Jôel 2:26 - Sơ̆p Hlabơar Nơ̆r 'Bok Kei-Dei

²⁶ Lu iĕm gô phĭ jơnap sŏng sa rơkah rơkai, na lu iĕm gô bơnê ư-ang kơ Anăn Inh Kră Yang 'Bok Kei-Dei iĕm, Tơ'ngla mă đei ăn kơ lu iĕm dôm tơdrong hlĭch chrơp. Đơ̆ng âu tơ anăp kon pơlei Inh đe ưh pă wă pơjăm dơ̆ng.

Jôel 2:26 Iomraidhean Croise

Bl 33:11

Apinh 'nhŏng iŏk bĕ dôm tơmam mă oh đei pơyơ̆r ăn kơ 'nhŏng, yua kơ Kră Yang 'Bok Kei-Dei đei tơgŭm boih oh đei jang sa pŭn păng đei tôm mah rơkah kơ yua. Jakôp apinh lung 'bơ'bel athei iŏk, na Êsâu chu iŏk.

Ne 9:25

Lu sư blah tơgar iŏk pơlei tih kơjăp păng chŭn mir teh 'lơ̆ng, lu hnam 'bĕnh kơ tơmam 'lơ̆ng, lu đak sơlŭng, pơgar hơmu, pơgar ôliwơ păng plei 'long lơ; lu sư sa phĭ mah rơkah rơkai păng bek, hiôk chơt lăm tơdrong 'mêm Kră Yang tih dêh.

Horiso 103:5

Sư ăn kơ hơlŏng ih hrăp jơnap. Hăm tơmam sa 'lơ̆ng, sơnăm hơmuh hơmŏng ih wih 'nao dơ̆ng thoi Klang.

Horiso 116:7

Ơ bơhngol inh, brŏk dơ̆ng tơ anih pơdơh ih, Yua kơ Kră Yang pơm 'lơ̆ng kơ ih.

Horiso 13:6

Inh gô hơri bơnê kơ Kră Yang, yua kơ Sư pơm 'lơ̆ng kơ inh.

Horiso 22:26

Lu bơngai dơnuh hin gô sa phĭ jơnap; Lu bơngai chơchă Kră Yang gô kơkuh bơnê kơ Sư; Ăn kơ jơhngơ̆m ih đei arih ling-lang.

Horiso 37:19

Lăm năr anat anot lu sư ưh kơ đei mơlâu; Lăm năr pơngot rơwĕt lu sư đei phĭ rơkah.

Horiso 67:5

Ơ Kră Yang 'Bok Kei-Dei, ăn kơ kon pơlei kơkuh bơnê kơ Ih! Ăn kơ đĭ-đăng kon bơngai hơri bơnê kơ Ih.

Horiso 72:18

Trŏ kơkuh bơnê kơ Kră Yang 'Bok Kei-Dei bơngai Isơrael, Lăp minh 'nu Sư đĕch pơm tơdrong hlĭch chrơp!

Tơdrông Pơđơk 13:25

Bơngai tơpăt đei tơmam sŏng sa phĭ mah Mă-lei đei klak lu bơngai kơnê̆ gô pơngot.

Hơri Hiôk 5:1

Ơ mŏ adruh inh, ŭnh om inh, inh mơ̆t lăm pơgar inh boih! Inh dônh 'long pơgang 'bâu phu inh, Inh sa hơkoh sut păng đak sut inh. Inh huch đak hơmu păng đak toh inh.

Êsai 25:1

Ơ Kră Yang Ih bơih Kră Yang 'Bok Kei-Dei inh! Inh ư-ang kơ Ih, inh bơnê pôk pơư kơ anăn Ih, Ih đei pơm boih tơdrong hlĭch, tơdrong Ih pơkă lê̆ đơ̆ng sơ̆, hăm tơdrong tơpăt sĭt.

