Jo 9:2 - Sơ̆p Hlabơar Nơ̆r 'Bok Kei-Dei

² Bơngai Isơrael athei răk 'blŏk kơ năr giĕng Năm Brih mă đei pơkă lê̆ boih.

Jo 9:2 Iomraidhean Croise

II Pot 23:21

Na pơtao Jôsia tơtă athei đĭ-đăng lu kon pơlei: “Iĕm athei 'blŏk hơdơ̆r kơ năr giĕng Năm Brih kơ Kră Yang lu iĕm, kiơ̆ thoi dôm nơ̆r đei chih lăm sơ̆p hla bơar Kră Yang pơgơ̆p pơkă 'nâu.”

II Ho 35:1

Jôsia pơm giĕng Năm Brih 'blŏk hơdơ̆r kơ Kră Yang tơ pơlei Jêrusalem; năr mơjĭt-puăn khei mônh lu sư 'bet pơlôch, triu pơm giĕng Năm Brih

Esơra 6:19

Trŏ năr mơjĭt-puăn khei mônh, lu bơngai đêl đe đei rôp pơm bơnă wih brŏk, 'blŏk pơm giĕng năm brih.

Lêwi 23:5

Truh năr mơjĭt-puăn khei mônh, kơplah til kơsơ̆ măng noh năr giĕng Năm Brih Kră Yang.a

Jo 28:16

Năr mơjĭt-puăn khei mônh, athei pơm giĕng năm brih kơ Kră Yang.

Jo 9:3

Lu iĕm athei răk 'blŏk hơdơ̆r kơ năr giĕng Năm Brih, noh năr mơjĭt-puăn lăm khei 'nâu, gah kơsơ̆ măng; lu iĕm athei pơm kiơ̆ đĭ-đăng tơdrong mă đei pơkă păng khôi juăt gah năr giĕng noh.

Markôs 14:12

Đe juăt kơ pơm giĕng sa 'Bĕng Mi Ưh Kơ Đei 'Buih Pông kơplah tơhngam năr. Na năr mă mônh lăm giĕng noh đe kư̆m juăt kơ 'bet sa triu kơ Năr Giĕng Năm Brih. Na trŏ kơ năr noh lu bơngai pơhrăm păng Yêsu jet Sư: “Ơ 'Bok Thây, Ih wă kơ nhôn hơmet kơ Ih tơmam sa Giĕng Năm Brih tơ yơ?”

Luka 22:7

Trŏ kơ năr đe pơm giĕng boih, na rim kơ đe juăt kơ 'bet sa triu kơ Năr Giĕng Năm Brih sa 'Bĕng Mi Ưh Kơ Đei 'Buih Pông.

Jôsuê 5:10

Kon pơlei Isơrael pơm anih tơ Gilgal lăm Thŭng dơnă pơlei Jêrikô păng pơm giĕng Năm Brih kơplah drơ̆m kơsơ̆, trŏ kơ năr mơjĭt-puăn khei noh.