Jo 9:18 - Sơ̆p Hlabơar Nơ̆r 'Bok Kei-Dei

¹⁸ Lu bơngai Isơrael yak năm kiơ̆ kơ nơ̆r Kră Yang tơtă păng kư̆m oei pơdơ̆ng Bơsŭn kư̆m kiơ̆ kơ nơ̆r Kră Yang. Kư̆ mơ̆ng kơ hơmơ̆l gom Bơsŭn Anih Akŭm dang yơ, kon pơlei bơngai Isơrael oei tơ noh dang noh.

Jo 9:18 Iomraidhean Croise

Le 17:1

Đĭ-đăng bơngai Isơrael năm tơ âu, tơ to đơ̆ng char glă Sin, năm kiơ̆ thoi nơ̆r Kră Yang đei tơtă kơ lu sư, na lu sư oei pơdơh tơ Rêphiđim: Tơ noh ưh kơ đei đak nhă ôh kơ kon pơlei.

Jo 10:13

Thoi noh bơngai Isơrael chu kiơ̆ Kră Yang tơtă thoi sư đei khan boih kơ Môis, na lu sư lĕch yak năm tăl mă mônh.

Jo 9:16

Đei thoi noh ling-lang; kơ'năr đei hơmơ̆l gom Bơsŭn Anih Akŭm păng kơmăng hơmơ̆l noh thoi ŭnh.

Jo 9:19

Mưh hơmơ̆l oei gom Bơsŭn Anih Akŭm noh đunh dang yơ, kon pơlei bơngai Isơrael kiơ̆ kơ nơ̆r Kră Yang tơtă, ưh kơ đei yak năm tơ nai.

Jo 9:20

Mă-lei mưh hơmơ̆l gom Bơsŭn Anih Akŭm lăm tŏ sĕt năr đĕch, na kon pơlei bơngai Isơrael kư̆ chu kiơ̆ kơ nơ̆r Kră Yang tơtă oei pơdơ̆ng Bơsŭn dah yak năm tơ nai.

I Kor 10:1

Ơ 'nhŏng oh, gah tơdrong lu yă 'bok bơ̆n sơ̆, 'Bok Kei-Dei tơgŭm lu sư tơpă. 'Bok Kei-Dei ăn hơmơ̆l wei-lăng lu sư păng 'Bok Kei-Dei kư̆m tơgŭm lu sư tŏk găn đak dơsĭ huay kơ đei tơdrong kiơ.

II Yo 1:6

Dah bơ̆n băt tơpă tơdrong 'mêm mơnat dih băl păng 'mêm kơ 'Bok Kei-Dei, lei bơ̆n athei răk dôm tơdrong Sư pơkă. Tơdrong pơkă noh hei iĕm kơtơ̆ng đơ̆ng tơm hmơm sơ̆ boih thoi âu: Bơ̆n athei 'mêm kơ 'Bok Kei-Dei păng bôl buăl mơ̆n.