Jôel 2:17 - Sơ̆p Hlabơar Nơ̆r 'Bok Kei-Dei

¹⁷ Lu 'bok soi mă bơ̆jang kơ Kră Yang, nhơ̆m bĕ 'bơ̆t kơđeng cheng truh tơ chơnang soi, păng khan bĕ thoi âu: “Ơ Kră Yang, apinh Ih 'mêm mơnat kơ kon pơlei pơla Ih, păng 'nĕ ăn lu bơngai dêh đe pơ'brơh kơ kon pơlei pơla Ih, păng 'nĕ ăn kơ đe pơma khan thoi âu: ‘Tơ yơ Kră Yang 'Bok Kei-Dei lu sư?’ ”

Jôel 2:17 Iomraidhean Croise

I Pot 6:3

Kơdeng gah anăp hnam tor sư mơjĭt hlok hơtŏ hăm wơ̆l Hnam akŭm, wơ̆l sư să pơđăm hlok.

I Pot 9:7

lei Inh gô pơpuh tơweh lu sư đơ̆ng dêh char mă Inh ăn bơih kơ lu sư oei; klaih kơ noh inh gô pơrăm hŭt lê̆ Hnam akŭm 'lơ̆ng rơgoh mă Inh 'măn anăn Inh, păng lu bơngai Isơrael đe gô pơrăm che bơle hiĕk achơ̆ kơ lu sư 'bơ̆t anăp kon bơngai lăm teh đak 'nâu.

II Ho 7:20

lei Inh gô buch hŭt lê̆ lu iĕm đơ̆ng lăm teh đak mă Inh đei ăn kơ lu iĕm; Inh gô achăng lê̆ hnam akŭm âu đơ̆ng anăp Inh, hnam mă Inh 'măn lê̆ 'lơ̆ng rơgoh kơ Anăn Inh boih, Inh gô ăn kơ sư jing nơ̆r đe pơđơ̆k pơjăm pơjuă lăm kon pơlei nai.

II Ho 8:12

Sôlômôn pơyơ̆r tơmam soi 'buh ăn kơ Kră Yang tơ kơpal chơnang soi Kră Yang mă sư đei pơm 'bơ̆t kơdeng anăp 'măng hnam akŭm.

Ne 9:36

Na dang ei lu nhôn pơm đĭch; 'nâu lu nhôn jing đĭch lăm dêh char mă Ih ăn kơ lu 'bok nhôn, phĕ sa plei păng tơmam lĕch đơ̆ng noh.

Horiso 115:2

Yua kơ kiơ lu bơngai tơmoi pơ̆n khan: “Tơ yơ Kră Yang 'Bok Kei-Dei lu sư?”

Horiso 42:10

Prăt năr ngăl apinh: “Kră Yang 'Bok Kei-Dei ih tơ yơ?” Kơplah lu sư pơjăm inh pơm kơ kơting inh thoi tơgơ̆ đĭ.c

Horiso 42:11

Ơ bơhngol inh, yua kơ kiơ ih rơdu klai păng liơ ih rŭng răng lăm akâu inh? Chang hơmĕng bĕ kơ Kră Yang 'Bok Kei-Dei; Inh oei bơnê ư-ang kơ sư, Kră Yang Kră Yang 'Bok Kei-Dei Tơ'ngla dŏng pơklaih inh.

Horiso 42:3

'Bơ̆t kơplah đe ngăl apinh inh: “Kră Yang 'Bok Kei-Dei ih tơ yơ? Na đak măt pơm tơmam sa inh năr păng măng.

Horiso 42:4

Âu inh 'blŏk kơ tơdrong âu, năr bơhngol inh sơ'ngon. Sơ̆ inh năm hăm tơpôl lơ, ba lu sư truh tơ hnam Kră Yang 'Bok Kei-Dei, Đei nơ̆r jreo chơt păng kơkuh bơnê minh tơpôl lơlap pơm giĕng.

