Jôel 2:23 - Sơ̆p Hlabơar Nơ̆r 'Bok Kei-Dei

²³ Ơ lu kon pơlei Siôn, chơt hiôk bĕ 'nă hal bĕ lăm Kră Yang 'Bok Kei-Dei lu iĕm, yua kơ Sư ăn tơdrong tơpăt jur thoi 'mi jruh lăm bơyan, ăn 'mi hrôih lăm bơyan blŭng-a păng ăn 'mi klui lăm bơyan tuch-luch thoi adrol sơ̆.

Jôel 2:23 Iomraidhean Croise

I Pot 8:36

Apinh ih đơ̆ng kơpal plĕnh mơ̆ng nơ̆r lu sư, apinh ih mơnat ăn kơ tơdrong yoch lu sư, đĭch đam Ih lu kon pơlei Isơrael, apinh Ih bơtho pơhrăm lu sư trong 'lơ̆ng wă kơ lu sư rok kiơ̆, ăn kơ lu sư đak 'mi tơ ala teh âu, wă kơ lu sư jang sa đei tôm tơmam.

Jop 33:23

Mă-lei tơdah kơplah 'nâu đei linh jang 'lơ̆ng truh, Lăp minh 'nu lăm rơbâu hơngan linh jang. Wă pơm 'long sơlam bơtho kon bơngai pơm tơdrong trŏ.

Jop 37:13

Kră Yang pơm pơkeh kiơ̆ thoi Sư wă kơpal teh. Phŏ iŏk sơnguĕt teh bơtho phak, phŏ ăn kơ kon bơngai tơdrong pŭn hiôk.

Horiso 104:34

Ăn tơdrong inh tơchĕng 'lơ̆ng lăp đon Sư. Inh gô chơt hiôk lăm Kră Yang.

Horiso 147:8

Sư gom plĕnh hăm hơmơ̆l. Ăn đak 'mi kơ teh. Ăn 'nhĕt 'nhot chăt kơpal groi.

Horiso 149:2

Ăn kơ lu bơngai Isơrael chơt hiôk lăm Tơ'ngla mă pơjing lu sư; Hơpơi ăn kơ lu kon sâu Siôn chơt hiôk lăm Pơtao sư.

Horiso 28:7

Kră Yang jơ̆ jơhngơ̆m pran păng thoi khêl inh, Jơhngơ̆m inh gơnang boih kơ Sư, na inh mă gơh klaih, Yua kơ thoi noh jơhngơ̆m inh chơt hiôk tơpă. Inh gô iŏk nơ̆r hơri bơnê kơ Sư.

Horiso 32:11

Ơ lu bơngai tơpăt, chơt hiôk bĕ Păng 'nă hal bĕ lăm Kră Yang! Ơ lu bơngai đei jơhngơ̆m tơpăt, ôr jreo chơt bĕ!

Horiso 84:6

Kơplah năm rok thŭng thong tơdrong nhơ̆m hmoi lu sư pơm kơ thong ei jing đei tu đak lĕch ro; 'Mi hrôih kư̆m pơm kơ anih noh đei đak dơnâu 'bĕnh lơ̆p pŭn hiôk.

Tơdrông Pơđơk 16:15

Muh măt pơtao praih hơdah noh ba tơdrong arih, Tơdrong sư mơnat thoi hơmơ̆l 'mi lăm bơyan phang.

Êsai 30:21

Mă lu iĕm weh gah 'ma dah gah 'ngiĕo, đon lu iĕm gô kơtơ̆ng nơ̆r pơma đơ̆ng rŏng lu iĕm khan: “Âu jơ̆ trong mă lu iĕm athei rok kiơ̆!”

Êsai 30:23

Kră Yang gô ăn 'mi jur tơ adrĕch iĕm rei tơ mir chŭn, tơmam sŏng sa 'lơ̆ng đei đơ̆ng mir chŭn păng mah rơkah rơkai, lăm năr noh sem dơrong iĕm gô sa 'nhĕt 'lơ̆p bluh đơ̆ng tơmăn glă.

Êsai 41:16

Lu iĕm gô um sư na gô tơthu pơđông lu sư, phŭt gô huơ̆r lu sư tơklah hiong đĭ, mă-lei gah lu iĕm gô chơt hiôk lăm Kră Yang gô ư-ang kơ Tơ'ngla 'Lơ̆ng Rơgoh Isơrael.

Êsai 61:10

Inh gô hiôk chơt dêh lăm Kră Yang. Jơhngơ̆m inh hiôk 'nă hal lăm Kră Yang 'Bok Kei-Dei inh yua kơ sư pơhrŭk ăn kơ inh ao dŏng pơklaih; tơsu ăn kơ inh ao tai 'lơ̆ng tơpăt nhen thoi lĕ tơdăm iŏk akăn yơ̆l môk wăn kơ̆l sư nhen thoi adruh iŏk klo pơguăng akâu sư hăm tơmam kăp jên.

Je 3:3

Thoi noh na Inh pơgăn lê̆ đak 'mi, đak 'mi kư̆m pă đei lăm bơyan rei pơtăm. Lei ră ih ưh kơ đei mơlâu pơm 'mơng thoi drŏ-kăn ngôi kư̆ kă.

Je 5:24

Lu sư ưh kơ đei khan ôh lăm jơhngơ̆m lu sư: ‘Lu bơ̆n athei hli yom kơ Kră Yang 'Bok Kei-Dei bơ̆n, Tơ'ngla mă ăn đak 'mi trŏ kơ bơyan sư. Bơyan 'mi păng bơyan puih, Ăn kơ bơ̆n kư̆m oei bơwei năr giĕng lăm bơyan kĕch yuă.’

Nhom 4:2

Lu kon drŏ-nglo Siôn gĭt kăl thoi maih se. Dang ei lăng thoi gŏ lơ̆n đơ̆ng ti lu bơngai man!

Êsêkiên 34:26

Inh gô ăn dơ̆ng kơ lu sư tơring jum dăr kơ kông inh. Inh gô ăn đak 'mi trŏ kơ bơyan, đak 'mi pŭn hiôk.

Hôsia 6:3

Bĕ bơ̆n chơchă wă kơ băt Kră Yang. Ăn kơ bơ̆n băt kơnăl mă nhen Kră Yang. Tơdrong Sư truh sĭt tơpă thoi măt 'năr lĕch gah pơgê hrôih, Sư truh tơ lu bơ̆n thoi đak 'mi, thoi 'mi jur chruh kơ teh tuch-luch bơyan.

Lêwi 26:4

thoi noh Inh gô tơjur ăn đak 'mi trŏ kơ bơyan sư lăm teh gô đei lơ 'long plei sa tơ mir gô đei 'nhot sa.

Am 4:7

Inh kư̆m ưh kơ ăn đak 'mi jur tơ lu iĕm lăm pêng khei adrol kơ bơyan kĕch yuă inh ăn boih 'mi tơ pơlei tih 'nâu mă-lei ưh kơ ăn 'mi tơ pơlei tih nai. Chŭn âu đei 'mi boih, mă-lei mir to ưh kơ đei 'mi na jô kro đĭ.

Sa 10:1

Apinh bĕ đak 'mi đơ̆ng Kră Yang kơplah bơyan 'mi wă tôch, na Kră Yang gô ăn kơmlat păng tơjur đak 'mi rơkah rơkai, wă ăn kơ rim 'nu bơngai đei hla 'nhot sa đơ̆ng mir.

Sa 10:7

Bơngai Êphraim gô thoi bơngai nuih pran kơtang, jơhngơ̆m lu sư chhôk hal thoi suai kơ et sik hơmu; kon sâu lu sư gô 'bôh păng chơt hiôk tơpă, jơhngơ̆m lu sư chơt hiôk lăm Kră Yang.

Sa 9:13

Inh gô gŭt Juđa thoi hră păng Êphraim jing 'brơ̆m sư; Inh gô pơdrŭt lu kon drŏ-nglo ih, ơ Siôn, tơblah hăm lu kon drŏ-nglo ih, ơ char Grĕk; Inh gô yua lu iĕm thoi đao lu bơngai tơblah.”

Sa 9:9

Ơ kon drŏ-kăn Siôn chơt hiôk bĕ đĭ-đăng! Ơ kon drŏ-kăn Jêrusalem, jreo tơkĕch chơt hiôk bĕ! 'Nâu, pơtao lu iĕm truh tơ lu iĕm boih, Sư jơ̆ tơpăt ăn tơdrong dŏng pơklaih, iŏk đon ala hao aseh iĕ, wă khan kon aseh yŏng.

Jang 14:17

Mă-lei 'Bok Kei-Dei ăn kơ iĕm dôm tơdrong Sư mơnat wă kơ iĕm băt kơ Sư oei arih. Sư ăn kơ iĕm đak 'mi đơ̆ng plĕnh, trŏ kơ bơyan đei 'ba lơ, đei tơmam sŏng sa mah rơkah rơkai. Păng Sư ăn kơ iĕm đei jơhngơ̆m chơt hiôk.”

Both 11:14

Na Sư gô ăn đak 'mi jur trŏ kơ bơyan mă bơyan nê̆-năm mă bơyan puih, lu iĕm gô đei 'ba hơ'bo, sik hơmu 'nao păng đak rơmă plei 'long ôliwơ.

Both 28:12

Kră Yang gô pơih anih 'mong tơmam gĭt đơ̆ng plĕnh, ăn đak 'mi jur tơ teh trŏ bơyan păng ăn pŭn hiôk dôm tơdrong jang đơ̆ng tơpang ti iĕm pơm. Iĕm gô ăn kơ lơ teh đak tŏk iŏk, mă-lei gah iĕm ưh kơ đei tŏk iŏk đơ̆ng bơngai bu.

Both 32:2

Rŏ kơ nơ̆r inh bơtho huŏng jruh thoi đak 'mi; nơ̆r inh pơma lĕch thoi đak ngom jur, thoi 'mi pruh tơ kơpal 'nhĕt 'lơ̆p thoi 'mi hngach ruh tơ kơpal hla 'nhĕt adrih.

Philip 3:1

Ơ lu 'nhŏng oh, hiôk bĕ iĕm yua kơ iĕm lui boih kơ Yêsu. 'Nâu inh chih kơ iĕm dơ̆ng, kư̆m thoi tơdrong inh chih kơ iĕm hơdrol mơ̆n. Mă inh chih kơ iĕm lei-lăi thoi tơdrong hơdrol, iĕm 'nĕ kơ tơchĕng khan inh gleh; ưh ôh, yua kơ inh 'mêm kơ iĕm wă kơ iĕm lui mă kơjăp.

Philip 3:3

Lu bơ̆n âu boih kiơ̆ kơ tơdrong 'Bok Kei-Dei pơkă tơpă. Mă-lei bơ̆n ưh kơ kăl kơ tơdrong kăt tơdra akar chă pơpơm kơdih păng ti thoi noh ôh. Bơ̆n kăl kơ Yang Bơhngol 'Lơ̆ng đĕch; bơ̆n athei gơnang kơ Sư wă kơ bơ̆n gơh kiơ̆ 'Bok Kei-Dei trŏ thoi Sư wă. Tơdrong kăt tơdra akar chă pơm kơdih păng ti đĕch na bơ̆n 'nĕ kơ kiơ̆ ôh hli kơ bơ̆n gơnang kơ tơdrong bơ̆n pơm kơdih, bơ̆n athei gơnang kơ Yêsu Krist đĕch.

Philip 4:4

Hiôk bĕ iĕm yua kơ iĕm lui kơ Kră Yang Yêsu Krist boih. Inh wă khan kơ iĕm dơ̆ng: Hiôk bĕ iĕm.