Jo 8:17 - Sơ̆p Hlabơar Nơ̆r 'Bok Kei-Dei

¹⁷ Yua kơ đĭ-đăng kon kơdră mă tơpŭ blŭng-a, mă kon bơngai dah kon sem dơrong kơdră Inh iŏk 'măn lê̆ gah Inh kơdih boih, kơplah lăm năr Inh pơlôch pơrăm lu kon kơdră bơngai Êyiptơ lăm char sư sơ̆.

Jo 8:17 Iomraidhean Croise

Horiso 105:36

Sư pơlôch đĭ lu kon kơdră lăm char noh. Wă khan đĭ kơ lu plei blŭng-a. Đĭ lu pran kơtang.

Horiso 135:8

Sư pơlôch lu kon kơdră bơngai Êyiptơ, Đơ̆ng kon kơdră kon bơngai truh tơ kon sem dơrong.

Horiso 78:51

Sư pơlôch đĭ lu kon kơdră lăm char Êyiptơ, Wă khan lu pran kơtang tơpŭ blŭng-a lăm kơđông bơsŭn Cham.

Le 12:29

Kơplah tŏk-bŏk măng Kră Yang pơlôch đĭ lu kon kơdră drŏ-nglo dêh Êyiptơ, iŏk đơ̆ng kon kơdră pơtao Pharaôn oei 'bơ̆t tang-dŏ truh tơ kon kơdră đe rôp pơm bơnă kon pơlei hmă păng đĭ-đăng lu kon sem dơrong tuh blŭng-a.

Le 13:2

Lăm kon pơlei Isơrael mă bơngai dah sem dơrong, athei pơyơ̆r 'măn lê̆ kơ Inh dôm kon kơdră yua kơ kon kơdră noh gah Inh.

Le 29:44

Inh gô pơm ăn kơ Bơsŭn Anih Akŭm hăm chơnang soi jing rơgoh; hăm ih kư̆m gô pơm kơ Arôn hăm lu kon drŏ-nglo sư jing rơgoh mơ̆n, wă kơ lu sư bơ̆jang pơm 'bok soi kơ Inh.

Êsêkiên 20:12

Inh ăn boih kơ lu sư năr giĕng Sa'bat wă pơm tơdra tŏk-bŏk lu sư hăm Inh, wă kơ lu sư băt Inh boih Kră Yang pơm kơ lu sư rơgoh.

Lêwi 27:26

Mă-lei ưh kơ đei bu wă 'măn lê̆ pơm tơmam 'lơ̆ng rơgoh pơyơ̆r kon sem dơrong tuh blŭng-a rơmo dah triu, yua kơ kon mă tuh blŭng-a noh trŏ tơmam Kră Yang ngăl bơih.

Jo 3:13

yua kơ đĭ-đăng lu kon kơdră noh gah Inh ngăl. Sơ̆ kơplah Inh pơlôch pơrăm lu kon kơdră lăm char Êyiptơ, Inh rơih 'măn lê̆ kơ Inh lu kon kơdră lăm Isơrael, mă khan noh kon bơngai dah kon sem dơrong, lu sư gah Inh đĭ-đăng; Inh boih Kră Yang.

Jo 8:18

Păng Inh kư̆m rơih iŏk lu bơngai Lêwi tơplih kơ kon kơdră lu bơngai Isơrael.

Luka 2:23

Bre sư pơm thoi noh wă kơ kiơ̆ thoi đe chih lăm tơdrong juăt Kră Yang thoi âu: “Rim kon gơgơ̆l, iĕm athei pơyơ̆r kơ Kră Yang ngăl.”

Yo 10:36

Na lơliơ iĕm khan Inh pơma tih kơ 'Bok Kei-Dei Inh khan Inh Kon 'Bok Kei-Dei, yua kơ 'Bă Inh ăn kơ Inh jang tơdrong Sư tơpă păng wơh Inh jur tơ ala teh âu.

Yo 17:19

Inh chu ăn akâu Inh tang yua kơ lu sư, wă pơm trŏ thoi Ih wă, wă kơ lu sư kư̆m pơyơ̆r ăn akâu lu sư chu kiơ̆ thoi Ih wă, yua kơ lu sư băt tơdrong Ih boih.

Hêbrơ 10:29

Tơpă, iĕm tơchĕng lăng tơdrong lu bơngai mă pơjuă kơtĭt Kon pôm 'Bok Kei-Dei păng lăng pham Kon Sư đêl pơm kơ sư rơgoh, mă sư pơm pơhơi thoi ưh kơ yua. Păng Yang Bơhngol 'Lơ̆ng bơtho tơgŭm bơ̆n tôm tơdrong 'lơ̆ng mă sư pơjăm ngôi. Iĕm tơchĕng lăng bơngai noh hăm trŏ kơ phak? Phak tih tơpă ưh kơ băt tih dang yơ.

Hêbrơ 11:28

Sư đei đon lui tơpă, na sư gơh pơjing giĕng mă đe anăn Giĕng Năm Brih kiơ̆ thoi 'Bok Kei-Dei pơkă. Sư athei lu bơngai Isơrael pik pham bơbe, pham triu tơ 'măng hnam lu sư wă kơ 'bok mă chă pơlôch kon kơdră lu bơngai Êyiptơ 'bôh, na huay pơlôch hơwơ̆l kon lu sư.

Ya 1:18

'Bok Kei-Dei ăn kơ bơ̆n jing bơngai 'nao Sư wă kơdih đĕch, na Sư ăn kơ bơ̆n kơtơ̆ng tơdrong Sư, lu bơ̆n jing thoi 'ba hrôih kơ lu bơngai nai yua kơ bơ̆n lui hơdrol.