Jo 8:12 - Sơ̆p Hlabơar Nơ̆r 'Bok Kei-Dei

¹² Đơ̆ng noh lu bơngai Lêwi gô dan ti lu sư kơpal kơ̆l 'bar tŏ rơmo dăm noh, na ih athei pơyơ̆r rơmo âu pơm tơmam soi yua kơ tơdrong yoch păng minh pôm dơ̆ng pơm tơmam soi 'buh ăn kơ Kră Yang wă pơm tơmam soi huai tơdrong yoch ăn kơ lu bơngai Lêwi.

Jo 8:12 Iomraidhean Croise

Le 29:10

Klaih kơ noh, ih athei dui ba rơmo dăm tơ 'măng Bơsŭn Anih Akŭm, Arôn hăm lu kon drŏ-nglo sư dan ti tơ kơpal rơmo dăm noh.

Lêwi 1:4

Na bơngai pơyơ̆r sư dan ti sư tơ kơpal kơ̆l sem dơrong wă soi 'buh noh na kon sem noh gô jing tơmam soi pơklaih tơdrong yoch sư.

Lêwi 14:22

Kŭm thoi noh mơ̆n, kiơ̆ kơ sư đei athei chĕp ba 'bar tŏ kon sem pơgâm dah kon sem kơtơp, sem minh pôm âu pơm tơmam soi huai đơ̆ng yoch, sem minh pôm noh pơm tơmam soi 'buh.

Lêwi 16:11

Arôn pơyơ̆r rơmo dăm, pơm tơmam soi huai đơ̆ng yoch, sư pơlôch rơmo noh soi sơmah wă kơ goh đơ̆ng yoch sư kơdih păng hnam dơnŏ sư.

Lêwi 16:21

Arôn dan 'bar pah ti sư kơpal kơ̆l bơbe tơno mă oei arih, na roi đĭ-đăng dôm tơdrong yoch kơnê̆ pơm glăi lu kon pơlei Isơrael păng dan đĭ-đăng tơdrong yoch lu sư pơm boih kơpal kơ̆l bơbe tơno. Đơ̆ng noh yua minh 'nu bơngai đei jao boih tơdrong jang 'nâu na puh achăng bơbe noh tơ tơmăn glă.

Lêwi 16:6

Arôn gô pơyơ̆r rơmo dăm pơm tơmam soi huai đơ̆ng yoch sư kơdih, sư gô soi sơmah wă kơ rơgoh đơ̆ng yoch sư păng hnam dơnŏ sư.

Lêwi 4:15

Lu kră bơngai Isơrael athei dan ti lu sư 'bơ̆t kơ̆l rơmo dăm đơ̆ng noh pơlôch hloi 'bơ̆t anăp Kră Yang.

Lêwi 4:20

'Nâu tơdrong sư pơyơ̆r rơmo dăm, kư̆m thoi sư pơyơ̆r rơmo pơm tơmam soi huai đơ̆ng yoch, sư gô pơm thoi noh mơ̆n kơ tơmam âu. 'Bok soi gô pơm tơdrong sut rơgoh tơdrong yoch lu sư na lu sư gô đei tơdrong mơnat ăn,

Lêwi 4:35

Sư pleh đĭ rơmă thoi đei pleh rơmă triu kon pơm tơmam soi 'blŏk bơnê, 'bok soi gô chĕp ba 'buh tơ chơnang soi tơ kơpal tơmam soi 'buh hăm ŭnh pơyơ̆r kơ Kră Yang, thoi noh bơih 'bok soi gô pơm tơdrong sut rơgoh yoch bơngai mă pơm yoch na tơdrong yoch sư gơh mơnat ăn.

Lêwi 4:4

Sư athei dui ba rơmo dăm; noh 'bơ̆t 'măng Bơsŭn Anih Akŭm tơ anăp Kră Yang dan ti sư tơ kơ̆l rơmo dăm đơ̆ng noh 'bet pơlôch hloi 'bơ̆t anăp Kră Yang.

