngai pơtruh nơ̆r 'Bok Kei-Dei sơ̆.

I Kor 4:5

Thoi noh mă bu bu bơngai thoi yơ bơ̆n 'nĕ chă sek pơma tơdrong sư, gô mơ̆ng kơ Kră Yang jur đĕch, Sư gô tơbăt hơdah ăn tôm tơdrong kon bơngai mă oei ôn pơhrĕp păng tôm tơdrong kon bơngai tơchĕng wă. Hơtai ei kơnh đĭ-đăng rim 'nu kơ bơ̆n mă pơm kiơ̆ kơ Sư wă gô đei nơ̆r Kră Yang bơnê.

Jôsuê 7:10

Kră Yang khan kơ Jôsuê, Iung bĕ, liơ kŭp muh măt tơ teh thoi noh?