Jôel 2:30 - Sơ̆p Hlabơar Nơ̆r 'Bok Kei-Dei

³⁰ Inh gô tơ'bôh ăn dôm tơdrong hlĭch chrơp tơ kơpal plĕnh ti păng kơpal teh đak âu, noh wă khan ŭnh, pham, păng lu jrăng 'nhui ŭnh.

Jôel 2:30 Iomraidhean Croise

Bl 19:28

Sư tơmang lăng tơ gah Sôđôm păng Gômôrơ păng đĭ-đăng tơ lăm thŭng, lăng 'bôh 'nhui đơ̆ng teh, 'nhui nhen lĕch đơ̆ng tơnuh ŭnh tih.

Hơri Hiôk 3:6

Bơngai bu lĕch đơ̆ng char glă to noh, Dơhmôl thoi jrăng 'nhui Bluh hơyuh 'bâu phu. Hăm tôm tơdrong 'bâu phu đơ̆ng kơ lu bơngai mơdro tĕch?

Je 4:28

Thoi noh, teh đak âu gô ơh sơ'ngon, plĕnh gô măng mu, yua kơ Inh đei khan, Inh đei pơkă, ưh pă tơplih, ưh pă gơh hơmet nơ̆r dơ̆ng.”

Sa 14:6

Lăm năr noh ưh pă đei hơdah dơ̆ng, dôm lu chră hơdah gô jing iĕ, ưh kơ đei tơngiĕt dah prĕl jur mơ̆n.

Mathiơ 24:29

“Đơ̆ng rŏng kơ tơdrong anat noh boih măt 'năr gô măng mu, măt khei ưh kơ hơdah, sơnglŏng gô huŏng đơ̆ng plĕnh.

Luka 21:11

Gô đei teh adrŏ kơtang păng đei tơdrong pơngot rơwĕt păng lôch hơbuh lơ tơring âu tơring to. Iĕm gô 'bôh tơdrong hlĭch hlăch krưp tơpă tơ kơpal plĕnh.

Jôsuê 8:20

Lu bơngai drŏ-nglo pơlei Ahi wih lăng tơ rŏng 'bôh đei 'nhui ŭnh đe soh pơlei đông tơ kơpal plĕnh. Mă-lei lu sư đĭ pă gơh kơdâu gah yơ, yua kơ lu linh Isơrael mă kơdâu boih tơ lăm thŭng wih tơ rŏng blah lu bơngai mă druh lu sư.

Tơdrông Tơ'bôh 18:18

Lu sư 'bôh 'nhui ŭnh sa pơlei noh na lu sư nhơ̆m hmoi ôr pơret khan: “Pă đei pơlei ayơ tih atŏ, 'lơ̆ng atŏ dang pơlei noh.”

Tơdrông Tơ'bôh 18:9

Na lu 'bok pơtao jơ̆p kơ teh đak mă juăt kơ ngôi kư̆ kă hăm sư, kư̆m hơdai hưch kơ mŭk tơmam thoi sư mơ̆n, na lăp lu sư 'bôh 'nhui ŭnh sa pơlei ei, lu sư nhơ̆m hmoi.

Tơdrông Tơ'bôh 8:7

Lăp linh jang 'lơ̆ng mă mônh hlôm keng, na đei hloi 'mi prĕl tih tơpă. Păng đei ŭnh hăm pham huŏng đơ̆ng plĕnh truh tơ teh, ŭnh sa pơđĭ minh lăm pêng pah teh đak. Lu 'long, ŭnh sa đĭ minh lăm pêng pah, tôm kơ 'nhĕt kư̆m lei-lăi sa pơgoh hloi.

Lu 20:38

Lu linh bơngai Isơrael đei pơkă băl boih hăm lu linh răp noh, dah đei mơ̆t blah pơlei boih athei soh 'nhui ŭnh găm tŏk tơ kơpal wă pơm tơdra,

Lu 20:40

Mă-lei lăp 'bôh 'nhui 'noh păr tŏk đông tơ kơpal hloh kơ pơlei thoi jrăng 'nhui ŭnh, lu bơngai Bênjamin hue lăng tơ rŏng, 'bôh jơ̆p kơ lăm pơlei 'noh tă kơ 'bôh 'nhui ŭnh ngăl đông tŏk tơ plĕnh.