Jo 9:14 - Sơ̆p Hlabơar Nơ̆r 'Bok Kei-Dei

¹⁴ Tơdah đei lu bơngai tơmoi oei hơdai hăm lu iĕm 'blŏk hơdơ̆r 'maih wă pơm giĕng Năm Brih Kră Yang, sư athei kiơ̆ tơdrong tơtă păng khôi juăt gah giĕng Năm Brih. Kŭm đei minh tơdrong juăt kơ lu iĕm bơngai tơmoi păng bơngai kơtă mă tơpŭ lăm dêh char âu.

Jo 9:14 Iomraidhean Croise

Esơra 6:21

Lu bơngai Isơrael hŭt lê̆ tơdrong kơkuh kơ yang kư̆ kă, lu sư kiơ̆ bơngai Isơrael, wă krao chă Kră Yang 'Bok Kei-Dei đe Isơrael.

Le 12:43

Kră Yang khan kơ Môis păng Arôn: 'Nâu boih tơdrong juăt gah giĕng Năm Brih: Bơngai tơmoi ưh kơ gơh sa giĕng noh ôh.

Le 12:47

Ăn đĭ-đăng Isơrael athei akŭm bơwei 'blŏk giĕng Năm Brih.

Lêwi 19:10

Iĕm kư̆m 'nĕ kơ phĕ hơlơ̆k plei hơmu 'bar wơ̆t, kư̆m 'nĕ kơ dônh lu plei hơmu đêl huŏng, iĕm athei lê̆ kơ lu bơngai dơnuh hin păng bơngai tơmoi 'bĭch ngôi dônh. Inh boih Kră Yang lu iĕm.

Lêwi 22:25

'Nĕ kơ iŏk đơ̆ng ti bơngai tơmoi, minh pôm kon sem tơmam soi ayơ mă thoi noh, wă pơyơ̆r tơmam soi kơ Kră Yang 'Bok Kei-Dei ih. Yua kơ akâu sư rơka rơkĕch, Inh ưh kơ iŏk ôh tơmam soi noh.

Lêwi 24:22

Mă bơngai tơmoi lăm pơlei pơla kơdih kư̆m gô yua minh tơdrong juăt đĕch; yua kơ Inh boih Kră Yang 'Bok Kei-Dei lu iĕm.

Lêwi 25:15

Ih kư̆ jô̆ dôm sơnăm đơ̆ng rŏng kơ sơnăm hiôk-hian na răt đơ̆ng rông 'bôt ih, sư gô tĕch kơ ih kiơ̆ kơ dôm sơnăm sư oei đei kĕch yuă.

Jo 15:15

Đĭ-đăng lăm tơpôl akŭm đei lăp minh khôi juăt 'nâu đĕch ăn kơ lu iĕm păng lu bơngai tơmoi mă oei hơdai iĕm. 'Nâu boih minh tơdrong juăt pơkă ling-lang kơ adrĕch adrung lu iĕm 'bơ̆t anăp Kră Yang; bơngai tơmoi kư̆m lei-lăi thoi lu iĕm mơ̆n.

Jo 15:16

Gô đei minh khôi juăt păng tơdrong juăt lei-lăi ăn kơ lu iĕm păng kơ lu bơngai tơmoi mă oei hơdai iĕm.

Both 29:11

Lu kon hơ'lơ̆p păng lu akăn iĕm, hăm lu bơngai tơmoi oei lăm kơđông, lu bơngai kăl 'long ŭnh truh tơ lu bơngai chhŏ đak.

Both 31:12

Iĕm athei krao akŭm bĕ đĭ lu kon pơlei, drŏ-nglo drŏ-kăn, lu hơ'lơ̆p păng lu bơngai tơmoi mă oei lăm pơlei iĕm, wă kơ lu sư dai mơ̆ng, pơhrăm băt hli yom kơ Kră Yang 'Bok Kei-Dei iĕm păng kơchăng pơm kiơ̆ dôm lu nơ̆r đơ̆ng lăm khôi juăt 'nâu.