Jo 9:6 - Sơ̆p Hlabơar Nơ̆r 'Bok Kei-Dei

⁶ Mă-lei đei lu mơ'nah ưh kơ gơh kơ năm năr pơm giĕng Năm Brih yua kơ lu sư hơtŭt 'bơm kơ akâu bơngai lôch, lu sư năm 'bơ̆t anăp Môis hăm Arôn,

Jo 9:6 Iomraidhean Croise

Le 18:15

Môis tơl: 'Noh yua kơ kon pơlei sư năm tơ inh wă kơ băt Kră Yang 'Bok Kei-Dei wă kơ lu sư pơm thoi yơ.

Le 18:19

Na dang ei, athei mơ̆ng bĕ, inh bơtho tơ'bôh kơ ih, hơpơi apinh Kră Yang oei hơdai ih. Ăn kơ ih jing bơngai tang măt ăn kơ kon pơlei 'bơ̆t anăp Kră Yang 'Bok Kei-Dei păng roi dôm tơdrong lu sư 'bơ̆t anăp Kră Yang 'Bok Kei-Dei.

Le 18:26

lu sư chă sek tơlang kơ kon pơlei ling-lang. Dôm tơdrong anat lu sư ba ăn tơ Môis sek mă-lei lu sư sek tơlang dôm lu tơdrong iĕ 'bônh.

Lêwi 21:11

Sư ưh kơ gơh năm jê̆ bơngai lôch ôh, mă 'bă sư, dah mĕ sư lôch wă pơm kơ sư jing kơnê̆ 'mê̆-'mach.

Lêwi 24:11

Kon bơngai drŏ-kăn Isơrael noh pơma blông păng hiap kơ anăn Kră Yang đe chông ba sư tơ Môis. Anăn mĕ sư Sôlômit, kon yă Dibri, đơ̆ng adrĕch adrung Đan.

Jo 15:33

lu bơngai mă tơ'bơ̆p bơngai noh oei dônh 'long ŭnh chông ba sư tơ Môis, Arôn păng tơ đĭ-đăng khŭl tơpôl akŭm.

Jo 19:11

Bơngai bu mă jê̆ hơtŭt kơ akâu bơngai lôch bơngai noh jing 'mê̆ lăm tơpơh năr.

Jo 19:14

'Nâu tơdrong juăt mưh đei minh 'nu bơngai lôch lăm bơsŭn; mă bơngai bu mơ̆t lăm bơsŭn păng bơngai oei lăm bơsŭn gô 'bơm 'mê̆ lăm tơpơh năr.

Jo 19:16

Tơ bri brah, bơngai bu hơtŭt 'bơm kơ bơngai lôch kơ đao gưm đe 'bet, dah akâu bơngai lôch, kơting bơngai lôch dah bơsat, gô jing 'mê̆-'mach lăm tơpơh năr,

Jo 19:18

Đơ̆ng noh minh 'nu bơngai rơgoh gô iŏk minh hơchô̆ hla 'long pơgang djrŭ tơ lăm đak, na tơtraih jơ̆p kơ anih lăm bơsŭn, tơ rim lu ge bô̆i, tơ rim 'nu lu bơngai oei tơ lăm noh păng tơ akâu bơngai bu mă đei hơtŭt 'bơm 'mê̆, dah lu kơting bơngai lôch, dah akâu minh 'nu bơngai đe pơlôch, dah akâu bơngai lôch dah bơsat.

Jo 27:2

Lu sư năm dơ̆ng 'bơ̆t anăp Môis păng Êlêasar 'bok soi, 'bơ̆t anăp lu kră pơgơ̆r păng 'bơ̆t 'măng Bơsŭn Anih Akŭm păng khăn, na khan:

Jo 27:5

Môis ba tơdrong lu sư apinh noh 'bơ̆t anăp Kră Yang.

Jo 5:2

Ih athei khan kơ adrĕch bơngai Isơrael puh tơweh lê̆ đĭ-đăng lu bơngai kơnê̆ 'mê̆-'mach lu đei jĭ apoh, lu bơngai đei jĭ jăn lĕch đak đuh păng lu bơngai mă đei hơtŭt 'bơm kơ akâu bơngai lôch bơngai ayơ mă 'mê̆-'mach noh.

Jo 9:7

lu sư khan kơ Môis thoi âu: Lu nhôn đĭ kơnê̆ 'mê̆-'mach yua kơ 'bơm akâu lu bơngai lôch, yua kơ kiơ đe khă ưh kơ ăn lu nhôn pơyơ̆r tơmam soi kơ Kră Yang kiơ̆ thoi tơdrong juăt mă đei pơkă sơ̆?

Yo 18:28

Đơ̆ng hrôih đe anhăk Yêsu đơ̆ng hnam Kaiphe tơ hnam birô anih 'bok pơgơ̆r. Lu bơngai Juđê ưh kơ pơ̆n mơ̆t lăm hnam birô noh yua kơ khŭl lu sư kơ̆m kơ mơ̆t lăm hnam tơmoi. Dah lu sư mơ̆t, lu sư ưh kơ gơh sa 'nhĕm sư pơm Giĕng Năm Brih lăm năr noh.