Jo 7:15 - Sơ̆p Hlabơar Nơ̆r 'Bok Kei-Dei

¹⁵ minh pôm kon rơmo dăm, minh pôm kon triu tơno, minh pôm triu tơno, truh minh sơnăm wă pơm tơmam soi 'buh;

Jo 7:15 Iomraidhean Croise

Êsai 53:4

Sĭt tơpă, sư bơih pŭ tơdrong jĭ jăn kơ lu bơ̆n, sư pŭ hơnong iŏk tơdrong ơh sơ'ngon lu bơ̆n, mă lu bơ̆n lăng ngeh khan đơ̆ng Kră Yang 'Bok Kei-Dei teh pơjĭ, păng pơmat Sư.

Jo 7:14

minh hlak chhĕr maih trăp sư mơjĭt seikơl, dan 'bĕnh kơ pơgang 'bâu phu;

Jo 7:16

minh pôm bơbe dăm wă pơm tơmam soi huai tơdrong yoch;

Mathiơ 20:28

Kư̆m thoi Inh Kon Bơngai mơ̆n, Inh jur tơ ala teh âu ưh kơ sĭ Inh wă chă pơgŏ pơđep đe awih awăn kơ Inh ôh; Inh wă kơ tơ'ngla Inh kơdih awih awăn kơ đe păng Inh wă kơ tơ'ngla Inh kơdih lôch tang huai iŏk lơ bơngai.”

Yo 17:19

Inh chu ăn akâu Inh tang yua kơ lu sư, wă pơm trŏ thoi Ih wă, wă kơ lu sư kư̆m pơyơ̆r ăn akâu lu sư chu kiơ̆ thoi Ih wă, yua kơ lu sư băt tơdrong Ih boih.

Rom 10:4

Đĭ-đăng bơngai athei gơnang kơ Yêsu đĕch, 'Bok Kei-Dei jô̆ jing bơngai 'lơ̆ng hăm Sư. Bơ̆n gơnang kơ Yêsu thoi noh ưh pă kăl kơ gơnang kơ akâu kơdih kiơ̆ tơdrong juăt 'Bok Kei-Dei pơkă dơ̆ng ôh.

Rom 8:34

Lăm lu bơ̆n hăm đei đe jô̆ khan bơngai 'Bok Kei-Dei wă phak? Kră Yang Yêsu Krist ưh kơ đei jô̆ thoi noh ôh, na mă Sư gơh lôch tang bơ̆n. Mă-lei Sư iung arih boih, Sư tŏk oei gah 'ma kơ 'Bok Kei-Dei, Sư apinh 'Bok Kei-Dei tơgŭm bơ̆n ling-lang.

I Tim 2:6

Sư ăn akâu Sư kơdih lôch tang wă huai iŏk đĭ-đăng kon bơngai. Truh boih sơnăm 'Bok Kei-Dei pơkă Kon Sư lôch ei sơ̆, sơnăm 'noh boih Yêsu lôch tang huai iŏk kon bơngai, wă kon bơngai băt kơ 'Bok Kei-Dei pơklaih đĭ-đăng bơngai đơ̆ng yoch.

Tit 2:14

Kră Yang Yêsu Krist ăn akâu Sư kơdih chu lôch tang kon bơngai bơ̆n. Sư huai iŏk bơ̆n wă kơ bơ̆n huay pă pơm yoch dơ̆ng. Sư ăn kơ bơ̆n jing kon 'lơ̆ng Sư păng Sư ăn kơ jơhngơ̆m bơ̆n wă pơm 'lơ̆ng hăm đe ling-lang.

Hêbrơ 2:10

'Bok Kei-Dei pơjing tôm tơdrong. Tôm tơdrong Sư pơjing, noh Sư wă kơ đe ư-ang kơ Sư. Thoi noh na trŏ kơ Sư ăn kơ Yêsu đei tơdrong pơmat-tat, wă kơ Yêsu iŏk tôm tơdrong thoi kon bơngai bơ̆n wă kơ Sư gơh anhăk ba lơ bơngai klaih đơ̆ng tơdrong yoch. Thoi noh na đĭ-đăng lu kon Sư nai kư̆m hiôk lei-lăi thoi Yêsu.

I Pet 2:24

Sư lôch pơmat tơ 'long pơglang yua kơ tơdrong yoch bơ̆n, wă kơ bơ̆n jing bơngai tơpăt, bơ̆n jing thoi bơngai lôch ưh kơ băt pơm tơdrong yoch kiơ, na bơ̆n iung arih jing bơngai 'nao pơm tôm tơdrong 'lơ̆ng. Sư chu iŏk tơdrong đe pơjĭ pơmat Sư wă kơ bơ̆n klaih 'lơ̆ng.

I Pet 3:18

Yua kơ Yêsu Krist sơ̆ Sư kư̆m lôch pơmat yua kơ tơdrong yoch bơ̆n thoi noh mơ̆n wă kơ bơ̆n klaih đơ̆ng tơdrong yoch gơh oei hăm 'Bok Kei-Dei. Sư 'lơ̆ng dêh ưh kơ đei yoch kiơ, mă Sư lôch tang bơ̆n bơngai kơnê̆. Mă Sư lôch minh 'măng noh boih ưh pă layơ wă lôch dơ̆ng. Đe pơlôch akâu Sư, mă bơhngol Sư ưh kơ lôch ôh.