Jôel 2:10 - Sơ̆p Hlabơar Nơ̆r 'Bok Kei-Dei

¹⁰ Teh đak tơdrŏ 'bơ̆t anăp lu sư, plĕnh kư̆m pơpơ̆, măt 'năr măt khei jing măng mu, lu sơnglŏng ưh pă pơchrang hơdah dơ̆ng.

Jôel 2:10 Iomraidhean Croise

Horiso 114:7

Ơ teh pơpơ̆ tơdrŏ bĕ, 'bơ̆t anăp Kră Yang. 'Bơ̆t anăp Kră Yang 'Bok Kei-Dei Jakôp.

Horiso 18:7

Dang ei teh pơpơ̆ păng tơdrŏ, Na lu kông kư̆m tơrĭ păng kư̆m tơdrŏ, yua kơ Sư hil.

Êsai 13:10

Lu sơnglŏng păng khŭl sơnglŏng rang tơ kơpal plĕnh ti ưh pă pơchrang hơdah dơ̆ng bơih. Măt 'năr lĕch ră mă kư̆m oei măng mu, măt khei kư̆m ưh pă pơchrang hơdah dơ̆ng mơ̆n.

Êsai 34:4

Đĭ-đăng lu măt khei sơnglŏng kơpal plĕnh gô hach lek, plĕnh gô tơlôm nhen đe lôm sơnôm hla bơar. Đĭ-đăng lu măt khei sơnglŏng sư gô hiong đĭ, nhen thoi hla hơmu hơlŭng, nhen thoi plei hơra hơlŭng huŏng đơ̆ng tơm sư.

Êsai 5:30

Lăm năr noh lu sư ôr thoi jơwa đak dơsĭ poh-yă, tơdah đe tơmang lăng tơ teh noh măng mu păng răm rai ngăl, mă lu tơdrong hơdah hơmơ̆l găm klơ̆p lê̆ đĭ.

Je 4:23

Inh lăng tơ teh, răm đĭ ưh pă đei kiơ, hoh-hoy. Inh lăng dơ̆ng tơ plĕnh ti; kư̆m ưh pă 'bôh đei hơdah tơ yơ.

Jôel 2:2

Wă khan năr măng klăm măng mu gueo, năr hơmơ̆l găm păng tŭk hơ'bơ̆l gom kông. Đei minh adrĕch adrung tih păng pran kơtang truh thoi hơdah pơgê hrôih pơchrang jơ̆p kơpal kông. Đơ̆ng sơ̆ tam biơh đei, mă truh tơ ning-mônh kư̆m ưh kơ đei lu adrĕch bơngai thoi lu sư noh.

Jôel 2:31

Măt 'năr gô măng mu, măt khei gô jing thoi pham, adrol kơ năr krưp tih Kră Yang truh.

Jôel 3:4

Ơ pơlei Tirơ păng pơlei Siđôn păng đĭ tơring Philistin, lu iĕm đei tơdrong kiơ păng Inh? Lu iĕm wă blah plơ̆ Inh hă? Tơdah lu iĕm blah plơ̆ Inh, Inh gô ăn tơdrong iĕm blah plơ̆ Inh wih plơ̆ tĕnh hloi tơ kơ̆l lu iĕm,

Am 5:8

Chơchă bĕ Tơ'ngla pơjing kơ sơnglŏng hơdrŭng iĕr păng sơnglŏng gŭt-'năk, na tơplih măng mu jing hơdah, 'năr jing măng, Tơ'ngla krao đak đơ̆ng lăm dơsĭ na tuh kơpal teh. Anăn Sư Kră Yang.

Na 1:5

Lu kông pơpơ̆ 'bơ̆t anăp Sư, lu groi gô hach hiong; teh đak păng lu kon bơngai oei kơpal teh đak, đĭ-đăng kon bơngai jơ̆p kơ teh đak rŭng răng.

Mathiơ 24:29

“Đơ̆ng rŏng kơ tơdrong anat noh boih măt 'năr gô măng mu, măt khei ưh kơ hơdah, sơnglŏng gô huŏng đơ̆ng plĕnh.

Mathiơ 27:51

Na che đe chô̆ pơgăn tơ hnam akŭm 'Bok Kei-Dei tơm tơhek chuơ̆ng tŏk-bŏk đơ̆ng kơpal tơ ala hloi. Teh adrŏ mơ'nưt mơ'nat păng tơmo kŭk mah pơchah.

Jang 2:20

Măt 'năr jing măng mu, măt khei wă jing thoi pham, hơdrol kơ năr 'lơ̆ng, năr đe pơư pơang anăn 'Bok Kei-Dei tam mă truh.

Tơdrông Tơ'bôh 20:11

Inh kư̆m 'bôh minh pôm tang-dŏ tih krưp kok 'lơ̆ng păng 'bôh minh 'nu 'Bok oei kơpal tang-dŏ noh. Kơplah noh plĕnh păng teh hiong hiach đĭ, dang sư hli tơrơ kơ 'Bok noh jing ưh pă đei plĕnh păng teh tơ yơ.

Tơdrông Tơ'bôh 6:12

Kon Triu hek dơ̆ng tơdra mă tơdrâu, na inh 'bôh teh adrŏ tih mơ'nưt mơ'nat, măt 'năr mah jing măng mu suek dang che găm, măt khei lăp pơnil mah jing thoi pham.

Tơdrông Tơ'bôh 8:12

Linh jang mă puăn hlôm keng, đei minh pah lăm pêng pah măt 'năr, đei minh pah lăm pêng pah măt khei, đei minh pah lăm pêng pah lu sơnglŏng jing măng mu minh pah. Đĭ lu sư jing ưh pă gan hơdah boih; 'noh jĭ kơ'năr ră, rai kơmăng rai loi.

Tơdrông Tơ'bôh 9:2

Lăp sơnglŏng ei iŏk khuă pơih 'măng sơlŭng jrŭ noh boih, na đei hloi 'nhui tŏk đơ̆ng sơlŭng noh tơ plĕnh kơŭl hyôi thoi đơ̆ng tơnuh ŭnh tih, măt 'năr anê̆ rơwơ̆ng mah glĭp măng mu.