Jôna 1:12 - Sơ̆p Hlabơar Nơ̆r 'Bok Kei-Dei

¹² Jôna khan: Lu iĕm rôp klơ̆m lê̆ inh bĕ! Klơ̆m lê̆ tơ lăm đak dơsĭ, lei đak dơsĭ huay pă tơdrŏ. Inh băt boih yua kơ đơ̆ng inh na đei kial hơbŭt tih thoi âu:

Jôna 1:12 Iomraidhean Croise

II Sam 24:17

Lăp pơtao Đawit 'bôh linh jang 'lơ̆ng pơlôch pơrăm kon pơlei pơla, na pơtao apinh Kră Yang khan: “Inh boih mă bơngai yoch, inh boih mă bơngai glăi dêh! Na mă lu kon triu 'nâu lu sư ưh kơ đei pơm tơdrong kiơ ôh? Apinh ti Kră Yang pơrăm inh hăm 'nhŏng oh hnam 'bă inh đĕch.”

I Ho 21:17

Đawit Krao Kră Yang 'Bok Kei-Dei: “Hăm trŏ inh athei đe jô̆ kon pơlei? Inh bơih pơm tơdrong yoch kơnê̆ dêh? Bĕ lu triu âu hăm đei pơm kiơ ưh? Ơ Kră Yang 'Bok Kei-Dei inh, apinh ih phak inh păng hnam dơnŏ inh, 'nĕ ăn tơdrong jĭ lôch hơbuh pơm kơ kon pơlei pơla Ih.”

Jop 35:8

Tơdrong kơnê̆ ih lăp gơh pơrăm bơngai thoi ih, Tơdrong 'lơ̆ng tơpăt ih gơh tơgŭm kơ kon bơngai đĕch.

Bôk Bơthô 9:18

Tơdrong hơgei đei pran hloh kơ đao hơlă, mă-lei lăp minh 'nu bơngai đĕch pơm glăi đĕch, sư pơrăm đĭ tơdrong 'lơ̆ng.

Jôna 1:11

Na lu sư khan: Lu bơ̆n pơm liơ wă kơ đak dơsĭ huay pă tơdrŏ, yua kơ đak dơsĭ poh-yă rai dêh.

Jôna 1:13

Lu sư adrin wơ̆r duk gơwĕch wă tŏk tơ kông ră, mă-lei ưh kơ kĕ, yua kơ đak dơsĭ poh-yă rai dêh pơm kơ lu sư.

Yo 11:50

Minh 'nu bơngai lôch tang lu bơngai Juđê bơ̆n, thoi noh na teh đak bơ̆n huay kơ hiong, thoi noh yơh trŏ. Liơ iĕm ưh kơ hlôh tơdrong 'noh?”

Jôsuê 7:12

yua kơ thoi noh, kon pơlei Isơrael ưh kơ kĕ tơblah hăm lu bơngai ayăt kơ lu sư ôh, lu sư kơdŭn tơ rŏng kơdâu ôn, pơm kơdih pŭ iŏk tơdrong pơlôch pơrăm. Tơdah lu iĕm ưh kơ đei pơrăm lê̆ tơmam đe trŏ kơ pơyơ̆r pơrăm noh đơ̆ng lăm lu iĕm, lei Inh ưh pă đei oei hơdai lu iĕm boih.