Êsai 29:22

Na Kră Yang, tơ'ngla huai iŏk Abraham đei pơma kơ adrĕch adrung Jakôp thoi âu: “Muh măt lu sư huay pă găm goi păng huay pă mơlâu dơ̆ng,

Êsai 45:17

Mă-lei bơngai Isơrael, Kră Yang gô dŏng pơklaih. Hăm tơdrong dŏng pơklaih ling-lang ưh kơ đei layơ tôch. Lu iĕm huay pă mơlâu dah rŭng răng dơ̆ng bơih truh tơ đĭ chăl khŏm khŏm.

Êsai 49:23

Lu pơtao gô pơm 'bă wei rong iĕm, lu akăn pơtao gô pơm bơngai wei rong tơmŏm iĕm. Lu sư gô kŭp drap tơ teh chu kơ iĕm; liah 'mui teh tơ jơ̆ng iĕm; kơplah noh iĕm gô băt kơ Inh bơih Kră Yang, păng lu bơngai gơnang kơ Inh gô ưh kơ đei mơlâu.”

Êsai 54:4

'Nĕ kơ hli; yua kơ iĕm gô ưh kơ đei mơlâu ôh. 'Nĕ kơ bơngơ̆t; yua kơ đe ưh pă pơm kơ iĕm mơlâu dơ̆ng bơih. Ih gô hiơt tơdrong mơlâu kơplah iĕm oei mơlôh sơ̆, păng ưh pă 'blŏk dơ̆ng tơdrong mơlâu kơplah iĕm adro.

Êsai 55:2

Liơ lu iĕm pơhuach jên wă răt tơmam mă ưh kơ trŏ kơ tơmam sŏng sa ôh. Ăn jơhngơ̆m gleh lap tơplih iŏk tơmam ưh kơ phĭ? Adrin mơ̆ng bĕ Inh athei sa tơmam mă 'lơ̆ng. Na jơhngơ̆m lu iĕm hiôk kơ tơmam sa bek 'lơ̆ng.

Lêwi 25:19

Teh gô chăt lơ plei 'long sa, lu iĕm gô sa phĭ jơnap păng arih hiôk hơđơ̆ng lăm char iĕm.

Lêwi 26:26

Tơdah inh ăn tơdrong pơngot rơwĕt truh, mơjĭt 'nu adruh gô 'buh 'bĕng lu iĕm lăm minh tơnuh ŭnh păng kŏng 'bĕng noh na wih ăn kơ lu iĕm, lu iĕm sa ră mă-lei ưh kơ phĭ.

Lêwi 26:5

Bơyan kĕch 'ba oei đei truh tơ bơyan phĕ plei hơmu, oei đei truh tơ bơyan rei, lu iĕm gô sŏng sa phĭ mah, arih hiôk hơđơ̆ng lăm char iĕm.

Mi 6:14

Lu iĕm gô sa, mă-lei ưh kơ phĭ ôh; klak lu iĕm kư̆m oei pơngot. Dôm tơmam mă lu iĕm 'măn mong răk đunh kư̆m ưh kơ gơh dŏng ôh. Tơmam kiơ mă lu iĕm đei 'măn mong Inh gô pơjao kơ đao gưm.

Jêphania 3:11

Lăm năr noh, ih ưh pă đei mơlâu yua kơ đĭ tơdrong yoch ih pơm hăm Inh, noh mă dôm tơdrong yoch ih pơm hăm Inh. Yua kơ dang ei Inh wă pơdrâu iŏk đơ̆ng lu sư dôm lu chơt hiôk păng pơang sư; đơ̆ng noh lu iĕm ưh pă đei pơang tơ kơpal kông rơgoh Inh dơ̆ng.

Sa 9:15

Kră Yang Tih Hloh gô tơgŭm dŏng lu sư, lu sư gô pơrăm hăm jei kơplah klơ̆m tơmo, lu sư gô huch suai ôr tơjrông tơjrang đơ̆ng sik hơmu pơm kơ lu sư, lu sư phĭ hrăp thoi pơnhan thoi đe hling tơ lu mum jơ̆ng gơ'bang soi.

Sa 9:17

Tơdrong sư pơm 'lơ̆ng rai 'lơ̆ng dêh tơpă! Sik 'ba mi gô pơm ăn kơ lu bơngai tơdăm rai pran păng sik 'nao gô pơm ăn kơ lu adruh hơlai đei pŭn hiôk.

