Jo 8:20 - Sơ̆p Hlabơar Nơ̆r 'Bok Kei-Dei

²⁰ Thoi noh Môis, Arôn păng đĭ-đăng khŭl bơngai Isơrael akŭm hơdai pơm ăn kơ lu bơngai Lêwi kiơ̆ thoi Kră Yang đei pơkă khan kơ Môis; lu bơngai Isơrael pơm hăm lu bơngai Lêwi thoi noh.

Jo 8:20 Iomraidhean Croise

Le 12:50

Đĭ-đăng kon pơlei Isơrael lu sư pơm kiơ̆ thoi noh; kiơ̆ thoi Kră Yang tơtă ăn kơ Môis păng Arôn boih.

Jo 1:50

Mă-lei athei klah lê̆ adrĕch Lêwi wă kơ lu sư wei-lăng Bơsŭn Anih Akŭm Pơgơ̆p Sĭt păng đĭ-đăng lu tơmam yua lăm anih akŭm đe pơm păng khăn noh, wă kơ lu sư tơiung pơdơ̆ng păng tung anhăk anih, wei-lăng đĭ lu tơmam yua lăm anih noh bơ̆jang lăm hnam noh păng pơm bơsŭn oei tăp dăr kơ Anih Akŭm noh.

Jo 1:54

Lu kon pơlei bơngai Isơrael pơm kiơ̆ thoi nơ̆r Kră Yang đei pơkă boih hăm Môis.

Jo 8:19

Đơ̆ng lăm lu adrĕch bơngai Isơrael Inh rơih iŏk boih bơngai Lêwi pơjao ăn kơ Arôn păng lu kon drŏ-nglo sư, wă kơ bơ̆jang tơplih tơdrong jang Isơrael lăm Bơsŭn Anih Akŭm, kư̆m pơm soi sơmah wă huai tơdrong yoch ăn kơ lu adrĕch bơngai Isơrael, wă kơ lu sư mă năm jê̆ anih 'lơ̆ng rơgoh, huay kơ đei tơdrong kiơ truh.

Jo 8:21

Bơngai Lêwi hơmet kơdih akâu 'lơ̆ng rơgoh huay pă yoch păng pih hơbĕn ao lu sư; đơ̆ng noh Arôn pơyơ̆r lu sư thoi tơmam soi drơng tơpơng 'ma 'ngiĕo 'bơ̆t anăp Kră Yang păng pơm tơmam soi huai tơdrong yoch lu sư, wă hơmet ăn kơ lu sư rơgoh.

Jo 9:22

Hơmơ̆l gom hnam akŭm 'bar năr, dah minh khei, dah đunh hloh, kon pơlei bơngai Isơrael kư̆ kơ oei, ưh kơ yak weh; mă-lei mưh khan hơmơ̆l đông weh, na lu sư yak năm.

Jo 9:5

Lu bơngai Isơrael pơm 'blŏk hơdơ̆r kơ năr giĕng Năm Brih lăm khei mônh, năr mơjĭt-puăn, gah kơsơ̆ măng, tơ char glă Sinai, pơm kiơ̆ dôm tơdrong thoi Kră Yang đei khan pơkă kơ Môis.