Jôel 3:17 - Sơ̆p Hlabơar Nơ̆r 'Bok Kei-Dei

¹⁷ Kơplah noh na lu iĕm gô băt Inh boih Kră Yang 'Bok Kei-Dei lu iĕm, oei tơ kông Siôn, noh kông rơgoh Inh. Pơlei Jêrusalem jing 'lơ̆ng rơgoh, păng lu bơngai tơmoi ưh pă năm yak trong noh dơ̆ng.

Jôel 3:17 Iomraidhean Croise

Jop 15:19

Dêh char âu đei ăn đĕch kơ lu sư bơih, ưh kơ đei bơngai tơmoi ayơ gơh mơ̆t oei lăm khŭl sư.

Horiso 76:2

Hnam anih akŭm Sư tơ Salem păng anih oei Sư tơ Siôn

Horiso 9:11

Hơri bơnê bĕ kơ Kră Yang, Tơ'ngla oei lăm pơlei Siôn; Roi tơbăt kơ kon pơlei pơla tơdrong tih Sư pơm

Le 16:12

Inh kơtơ̆ng boih nơ̆r kon pơlei Isơrael hil jŏk. Na ih athei khan kơ lu sư: Gơsơ̆ kơnh lu iĕm gô sa 'nhĕm hrăp; pơgê dơning lu iĕm gô sa 'bĕng phĭ rơkah; na lu iĕm gô băt Inh boih Kră Yang 'Bok Kei-Dei lu iĕm.

Êsai 11:9

Lu sư ưh kơ gơh pơm kơnê̆ păng pơrăm băl ôh, jơ̆p kơ anih lăm kông 'lơ̆ng rơgoh Inh, yua kơ jơ̆p-jang kơ teh đak 'bĕnh blai tơdrong hlôh băt kơ Kră Yang bơih, thoi đak ro 'bĕnh dơsĭ.

Êsai 12:6

Ơ kon pơlei Siôn ôr hơri mă re bĕ! Yua kơ Kră Yang 'Lơ̆ng Rơgoh Isơrael jơ̆ tih hloh tŏk-bŏk lăm lu iĕm.”

Êsai 35:8

Tơ noh gô đei minh pôm trong glung tih. Minh pôm trong đe krao trong 'Lơ̆ng Rơgoh. Bơngai 'mê̆-'mach ưh kơ gơh năm trong noh. Mă-lei 'măn lu bơngai kiơ̆ Kră Yang năm trong noh. Mă khan đơ̆ng kơ hlôh kơwao kư̆m huay kơ jrok.

Êsai 4:3

Lu bơngai oei arih lăm pơlei Siôn, lu bơngai oei oei arih lăm pơlei Jêrusalem gô krao lu sư bơngai rơgoh wă khan đĭ-đăng lu bơngai đei chih jô̆ oei arih lăm Jêrusalem.

Êsai 46:13

Inh ba tơdrong dŏng pơklaih truh jê̆, Sư ưh kơ ataih ôh, ưh kơ hiơ̆ ôh, Inh gô dŏng pơklaih pơlei Siôn, Ăn kơ bơngai Isơrael ư-ang kơ Inh bơngai.

Êsai 52:1

Ơ pơlei Siôn, iung hơđơ̆r bĕ, iung hơđơ̆r bĕ, pơpôi jơhngơ̆m pran ih bĕ! Ơ pơlei Jêrusalem, jơ̆ pơlei 'lơ̆ng rơgoh, athei iŏk hrŭk ao 'lơ̆ng ih! Lu bơngai ưh kơ chu kăt tơdra akar, bơngai yoch kơnê̆ 'mê̆-'mach gô ưh pă mơ̆t tơ lăm ih dơ̆ng bơih.

Êsai 56:7

Na Inh gô anhăk lu sư tŏk tơ kơpal kông rơgoh Inh ngăl, Ăn kơ lu sư hiôk chơt lăm hnam Inh krao khan. Tơmam soi 'buh păng tơmam soi nai lu sư pơyơ̆r, tơ kơpal chơnang soi Inh gô sơng iŏk; yua kơ hnam Inh gô krao hnam krao khan ăn kơ đĭ-đăng adrĕch adrung kon pơlei.

Je 31:23

Kră Yang Tih Hloh 'Bok Kei-Dei bơngai Isơrael khan: “Kơplah Inh chông tơwih bơngai bơnă brŏk, lăm char Juđa păng tơ rim pơlei gô khan: ‘Ơ lu anih mă 'lơ̆ng tơpăt Kră Yang, kông rơgoh, apinh Kră Yang ăn kơ anih âu pŭn hiôk!’

Je 31:40

Jơ̆p lăm thŭng atâu đe lôch păng rơnok kơting, đĭ-đăng chŭn dĭng truh tơ thong đak Kidrôn păng truh tơ mum 'Măng Jang Aseh gah hơlĕch, dôm lu 'noh gô klah 'măn lê̆ pha 'lơ̆ng rơgoh ăn kơ Kră Yang păng pơlei oei oei ling-lang ưh kơ đei bu buch lê̆ păng pơrăm dơ̆ng.”

