Jôna 1:4 - Sơ̆p Hlabơar Nơ̆r 'Bok Kei-Dei

⁴ Mă-lei Kră Yang ăn đei kial hơbŭt tih tơ đak dơsĭ, duk mah wă jê̆ pơchah.

Jôna 1:4 Iomraidhean Croise

Horiso 135:6

Kră Yang pơm đĭ-đăng, tơdrong kiơ Sư lăp đon. Mă tơ plĕnh ti dah tơ teh âu, lăm đak dơsĭ, dah tơ lăm anih jrŭ sŭng.

Horiso 135:7

Sư ăn kơ hơmơ̆l đông đơ̆ng tôch jih kơ plei teh. Sư ăn kơmlat kiơ̆ kơ 'mi, Ăn kơ kial lĕch đơ̆ng anih mong sư.

Horiso 148:8

Ơ ŭnh păng 'mi prĕl, prĕl păng hơmơ̆l. Kial hơbŭt chu kiơ̆ Sư athei.

Le 10:13

Thoi noh Môis yơ̆r hloi 'long jra sư tơklă tơ dêh Êyiptơ, Kră Yang ăn kial đơ̆ng gah hơlĕch dơhlu tơ dêh Êyiptơ prăt năr prăt măng. Truh pơgê dơning kial đơ̆ng hơlĕch tơthu anhăk ba lep truh tơ 'noh hloi.

Le 10:19

Kră Yang ăn kial đơ̆ng gah bơmơ̆t truh tih tơpă, dơhlu anhăk lep tơhuŏng lê̆ tơ đak dơsĭ 'brê; jơ̆p kơ anih lăm dêh Êyiptơ ưh pă đei minh pôm lep ayơ dơ̆ng.

Le 14:21

Môis yơ̆r ti sư tơ đak dơsĭ Kră Yang pơm kial tih đơ̆ng gah hơlĕch tơthu tơ đak dơsĭ pơm kơ đak akŭm tơklah asong 'bar pah jing teh hrĕng,

Le 15:10

Ih tơthu kial lĕch, kial đơ̆ng Ih đak dơsĭ lơ̆p lê̆ lu sư boih; lu sư krăm thoi kơtuăl bơlơ̆k tơ kơđĕl đak jrŭ.

Je 51:16

Tơdah Sư pơma, đei jơwa lu đak tơ plĕnh pơpơ̆; Sư ăn kơ hơyuh đak tŏk đơ̆ng tôch kơ teh. Sư ăn kơmlat hơdai hăm đak 'mi, tơlĕch kial đơ̆ng lăm anih 'mong sư.

Am 4:13

Tơpă, sư boih pơjing lu kông păng pơjing kial. Păng roi ăn kơ kon bơngai băt tơdrong sư tơchĕng; sư pơm kơ hơdah jing măng mu păng yak năm lăm anih kơjung hloh kơpal teh. Anăn sư Kră Yang 'Bok Kei-Dei Tih hloh.

Jo 11:31

Kră Yang ăn hloi kial tơthu bah đơ̆ng đak dơsĭ, puh ba hloi sem wăt huŏng tơ jê̆ tăp dăr kơđông, minh pah âu huŏng dă să wă đei minh năr kơ trong yak, minh pah to dơ̆ng huŏng dă să wă đei minh năr kơ trong yak; hơ'bơ̆l wă dang 'bar hlok đơ̆ng teh.