Rom 10:11

Hla bơar 'Bok Kei-Dei roi gah tơdrong 'Bok Krist thoi âu: “Bu lui kơ Sư, bơngai noh huay kơ hli minh tơdrong kiơ ôh.”

Rom 5:5

Bơ̆n băt kơ tơdrong bơ̆n chang gô noh ưh kơ jor ôh, yua kơ 'Bok Kei-Dei ăn kơ bơ̆n Yang Bơhngol 'Lơ̆ng Sư, na Yang Bơhngol 'Lơ̆ng Sư ăn kơ bơ̆n băt 'Bok Kei-Dei 'mêm kơ bơ̆n tơpă.

Rom 9:33

'Noh thoi sơ̆p hla bơar 'Bok Kei-Dei khan lê̆ sơ̆ thoi âu: “Iĕm lăng. Tơ Pơlei Siôn Inh đei 'măn minh pôm tơmo tŏk-bŏk trong wă kơ đe kơtơih pơ̆k. Bu lui kơ tơmo noh, bơngai noh huay kơ hli minh tơdrong kiơ ôh.”

Both 11:15

Sư kư̆m gô pơm ăn kơ mir tơmăn đei 'nhĕt chăt ăn kơ sem dơrong iĕm; iĕm gô đei sŏng sa phĭ mah rơkah rơkai.

Both 12:12

Tơ noh lu iĕm, kon drŏ-nglo, kon drŏ-kăn, đĭch drŏ-nglo păng đĭch drŏ-kăn lu iĕm lu bơngai Lêwi mă oei lăm pơlei hơdai lu iĕm, lu bơngai mă ưh kơ đei iŏk tơmam dah teh jang sa kơdih gô chơt hiôk 'bơ̆t anăp Kră Yang 'Bok Kei-Dei iĕm.

Both 12:18

Mă-lei iĕm, kon drŏ-nglo, kon drŏ-kăn đĭch drŏ-nglo păng đam drŏ-kăn iĕm, hăm lu bơngai Lêwi oei hơdai lăm pơlei iĕm, athei sa lu kon sem tơmam noh 'bơ̆t anăp Kră Yang 'Bok Kei-Dei iĕm, tơ anih Sư rơih; lu iĕm gô chơt hiôk 'bơ̆t anăp Kră Yang 'Bok Kei-Dei iĕm, dôm tơdrong jang đơ̆ng tơpang ti iĕm kơdih.

Both 12:7

Tơ noh 'bơ̆t anăp Kră Yang 'Bok Kei-Dei lu iĕm, chơt hiôk sŏng sa hăm hnam dơnŏ, yua kơ dôm tơdrong jang đơ̆ng tơpang ti iĕm kơdih, na đei Kră Yang 'Bok Kei-Dei lu iĕm ăn pŭn hiôk kơ iĕm.

Both 8:10

Mưh iĕm sŏng sa phĭ mah rơkah rơkai, iĕm gô bơnê ư-ang kơ Kră Yang 'Bok Kei-Dei iĕm, yua kơ teh đak 'lơ̆ng mă đơ̆ng Sư ăn boih kơ iĕm.

I Tim 6:17

Ih khan kơ lu bơngai mơdrŏng 'nĕ pơang akâu kơdih păng khan kơ sư 'nĕ gơnang kơ mŭk măk sư mơdrŏng. Athei sư tơchĕng gơnang kơ 'Bok Kei-Dei đĕch gơh tơgŭm sư. Tơdrong mơdrŏng ưh kơ kơjăp nhoi ôh. 'Bok Kei-Dei hơlăng, Sư ăn kơ bơ̆n tôm tơdrong bơ̆n kăl yua wă kơ bơ̆n chơt hiôk.

I Yo 2:28

Iĕm adrin lui kơ Sư khŏm khŏm hŏ, na Sư jur tơ ala teh âu ning-mônh iĕm huay kơ hli. Năr noh kơnh iĕm ưh kơ kăl kơ jăk ôn akâu iĕm tơ yơ yơ ôh yua kơ iĕm huay kơ mơlâu kơ Sư.