Jôel 1:20 - Sơ̆p Hlabơar Nơ̆r 'Bok Kei-Dei

²⁰ Tơpă, lu sem bri oei lăm tơmăn kư̆m krao ôr tơ Ih yua kơ đĭ-đăng thong đak đĭ hrơ̆, păng ŭnh sa lê̆ đĭ bơih lu 'nhĕt lăm tơmăn glă.

Jôel 1:20 Iomraidhean Croise

I Pot 17:7

Mă-lei đơ̆ng rŏng kơ noh 'biơ̆ đak thong 'noh hrơ̆, yua kơ ưh kơ đei đak 'mi tơ lăm char noh.

I Pot 18:5

Ahap khan kơ Ôbadia: “Ih athei chă năm tơ jơ̆p-jang dêh char păng tơ rim kơ tu thong đak, rŏ lăng bơ̆n chă oei 'bôh đei 'nhĕt wă kơ hiĕm aseh oei arih, wă kơ lu sem dơrong huay kơ lôch hiong.”

Jop 38:41

Bu chă tơmam sa ăn kơ ak; Kơplah hơnar sư krao ôr apinh Kră Yang 'Bok Kei-Dei, Dah păr wơ̆t wih to âu yua kơ ưh kơ đei tơmam sa?

Horiso 104:21

Lu dăm-brang mơlôh grĕnh chă sa, chă sa tơmam mă đơ̆ng Kră Yang 'Bok Kei-Dei ăn kơ lu sư.

Horiso 145:15

Đĭ-đăng măt kon bơngai oei chang Ih. Ih ăn kơ lu sư tơmam sa kiơ̆ trŏ 'bơ̆t sư kăl yua.

Horiso 147:9

Asong ăn tơmam sa kơ kon sem brem păng kơ kon ak mưh sư hmoi.

Je 14:4

Teh kro hơđang đĭ, yua kơ ưh pă đei 'mi jur boih tơ teh, lu bơngai jang mir 'ba ơh sơ'ngon na gom kơ̆l lu sư.

Je 28:8

Lu 'bok khan lê̆ adrol, adrol kơ ih hăm adrol kơ inh, đơ̆ng sơ̆ lu sư khan lê̆ adrol boih kơ tơdrong tơblah wang, tơdrong pơrăm, jĭ lôch hơbuh, pơngot rơwĕt, truh tơ lơ dêh char păng tơ lăm dêh char tih.

Jôel 1:18

To, lu kon sem dơrong đĭ ôr hơrum dêh! To khŭl rơmo đĭ hơwơ̆l hơwang, yua kơ sư pă đei 'nhĕt sa boih! Lu khŭl triu kư̆m pơmat-tat.