Horiso 74:10

Ơ Kră Yang 'Bok Kei-Dei, lu ayăt gô pơjăm pơjuă Ih dĭng truh dang yơ? Wă lê̆ lu ayăt pơma kơnê̆ kơ anăn Ih ling-lang đĕch hă?

Horiso 79:10

Yua kơ kiơ lu teh đak pơ̆n khan: “Kră Yang 'Bok Kei-Dei lu sư tơ yơ?” 'Bơ̆t anăp lu nhôn ăn kơ kon bơngai băt iung kơting kơ lu đĭch đam Ih, mă đe pơlôch boih.

Horiso 79:4

Lu nhôn jing bơngai pơm pơhiĕk ăn kơ rông 'bôt. Jing bơngai lu dêh char tăp dăr đe che bơle păng pơjăm.

Horiso 89:41

Đĭ kơ lu bơngai yak rok noh tơgar iŏk tơmam đơ̆ng sư. Sư jing bơngai rông 'bôt pơjăm.

Horiso 89:51

Ơ Kră Yang, tơdrong mă lu ayăt kơ Ih pơjăm. Lu sư pơjăm boih kơnao yak lu bơngai mă Ih đei hling đak 'bâu phu tơ kơ̆l.

Le 34:9

Sư khan: Ơ Kră Yang! Dang ei mưh khan inh đei bơih tơdrong mơnat 'bơ̆t anăp Ih inh apinh Ih năm hơdai lu nhôn, mă khan lu sư jing kon pơlei pơla arăng kơ̆l, apinh Ih mơnat ăn tơdrong yoch kơnê̆ lu nhôn, na jô̆ nhôn jing tơmam Ih yua.

Êsai 22:12

Lăm năr noh Kră Yang Tih Hloh krao lu iĕm athei nhơ̆m hmoi, ơh sơ'ngon, hơkôih sŏk, hrŭk ao 'bi.

Êsai 37:20

Ơ Kră Yang, Kră Yang 'Bok Kei-Dei lu nhôn, dang ei apinh Ih dŏng pơklaih lu nhôn đơ̆ng ti Senakêrip, wă kơ rim teh đak băt kơ minh Ih đĕch Kră Yang!

Êsêkiên 20:9

Mă-lei yua kơ anăn Inh, wă kơ anăn noh đe huay pơm pơ'mê̆ 'bơ̆t anăp lu kon pơlei nai tơ anih mă lu sư oei. 'Bơ̆t anăp lu kon pơlei noh Inh đei tơbăt boih lu bơngai Isơrael. Inh gô chông ba lu sư lĕch đơ̆ng char Êyiptơ.

Êsêkiên 8:16

Na, Kră Yang Sư ba inh mơ̆t tơ cham hnam Kră Yang; păng tơ noh trong mơ̆t tơ hnam kơkuh kơ Kră Yang, tŏk-bŏk kơdeng 'măng păng chơnang soi, inh 'bôh đei dang 'bar-jĭt pơđăm 'nu bơngai drŏ-nglo, rŏng tơwih kơ hnam Kră Yang păng muh măt lu sư tơwih gah hơlĕch, drap kơkuh kơ măt 'năr đơ̆ng hơlĕch.

Hôsia 14:2

Krao apinh bĕ 'bơ̆t anăp Kră Yang, păng jah wih brŏk bĕ tơ Sư. Khan bĕ kơ Sư thoi âu: Pơklaih bĕ dôm tơdrong kơnê̆ lu nhôn, apinh Ih 'mêm mơnat sơng iŏk lu nhôn, wă kơ lu nhôn gơh pơyơ̆r nơ̆r bơnê đơ̆ng 'bơ̆r lu nhôn.

Jôel 1:13

Ơ lu 'bok soi, hrŭk bĕ ao 'bi na nhơ̆m hmoi. Ơ lu bơngai mă bơ̆jang 'bơ̆t chơnang soi, nhơ̆m hmoi bĕ. Ơ lu bơngai mă jang kơ Kră Yang 'Bok Kei-Dei, hrŭk hơbĕn ao 'bi hiah na tep om prăt măng, yua kơ tơmam soi phe 'ba, păng tơmam soi huch pă đei bơih lăm hnam Kră Yang 'Bok Kei-Dei lu iĕm!

