Jôel 3:12 - Sơ̆p Hlabơar Nơ̆r 'Bok Kei-Dei

¹² Ơ lu teh đak iung bĕ, jur tơ thŭng Jêhôsaphat, yua kơ tơ noh Inh wă sek tơlang kơ đĭ-đăng lu adrĕch adrung jum dăr.

Jôel 3:12 Iomraidhean Croise

II Ho 20:26

Truh năr mă puăn lu sư akŭm băl tơ lăm Thŭng Bêraka, tơ noh lu sư hơri kơkuh ư-ang kơ Kră Yang; yua kơ thoi noh na đe krao anih noh thŭng Bêraka truh tơ dang ei.

Horiso 7:6

Ơ Kră Yang, iung bĕ lăm năr Ih blĕk, Iung blah bĕ hăm lu ayăt kơ inh; Iung hơdơ̆r bĕ ơ Kră Yang 'Bok Kei-Dei tơbăt bĕ tơdrong sek tơlang.

Horiso 96:13

Sư truh wă sek tơlang kơ teh đak, Sư gô sek tơlang kơ teh đak hăm tơdrong tơpăt. Yua tơdrong tơpăt sĭt Sư na sek kơ kon pơlei pơla.

Horiso 98:9

Yua kơ Sư truh wă sek tơlang kơ teh đak. Sư sek tơlang kơ teh đak hăm tơdrong tơpăt sư, tơpăt hơnơ̆ng. Sư sek tơlang kơ kon pơlei pơla.

Êsai 2:4

Kră Yang gô sek tơlang sơlam tŏk-bŏk kơ đĭ-đăng teh đak păng sek ăn kơ lơ adrĕch adrung bơngai, lu sư gô iŏk đao hơjơ̆m pơm pla 'nhik iŏk tơju hơlă lu sư pơm săng kô. Teh đak âu ưh pă đei tơblah păng teh đak to dơ̆ng bơih, ưh pă đei pơhrăm wă tơblah dơ̆ng.

Êsai 22:1

Nơ̆r khan lê̆ adrol gah thŭng tơdrong tơ'bôh. Lu iĕm đei tơdrong kiơ mă đĭ-đăng lu iĕm tŏk hao bơbŭng hnam thoi noh?

Êsai 3:13

Kră Yang iung pơma, Sư iung dơ̆ng sek tơlang kon pơlei.

Êsêkiên 30:3

Yua kơ năr noh wă jê̆ boih, năr Kră Yang wă jê̆ boih. Năr noh năr măng mu năr noh năr đĭ-đăng lu adrĕch adrung lăm teh.

Êsêkiên 39:11

Lăm năr noh, Inh gô ăn kơ Gôk minh anih pơm bơsat 'bŭ tơ Isơrael, lăm thŭng mă lu bơngai năm rok wih wơ̆t gah hơlĕch kơ đak dơsĭ; tơ anih 'bŭ noh găn trong lu bơngai năm wih wơ̆t. Gŏt păng đĭ-đăng kon pơlei kiơ̆ sư, đe gô 'bŭ tơ lăm anih noh, đe gô krao thŭng Hamon Gôk.

Jôel 3:14

Khŭl tơpôl lơlang, khŭl tơpôl lơlap, tơ lăm thŭng tơdrong sek tơlang, yua kơ năr Kră Yang jê̆ truh bơih tơ lăm thŭng tơdrong sek tơlang.

Jôel 3:2

Inh gô akŭm đĭ-đăng lu bơngai đơ̆ng jơ̆p kơ dêh char păng ba lu sư năm jur tơ lăm thŭng Jêhôsaphat. Tơ noh, Inh gô sek tơlang lu sư, gah lu kon pơlei pơla Inh, lu bơngai Isơrael bơih jing tơmam Inh, yua kơ lu sư pơpuh lu kon pơlei pơla Inh tơ jơ̆p-jang kơ dêh char păng pĕng iŏk teh đak Inh,

Mi 4:3

Sư gô pơjing tơdrong sek tơlang tơ rim adrĕch adrung, sek tơbăt tơpăt kơ dôm lu dêh char pran kơtang oei tơ anih ataih; păng lu sư gô iŏk đao hơjơ̆m pơm pla 'nhik choh, iŏk hơlă pơm pla săng kô; dêh âu pă đei iung blah dêh nai păng kư̆m pă đei pơhrăm tơdrong wă tơblah dơ̆ng.

Sa 14:4

Lăm năr noh; jơ̆ng Sư gô dơ̆ng kơpal kông ôliwơ, kông mă tơklă Jêrusalem gah hơlĕch; păng kông ôliwơ gô pơchah tŏk-bŏk, minh pah gah hơlĕch, minh pah gah bơmơ̆t, dĭng mah jing minh pôm thong jrŭ să; minh puăt kông noh hiŏng tơ gah gơal, minh puăt hiŏng gah yă-nơ̆m.

Tơdrông Tơ'bôh 19:11

Inh kư̆m 'bôh plĕnh tơpơih păng 'bôh hloi aseh kok tơ noh. 'Bok mă oei hao aseh ei đe anăn Sư 'Bok 'Lơ̆ng Tơpăt. Tơdrong Sư sek tơlang đe kư̆m tơpăt, mă Sư blah rôp lu bơngai ayăt kơ Sư kư̆m kiơ̆ tơdrong tơpăt.