Jôna 1:1 - Sơ̆p Hlabơar Nơ̆r 'Bok Kei-Dei

¹ Đei nơ̆r Kră Yang khan kơ Jôna kon drŏ-nglo Amitai thoi âu:

Jôna 1:1 Iomraidhean Croise

II Pot 14:25

Sư pơdrâu iŏk đơ̆ng hơdral dêh char Isơrael đơ̆ng 'bơ̆t trong mơ̆t tơ Pơlei Libo Hamat truh tơ đak Dơsĭ Araba, kiơ̆ thoi nơ̆r Kră Yang 'Bok Kei-Dei đe Isơrael khan kơ Jôna đĭch đam Sư kon drŏ-nglo Amitai 'bok khan lê̆ adrol mă oei tơ Pơlei Gat Hepher.

Am 3:8

Kơplah dăm-brang ôr grĕnh, hăm đei bu mă ưh kơ hli? Dah Kră Yang bơtho khan boih hăm đei bu ưh kơ khan lê̆ adrol?

Jôna 3:1

Đei dơ̆ng nơ̆r mă 'bar Kră Yang khan kơ Jôna thoi âu:

Mathiơ 16:4

Jơhnơr iĕm ahrei kơnê̆ dêh, na mă kuă kơ lui kơ 'Bok Kei-Dei. Iĕm pơm pơlong Inh tơ'bôh kơ iĕm tơdrong mơsêh wă kơ iĕm băt Inh đơ̆ng 'Bok Kei-Dei tơpă dah ưh. Mă-lei Inh ưh kơ wă pơm tơdrong mơsêh thoi iĕm apinh noh ôh. Bĭ tơdrong Jôna sư bơngai pơtruh nơ̆r 'Bok Kei-Dei sơ̆, ka luăn sư pêng măng pêng năr, na ning-mônh 'Bok Kei-Dei kư̆m tơ'bôh kơ iĕm tơdrong mơsêh thoi noh mơ̆n, wă kơ iĕm băt Inh đơ̆ng Sư tơpă.” Đang kơ Sư pơma thoi noh Sư năm hloi tơ nai.

Luka 11:32

Truh năr 'Bok Kei-Dei sek tơlang ning-mônh lu kon pơlei Ninêwơ kư̆m jô̆ kơ lu jơhnơr iĕm dang ei bơngai yoch mơ̆n, yua kơ lu sư kơtơ̆ng Jôna bơtho athei tơbral kơdih tơdrong yoch, lu sư tơbral hloi. Iĕm âu đei bơngai bơtho hơgei hloh kơ Jôna ră mă-lei kuă kơ tơbral kơdih tơdrong yoch.