Jôel 2:12 - Sơ̆p Hlabơar Nơ̆r 'Bok Kei-Dei

¹² Mă-lei Kră Yang khan: “Dang ei iĕm athei wih brŏk tơ Inh, hăm đĭ jơhngơ̆m lu iĕm, hăm tơdrong ơ̆t por, hăm tơdrong ơh sơ'ngon nhơ̆m hmoi.

Jôel 2:12 Iomraidhean Croise

II Sam 24:10

Đơ̆ng rŏng kơ jô̆ kơ̆l kon bơngai đang boih, pơtao Đawit jơhngơ̆m sư ưh kơ hiôk păng khan kơ Kră Yang: “Kơkuh kơ Ih Kră Yang, inh đei pơm boih minh tơdrong kơtul bơlŭk păng yoch trăp. Dang ei inh apinh Kră Yang mơnat ăn kơ inh đĭch đam Ih.”

II Ho 30:6

Thoi noh lu bơngai năm tơbăt tơ jơ̆p kơ dêh char Isơrael păng char Juđa năm ba hla bơar pơtao păng lu yŏng pơgơ̆r sư, kiơ̆ thoi pơtao đei pơkă khan: “Ơ kon sâu adrĕch Isơrael, wih brŏk bĕ tơ Kră Yang 'Bok Kei-Dei Abraham, Isăk păng Isơrael, wă kơ Sư kư̆m wih tơ lu iĕm bơngai mă oei hlot klaih đơ̆ng ti lu pơtao Asiri.

II Ho 6:27

Lei apinh Ih Kră Yang oei kơpal plĕnh mơ̆ng bĕ păng mơnat ăn kơ tơdrong yoch lu đĭch đam Ih bơngai Isơrael Ih. Tơpă Ih đei bơtho tơ'bôh ăn boih trong 'lơ̆ng wă kơ lu sư yak kiơ̆, ăn 'mi jur tơ teh mă Ih đei ăn kơ kon pơlei Ih jang sa.

Esther 4:16

Akŭm đĭ-đăng lu adrĕch bơngai Juđa tơ pơlei Susa bĕ, đơ̆ng noh athei ơ̆t kơ sŏng sa lăm pêng năr yua kơ inh, 'nĕ sŏng sa, kư̆m 'nĕ kơ nhă đak. Inh hăm lu bơngai awih awăn tơgŭm inh kư̆m ơ̆t kơ sŏng sa mơ̆n. Thoi noh inh gô mơ̆t tơ anih pơtao, mă khan pơm glăi kơ tơdrong juăt bưh mơ̆n. Tơdah trŏ kơ lôch lei inh lôch.

Le 33:5

Yua kơ Kră Yang khan bơih kơ Môis, khan bĕ lu kon pơlei pơla Isơrael, lu iĕm jing kon pơlei pơla arăng kơ̆l, dah Inh năm hơdai iĕm 'nao lăp hrei hrei đĕch, Inh gô pơrăm iĕm! Thoi noh dang ei plôh bĕ tơmam pơhrôp iĕm, wă kơ Inh băt gô pơm kiơ kơ iĕm.

Êsai 22:12

Lăm năr noh Kră Yang Tih Hloh krao lu iĕm athei nhơ̆m hmoi, ơh sơ'ngon, hơkôih sŏk, hrŭk ao 'bi.

Êsai 58:4

Tơpă lu iĕm ơ̆t kơ sŏng sa wă chă tơdrong pơjah tơhil băl, tơrôp ti pơm tơdrong kơnê̆ tơ'bet băl; Lu iĕm ưh kơ gơh ơ̆t kơ sŏng sa thoi dang ei, wă kơ nơ̆r lu iĕm ôr gô kơtơ̆ng tơ plĕnh.

Je 3:22

“Ơ lu kon pơlei ưh kơ tơpăt, brŏk bĕ! Inh gô pơklaih tơdrong kơnê̆ lu iĕm.” “Âu, lu nhôn gô brŏk tơ Ih, Ih boih Kră Yang 'Bok Kei-Dei lu nhôn.

Je 36:7

Rŏ lăng lu sư gô krao apinh Kră Yang păng tơbral păng weh đơ̆ng trong pơm kơnê̆ yua kơ tơdrong hil Kră Yang wă pơm kơ kon pơlei 'nâu tih dêh tơpă.”

Je 4:1

Kră Yang khan: “Ơ Isơrael, tơdah ih wă wih brŏk tơ Inh, wih brŏk tơ Inh bĕ, Tơdah ih hŭt lê̆ dôm tơmam kơkuh kơ yang kơnê̆ đơ̆ng anăp Inh, Păng ih huay pă weh tơ nai dơ̆ng.

Je 4:2

Tơdah iĕm pơkă sĭt hăm tơdrong tơpăt hơnơ̆ng, tơdrong trŏ thoi Kră Yang arih sĭt lei teh đak gô đei pŭn hiôk đơ̆ng Sư, Păng lu sư gô ư-ang kơ Kră Yang,”

Êsêkiên 33:11

Khan bĕ kơ lu sư, Thoi Inh mă arih Kră Yang khan: Inh ưh kơ hiôk ôh kơ tơdrong lu bơngai yoch lôch, Inh hiôk dah sư achăng lê̆ trong tơdrong yoch sư na đei tơdrong arih; wih bĕ, wih bĕ, weh đơ̆ng trong tơdrong yoch iĕm, ơ hnam Isơrael. Yua kơ kiơ iĕm wă lôch?.

