Jo 7:3 - Sơ̆p Hlabơar Nơ̆r 'Bok Kei-Dei

³ Thoi noh lu kră pơgơ̆r năm ba tơmam lu sư pơyơ̆r noh 'bơ̆t anăp Kră Yang, tơdrâu tŏ gre đei tơmam gom lê̆ păng mơjĭt-'bar tŏ rơmo dăm, wă khan rim kơ 'bar 'nu kră pơgơ̆r adrĕch sư pơyơ̆r minh pôm gre păng rim 'nu kră pơgơ̆r pơyơ̆r minh pôm rơmo dăm. Lu sư pơyơ̆r tơmam noh 'bơ̆t anăp Bơsŭn Anih Akŭm.

Jo 7:3 Iomraidhean Croise

Bl 45:19

Na inh kư̆m đei wă pơkă kơ ih dơ̆ng khan kơ lu sư thoi âu: Athei chĕp ba gre đơ̆ng dêh Êyiptơ wă chơ lu hơ'lơ̆p păng akăn lu sư păng kư̆m chơ ba 'bă jur oei tơ âu.

Bl 45:21

Lu kon drŏ-nglo 'bok Isơrael pơm kiơ̆ thoi noh Jôsep chu nơ̆r Pharaôn ăn gre păng tơmam sa rok trong kơ đe 'nhŏng oh sư.

Esơra 2:68

Đei lu kră kơdră lăm adrĕch adrung kơplah lu sư năm truh boih tơ hnam akŭm Kră Yang tơ pơlei Jêrusalem, na pơyơ̆r tơmam lu sư đei păng lăp đon lăm hnam Kră Yang 'Bok Kei-Dei, wă pơdơ̆ng pơm ming 'bơ̆t anih so.

Le 25:2

Athei khan kơ bơngai Isơrael pơyơ̆r tơmam ăn kơ Inh; ih athei iŏk tơmam đơ̆ng bơngai bu đei jơhngơ̆m hiôk pơyơ̆r ăn kơ Inh noh.

Êsai 66:20

Kră Yang khan: “Lu sư gô chông ba đĭ-đăng 'nhŏng oh lu iĕm đơ̆ng jơ̆p-jang kơ dêh char thoi tơmam pơyơ̆r soi sơmah kơ Kră Yang ba lu sư hăm aseh, gre aseh, gre tŭn hơnhŭn hơbang, aseh iĕ, aseh lăk-đa truh tơ kông rơgoh Inh tơ pơlei Jêrusalem.” Lu sư chông ba lu sư hăm gre tŭn, gre aseh, aseh, aseh iĕ lăk-đa: ‘Kŭm thoi kon pơlei Isơrael chĕp tơmam soi phe 'ba lăm ge mong tơmam rơgoh lăm hnam akŭm Kră Yang.

Am 2:13

Inh gô kơtĭt lu iĕm kơtă anih lu iĕm kư̆m thoi gre chơ 'ba 'bĕnh kơtĭt juă tơ teh.

Jo 7:4

Kră Yang khan kơ Môis thoi âu: