Jo 7:9 - Sơ̆p Hlabơar Nơ̆r 'Bok Kei-Dei

⁹ Mă-lei sư ưh kơ pơjao gre hăm rơmo dăm kơ kon sâu Kôhat, yua kơ lu sư jang wei-lăng păng tung tơmam rơgoh tơ kơpal hơngiĕng lu sư.

Jo 7:9 Iomraidhean Croise

II Sam 6:13

Lăp lu bơngai tung Hom pơgơ̆p Kră Yang 'Bok Kei-Dei năm tơdrâu yak na Đawit pơyơ̆r minh pôm rơmo tơno păng rơmo kon bek pơm tơmam soi.

II Sam 6:3

Lu sư tah Hom pơgơ̆p Kră Yang 'Bok Kei-Dei kơpal gre 'nao, iŏk đơ̆ng hnam Abinađap oei kơpal groi. Usa păng Ahiô, kon tơdăm Abinađap, chĕp gre 'nao noh.

II Sam 6:6

Lăp truh tơ cham pơjuă 'ba Nakôn, Usa chro ti rôp Hom pơgơ̆p Kră Yang 'Bok Kei-Dei, yua kơ rơmo kơtơih.

I Pot 8:3

Kơplah lu kră pơlei Isơrael truh, lu 'bok soi tung hloi Hom Pơgơ̆p Kră Yang.

I Ho 15:13

Yua kơ adrol ki, lu iĕm ưh kơ tung ba hom Kră Yang yua kơ lu bơ̆n ưh kơ đei krao apinh Sư thoi Sư đei pơkă, na Kră Yang 'Bok Kei-Dei hil mĭl pơrăm lê̆ lu bơ̆n.”

I Ho 15:3

Đawit krao akŭm đĭ-đăng bơngai Isơrael brŏk tơ pơlei Jêrusalem, wă iŏk Hom Pơgơ̆p Kră Yang 'Bok Kei-Dei 'măn tơ anih mă sư hơmet boih.

I Ho 23:26

Bơngai Lêwi kư̆m ưh pă kăl tung tôi bơsŭn dah lu tơmam gah tơdrong jang bơsŭn dơ̆ng.

Jo 3:31

Tơdrong jang lu kon sư noh wei-lăng Hom Tơdrong Pơgơ̆p, gơ'bang, jơ̆ng ŭnh kơđeng, chơnang soi păng lu tơmam yua lăm anih rơgoh wă yua lăm tơdrong akŭm kơkuh hăm che pĕng gom păng dôm tơdrong 'bơm lăm tơdrong jang 'noh.