Da 9:3

Inh lăng tơ Kră Yang 'Bok Kei-Dei, noh Kră Yang 'Bok Kei-Dei, inh krao khan, hơpơi apinh păng ơ̆t kơ sŏng sa, hrŭk ao 'bi, pung tơnuh tơ kơ̆l na krao chă.

Hôsia 12:6

Wih brŏk bĕ tơ Kră Yang 'Bok Kei-Dei, 'mêm mơnat păng oei pơm tơdrong tơpăt, păng chang gô bĕ Kră Yang 'Bok Kei-Dei iĕm ling-lang.

Hôsia 12:7

Lu bơngai Isơrael thoi bơngai mơdro chĕp 'long kŏng hơlĕnh lăm ti sư, sư 'maih chă sa pơgâm đe.

Hôsia 14:1

Ơ lu bơngai Isơrael, wih brŏk bĕ tơ Kră Yang, 'Bok Kei-Dei iĕm; yua kơ đơ̆ng tơdrong kơnê̆ lu iĕm, na lu iĕm pơ̆k huŏng boih.

Hôsia 6:1

Bĕ bơ̆n, jah wih brŏk tơ Kră Yang, Sư hek lê̆ lu bơ̆n boih, mă-lei Sư gô pơklaih bơ̆n; Sư đei teh pơjĭ bơ̆n, mă-lei Sư gô ming rơka noh.

Jôel 1:13

Ơ lu 'bok soi, hrŭk bĕ ao 'bi na nhơ̆m hmoi. Ơ lu bơngai mă bơ̆jang 'bơ̆t chơnang soi, nhơ̆m hmoi bĕ. Ơ lu bơngai mă jang kơ Kră Yang 'Bok Kei-Dei, hrŭk hơbĕn ao 'bi hiah na tep om prăt măng, yua kơ tơmam soi phe 'ba, păng tơmam soi huch pă đei bơih lăm hnam Kră Yang 'Bok Kei-Dei lu iĕm!

Sa 7:3

păng pơma hăm lu 'bok soi lăm hnam akŭm 'Bok Kei-Dei păng hăm lu 'bok khan lê̆ adrol thoi âu: “Inh hăm pă nhơ̆m hmoi păng ngôi adrô̆ lăm khei pơđăm thoi inh ngăl juăt kơ đei pơm boih lăm lơ sơnăm noh sơ̆?”

Sa 7:5

“Khan bĕ kơ đĭ-đăng kon pơlei oei kơpal teh păng lu 'bok soi thoi âu: ‘Lu iĕm nhơ̆m hmoi, ơ̆t kơ por lăm khei pơđăm, khei tơpơh, đei tơpơh-jĭt sơnăm kơ 'nâu, hăm trŏ yua kơ inh, iĕm ơ̆t kơ sŏng sa noh?

Malachi 1:9

“Lu iĕm đei pơm boih tơdrong noh, liơ Sư sơng iŏk minh 'nu lăm lu iĕm? 'Nâu dang ei Inh athei iĕm apinh bĕ tơdrong mơnat đơ̆ng Kră Yang 'Bok Kei-Dei, wă kơ Sư mơnat ăn,” Kră Yang Tih Hloh khan thoi noh.

Jang 26:20

Thoi noh na inh bơtho đe tơ Pơlei Đamas hơdrol, klaih kơ noh inh năm bơtho tơ Pơlei Jêrusalem, hăm inh năm bơtho jơ̆p-jang dêh char Juđê păng lu dêh char tơmoi. Inh bơtho athei lu sư tơbral kơdih đơ̆ng tơdrong yoch hăm lui kơ 'Bok Kei-Dei, na pơm kiơ̆ tơdrong 'lơ̆ng wă kơ đe băt kơ lu sư tơbral kơdih tơpă.

Lu 2:4

Lăp linh jang 'lơ̆ng Kră Yang pơma kơ kon pơlei Isơrael tôch boih, na lu kon pơlei pơla nhơ̆m ôr.

Lu 20:26

Đĭ-đăng lu bơngai Isơrael, tŏk năm truh tơ pơlei Bethel, nhơ̆m dơ̆ng 'bơ̆t anăp Kră Yang ơ̆t kơ sŏng sa năr noh dĭng truh kơmăng, păng lu sư pơyơ̆r tơmam soi 'buh, pơyơ̆r tơmam soi apinh mơnat đơ̆ng Kră Yang.

I Sam 7:3

Samuel khan kơ đĭ-đăng bơngai Isơrael thoi âu: Tơdah đĭ jơhngơ̆m wih brŏk tơ Kră Yang, iĕm athei hŭt lê̆ lu rup yang bơngai tơmoi păng rup yang drŏ-kăn Astarôt đơ̆ng lăm iĕm, na đĭ jơhngơ̆m kiơ̆ Kră Yang, lăp kơ bơ̆jang kơ minh 'nu Sư đĕch. Sư gô dŏng pơklaih iĕm đơ̆ng bơngai Philistin ngei ngei.

I Sam 7:6

Lu sư akŭm đĭ tơ Mispa, chhŏ đak păng tuh đak noh 'bơ̆t anăp Kră Yang. Lăm năr noh lu sư ơ̆t kơ sŏng sa păng tơbral: Lu nhôn đei pơm yoch hăm Kră Yang. Samuel pơgơ̆r păng pơm 'bok sek tơlang kơ bơngai Isơrael.