Jôel 3:9 - Sơ̆p Hlabơar Nơ̆r 'Bok Kei-Dei

⁹ Ră roi bĕ tơdrong âu jơ̆p kơ teh đak đe. Hơmet bĕ tơdrong tơblah, pơdrŭt jơhngơ̆m lu linh pran kơtang iung blah. Ăn kơ đĭ-đăng lu linh gơh tơblah năm tơ anăp bĕ, ăn kơ lu sư blah!

Jôel 3:9 Iomraidhean Croise

Horiso 96:10

Athei roi bĕ kơ lu dêh char: “Kră Yang pơgơ̆r. Teh đak đei pơjing kơjăp, ưh kơ đei pơpơ̆. Sư gô sek tơlang kơ kon pơlei pơla tơpăt.”

Êsai 34:1

Ơ lu dêh char năm mă jê̆ mơ̆ng bĕ, ơ kon pơlei pơla pơđêng đon iĕm mơ̆ng bĕ! Ơ teh đak păng lu tơmam 'bĕnh-'bang kơpal teh ơ dêh char păng lu tơmam lĕch đơ̆ng lăm noh mơ̆ng bĕ.

Je 31:10

Mơ̆ng bĕ nơ̆r Kră Yang, ơ kon bơngai jơ̆p kơ dêh char; Ră roi bĕ nơ̆r âu tơ jơ̆p pơlei lăm bŏl đak dơsĭ ataih khan: ‘Kră Yang Tơ'ngla mă pơm ăn kơ adrĕch Isơrael tơklah tơklang, Sư wă akŭm pơpôi ba wih brŏk dơ̆ng, Sư gô wei thoi bơngai wei khŭl triu sư.’

Je 50:2

“Roi pơdah bĕ kơ đĭ-đăng dêh char, tơbăt bĕ, hơtŏk hla-kơ păng tơbăt bĕ, 'nĕ kơ ôn ôh tơdrong 'noh, tơbăt bĕ: ‘Đe gô iŏk Babilôn, đe pơm kơ yang Bel mơlâu, yang Mêrôđak 'bĕnh kơ hli tơrơ. Đĭ lu rup yang mơlâu, lu rup yang hli tơrơ.

Je 51:11

Maih bĕ 'brơ̆m tah 'bĕnh kơ jŏ chĕp bĕ khêl, Kră Yang pơdrŭt jơhngơ̆m lu pơtao char Mêđi, Iung blah dêh char Babilôn, Trŏ kơ Kră Yang pơlôch pơrăm sư. 'Nâu boih Kră Yang pơm tơwih. Sư pơm 'mong kơ hnam Sư.

Je 51:27

Hơtol bĕ hla-kơ tơ lăm lu teh đak; hlôm bĕ tơgiĕp tơ jơ̆p kơ dêh char; Hơmet dêh char năm blah sư, Krao pơtơm bĕ lu dêh char Ararat, Mini păng Askenas năm blah sư. Pôk pơjing bĕ yŏng linh! Chông ba bĕ aseh mă lơ năm blah thoi lep tung-nut jơ̆p kơ teh.

Je 6:4

“Hơmet bĕ wă tơblah hăm sư! Iung bĕ! Blah drŭt kơplah 'năr dơ̆ng. Răm-'băm tơpă kơ bơ̆n; năr wă kơsơ̆, yơ̆p măng truh boih rai să.

Êsêkiên 38:17

Kră Yang khan thoi âu: Hăm trŏ kơ ih bơngai mă Inh đei roi đunh đơ̆ng sơ̆ boih Inh đei yua lu đĭch đam Inh lu 'bok khan lê̆ adrol bơngai Isơrael, kơplah lăm năr noh sơ̆, đunh sơnăm bơih, lu sư đei khan lê̆ adrol thoi âu. Inh gô chông ih năm blah lu sư.

Êsêkiên 38:7

Hơmet bĕ ih hăm đĭ-đăng kon pơlei akŭm jum dăr ih kư̆m hơmet. Ih gô pơm yŏng pơgơ̆r lu sư.

Mi 3:5

'Nâu jơ̆ nơ̆r Kră Yang khan gah lu bơngai khan lê̆ adrol, chông kon pơlei Inh na jrok trong, lu bơngai mă ăn rơnŭk rơnua tơmam sa lăm 'bơ̆r lu sư, lu sư khan: Wă tơblah hăm lu bơngai mă ưh kơ ăn tơmam sa kơ lu sư.

Hagai 2:7

Inh kơgŭ đĭ-đăng dêh char gô tơdrŏ păng dôm tơdrong hơpơi wă lu dêh char gô truh păng Inh gô pơm 'bĕnh blai kơ hnam âu,’ Kră Yang Tih Hloh khan thoi noh.

Sa 14:2

Thoi noh Inh gô akŭm đĭ-đăng dêh char gô tơblah hăm Jêrusalem păng pơlei tih đe gô iŏk, hnam akŭm đe gô tơgar iŏk, đe gô rôp pơgŏ, lăm minh puăt kon pơlei đe rôp pơm bơnă, mă-lei kon pơlei mă oei đei noh đe huay kơ pơrăm đơ̆ng lăm pơlei tih.

Sa 14:3

Dang ei, Kră Yang gô năm blah hăm lu dêh char noh, kư̆m thoi sư đei blah boih lăm năr tơblah.