Jôel 1:9

Tơmam soi pơyơ̆r huch, tơmam soi phe 'ba ưh pă đei boih lăm hnam Kră Yang; lu 'bok soi bơ̆jang soi kơ Kră Yang oei ơh sơ'ngon.

Am 7:2

Đơ̆ng rŏng kơ lep sa đĭ 'nhĕt lăm teh boih, inh khan: Ơ Kră Yang, inh apinh Ih mơnat ăn! Liơ Jakôp gơh kĕ arih? Yua kơ sư tŏ sĕt păng tơrăn dêh.

Am 7:5

Na inh khan: Ơ Kră Yang, inh apinh Ih pơdơh bĕ, liơ Jakôp oei kĕ dơ̆ng, yua kơ tŏ sĕt păng tơrăn dêh. Kră Yang tơplih đon.

Mi 7:10

Lu ayăt kơ inh gô 'bôh tơdrong na lu sư gô mơlâu, sư noh bơngai mă khan kơ inh thoi âu: Tơ yơ Kră Yang 'Bok Kei-Dei ih? Inh gô hiôk măt 'bôh tơdrong truh kơ sư, na 'nâu lu sư đe gô pơjuă bơhlơ̆r thoi teh rơpŭk rok trong.

Malachi 1:9

“Lu iĕm đei pơm boih tơdrong noh, liơ Sư sơng iŏk minh 'nu lăm lu iĕm? 'Nâu dang ei Inh athei iĕm apinh bĕ tơdrong mơnat đơ̆ng Kră Yang 'Bok Kei-Dei, wă kơ Sư mơnat ăn,” Kră Yang Tih Hloh khan thoi noh.

Jo 25:6

Âu, đei minh 'nu bơngai drŏ-nglo Isơrael chông ba minh 'nu drŏ-kăn bơngai Madian kơ lu 'nhŏng oh sư, 'bơ̆t anăp Môis păng 'bơ̆t anăp đĭ-đăng kon pơlei Isơrael oei akŭm, kơplah lu sư oei nhơ̆m 'bơ̆t 'măng Bơsŭn Anih Akŭm.

Mathiơ 23:35

Lu bơngai 'lơ̆ng lôch yua kơ lu bơngai thoi iĕm âu lơ boih tơpă, đơ̆ng Kain pơlôch Abel blŭng-a sơ̆ truh tơ iĕm pơlôch Sachari kon 'bok Barachi tơ hnam 'Bok Kei-Dei tơm.

Mathiơ 27:43

Sư khan lui kơ 'Bok Kei-Dei gô tơgŭm Sư ling-lang păng Sư khan Sư Kon 'Bok Kei-Dei, na bơ̆n gô lăng hăm 'bôh 'Bok Kei-Dei gô tơgŭm Sư tơpă dah ưh.”

Both 28:37

Lăm lu adrĕch adrung mă Kră Yang puh iĕm truh tơ yơ, đĭ-đăng kon pơlei tơ noh hli tơrơ, 'bôh tơdrong pơmat-tat lu iĕm. Lu iĕm jing bơngai pơm kơ đe pơjăm hiĕk ăr.

Both 32:27

Mă-lei hli kơ lu bơngai ayăt noh pơjăm, Păng lu bơngai ayăt hlôh hơwơ̆l khan: Đơ̆ng tơpang ti lu nhôn mă đei jơnei tih Kră Yang ưh kơ pơm kiơ lăm tơdrong noh!

Jôsuê 7:9

Tơdah kon pơlei Kanaan păng đĭ-đăng kon pơlei oei lăm char âu, gô kơtơ̆ng tơdrong âu, lu sư gô wang nhôn păng sŭt lê̆ anăn lu nhôn đơ̆ng teh âu, lei Ih wă pơm thoi yơ, yua kơ Anăn Ih Tih hloh.