Jo 8:18 - Sơ̆p Hlabơar Nơ̆r 'Bok Kei-Dei

¹⁸ Păng Inh kư̆m rơih iŏk lu bơngai Lêwi tơplih kơ kon kơdră lu bơngai Isơrael.

Jo 8:18 Iomraidhean Croise

Bl 48:14

Isơrael chro ti 'ma sư, pel kơpal kơ̆l Êphraim, bơngai 'lơ̆p, ti gah 'ngiĕo sư pel kơ̆l Manase, sư dan ti thoi sư đei đon tơchĕng pha. Yua kơ Manase bơngai 'lŏ.

Jo 3:12

'Nâu, lăm adrĕch bơngai Isơrael Inh, rơih iŏk boih bơngai Lêwi tơplih ăn kơ đĭ-đăng lu kon kơdră bơngai Isơrael. Thoi noh, bơngai Lêwi noh lu sư gah Inh,

Jo 3:9

Thoi noh ih athei jao dôm lu bơngai Lêwi kơ Arôn păng lu kon drŏ-nglo sư; đĭ-đăng lu sư mă đei rơih iŏk đơ̆ng lăm adrĕch bơngai Isơrael Inh jao boih kơ Arôn.

Jo 8:17

Yua kơ đĭ-đăng kon kơdră mă tơpŭ blŭng-a, mă kon bơngai dah kon sem dơrong kơdră Inh iŏk 'măn lê̆ gah Inh kơdih boih, kơplah lăm năr Inh pơlôch pơrăm lu kon kơdră bơngai Êyiptơ lăm char sư sơ̆.

Jo 8:19

Đơ̆ng lăm lu adrĕch bơngai Isơrael Inh rơih iŏk boih bơngai Lêwi pơjao ăn kơ Arôn păng lu kon drŏ-nglo sư, wă kơ bơ̆jang tơplih tơdrong jang Isơrael lăm Bơsŭn Anih Akŭm, kư̆m pơm soi sơmah wă huai tơdrong yoch ăn kơ lu adrĕch bơngai Isơrael, wă kơ lu sư mă năm jê̆ anih 'lơ̆ng rơgoh, huay kơ đei tơdrong kiơ truh.