Lêwi 5:7

Tơdah sư chă ưh kơ kĕ đei minh pôm kon triu akăn dah bơbe akăn, yua kơ yoch sư đei pơm bơih, na sư athei anhăk ba kơ Kră Yang minh hơgrop sem pơgâm dah kơtơp kon, minh pôm wă yua lăm tơmam sư huai đơ̆ng yoch, minh pôm wă yua lăm tơmam soi 'buh.

Lêwi 8:14

Sư dui ba rơmo dăm mơlôh, wă pơm tơmam soi huai đơ̆ng yoch. Arôn păng lu kon drŏ-nglo sư dan ti lu sư kơpal kơ̆l kon rơmo noh.

Lêwi 8:15

Môis pơlôch rơmo păng iŏk pham, yua hơnglâu ti sư pik pham noh tơ jum dăr ake chơnang soi wă kơ pơm kơ chơnang rơgoh; đơ̆ng noh tuh pham noh tơ jơ̆ng chơnang soi, thoi noh 'măn lê̆ chơnang soi rơgoh wă soi sơmah huai đơ̆ng yoch tơ noh.

Lêwi 8:18

Môis sư kư̆m athei chĕp ba triu tơno wă yua pơm tơmam soi 'buh, Arôn păng lu kon drŏ-nglo sư dan ti tơ kơpal kơ̆l kon sem noh.

Lêwi 8:34

Thoi đei pơm boih năr âu Kră Yang pơkă bơih, wă pơm kơ lu iĕm rơgoh đơ̆ng tơdrong yoch.

Lêwi 9:7

Môis khan dơ̆ng kơ Arôn: Ih athei năm jê̆ tơ chơnang soi, pơyơ̆r bĕ tơmam soi huai đơ̆ng yoch păng pơyơ̆r tơmam soi 'buh ih, wă soi huai đơ̆ng yoch ih kơdih gơh rơgoh păng soi huai đơ̆ng yoch kon pơlei pơla păng sơmah huai đơ̆ng yoch lu sư, kiơ̆ thoi Kră Yang đei tơtă bơih.

Jo 6:14

sư athei pơyơ̆r tơmam soi sư kơ Kră Yang, wă khan minh pôm triu kon tơno minh sơnăm ưh kơ đei jĭ kiơ, pơm tơmam soi 'buh, iŏk minh pôm kon triu akăn dơ̆ng ưh kơ đei jĭ kiơ, dang minh sơnăm pơm tơmam soi pơyơ̆r yua kơ tơdrong yoch, iŏk dơ̆ng minh pôm kon triu tơno ưh kơ jĭ kiơ pơyơ̆r pơm tơmam soi bơnê hiôk-hian,

Jo 6:16

'Bok soi gô pơdah pơyơ̆r tơmam soi noh 'bơ̆t anăp Kră Yang păng pơyơ̆r tơmam soi huai tơdrong yoch hơdai hăm tơmam soi 'buh sư.

Jo 8:13

Đơ̆ng rŏng kơ noh ih athei lu bơngai Lêwi dơ̆ng 'bơ̆t anăp Arôn păng lu kon drŏ-nglo sư, na ih pơyơ̆r lu bơngai Lêwi âu thoi tơmam pơyơ̆r tơpơng 'ma 'ngiĕo âu ăn kơ Kră Yang.

Jo 8:8

Đơ̆ng noh lu sư athei rôp minh pôm rơmo dăm hăm tơmam soi phe 'ba tơpŭng bơlŭ hrâu hăm đak rơmă ôliwơ; gah ih athei rôp iŏk minh pôm rơmo dăm plơ̆ng dơ̆ng yua pơm tơmam soi huai tơdrong yoch;

Hêbrơ 9:22

Kiơ̆ kơ tơdrong juăt sơ̆, dôm tơdrong rơgoh, tă rơgoh yua kơ pham. Tơ̆ng ưh kơ huach pham, ưh kơ gơh klaih đơ̆ng tơdrong yoch ôh.