Êsêkiên 20:40

Kră Yang khan: Tơ kơpal kông rơgoh Inh, tơ kơpal kông Isơrael, tơ noh đĭ adrĕch Isơrael, đĭ-đăng kơ lu sư lăm dêh char gô awih awăn kơ Inh. Tơ noh Inh gô sơng iŏk lu sư; Inh gô iŏk tơmam pơyơ̆r păng tơmam pơyơ̆r plei blŭng-a, hăm tơmam soi 'lơ̆ng rơgoh lu sư.

Êsêkiên 37:6

Inh gô ăn huan, ăn sĕch tơ lu iĕm păng lom akâu iĕm hăm akar. Inh gô ăn hơyuh kial dui jơhngơ̆m tơ lăm iĕm, na lu iĕm gô arih; păng lu iĕm gô băt Inh boih Kră Yang.

Êsêkiên 43:12

Âu khôi juăt gah hnam akŭm: Đĭ-đăng anih tăp dăr kơ kơpal kông, noh anih 'lơ̆ng rơgoh. Noh boih khôi juăt hnam akŭm. Chơnang soi

Êsêkiên 44:9

Kră Yang khan thoi âu: 'Nĕ kơ ăn bơngai tơmoi ưh kơ kăt tơdra lăm jơhngơ̆m păng sĕch akar kư̆m ưh kơ kăt tơdra, mơ̆t lăm anih 'lơ̆ng rơgoh Inh, mă lu bơngai oei hơdai hăm lu adrĕch adrung Isơrael kư̆m ưh kơ gơh mơ̆t tơ noh.

Êsêkiên 48:35

Pơtŏ jum dăr kơ pơlei tih đei mơjĭt-tơhngam rơbâu hơgăt. Đơ̆ng năr noh krao anăn pơlei tih âu: Kră Yang oei lăm noh.”

Da 11:45

Sư gô pơjing anih kơđông pơtao sư tơ tŏk-bŏk đak dơsĭ păng kông rơgoh ư-ang. Mă-lei sư gô truh năr tôch kơ sư kơdih păng ưh kơ đei bu mă tơgŭm sư.

Da 9:16

Ơ! Kră Yang 'Bok Kei-Dei, kư̆ kiơ̆ tơdrong tơpăt Ih, inh apinh Ih pơm kơ tơdrong Ih hil weh đơ̆ng pơlei Jêrusalem Ih, wă khan kông rơgoh Ih; yua kơ tơdrong yoch lu nhôn păng tơdrong kơnê̆ lu 'bok yă nhôn, na mă pơlei Jêrusalem păng kon pơlei pơla sư pŭ iŏk tơdrong pơ'brơh đơ̆ng lu bơngai oei tăp dăr kơ lu nhôn.

Jôel 2:27

Kơplah noh lu iĕm gô băt kơ Inh oei hơdai hăm lu iĕm bơngai Isơrael, băt kơ Inh jing Kră Yang 'Bok Kei-Dei lu iĕm, ưh kơ đei bu nai; Đơ̆ng âu tơ anăp kon pơlei Inh đe huay pă pơ'brơh dơ̆ng.

Jôel 3:21

Inh gô iung kơting pham lu sư mă Inh ưh tam mă iung kơting; yua kơ Kră Yang oei lăm kông Siôn.

Mi 4:7

Đơ̆ng noh Inh gô ăn lu bơngai jo jăn jing kon pơlei mă oei oei păng lu bơngai mă đe pă lăng gô jing minh dêh char pran kơtang, Kră Yang gô pơgơ̆r lu sư tơ kông Siôn đơ̆ng dang ei truh tơ ning-mônh.

Na 1:15

To, tơ kơpal kông đei đêl jơ̆ng lu bơngai năm ba tơdrong 'nao 'lơ̆ng păng roi tơdrong hiôk-hian. Ơ Juđa, ih athei bơwei bĕ năr kơ̆m giĕng ih păng pơsĭt bĕ tơdrong ih đêl pơkă; yua kơ lu bơngai kơnê̆ ưh pă pơm kơnê̆ ayăt kơ iĕm dơ̆ng boih lu sư lôch đĭ-đăng boih.

Sa 8:3

Kră Yang Tih Hloh khan: “Inh wih dơ̆ng tơ Siôn păng inh gô oei tơ Jêrusalem; Jêrusalem đe gô krao sư pơlei sĭt tơpăt; kông Kră Yang Tih Hloh gô krao kông Rơgoh.”

Tơdrông Tơ'bôh 21:27

Tơdrong 'mê̆-'mach ưh kơ gơh mơ̆t ôh tơ lăm pơlei noh. Bơngai hơlĕnh, bơngai oei kơkuh kơ yang nai, ưh kơ gơh mơ̆t ôh. Pôm lu bơngai đei chih anăn lăm sơ̆p hla bơar Kon Triu đĕch gơh mơ̆t. Sơ̆p hla bơar Kon Triu noh chih anăn dôm lu bơngai mă gô arih hăm Sư ling-lang.