Jo 7:10 - Sơ̆p Hlabơar Nơ̆r 'Bok Kei-Dei

¹⁰ Lăm năr chơnang soi đei tuh đak 'bâu phu lu kră pơgơ̆r pơyơ̆r tơmam lu sư 'bơ̆t anăp chơnang wă pơm giĕng pơyơ̆r.

Jo 7:10 Iomraidhean Croise

I Pot 8:63

Pơtao Sôlômôn sư, pơyơ̆r tơmam soi kơ Kră Yang, đei 'bar-jĭt 'bar-rơbâu tŏ rơmo tơno, đei minh-hrĕng 'bar-rơbâu tŏ triu, păng bơbe. Đĭ-đăng lu kon pơlei hăm pơtao Sôlômôn chơt hiôk pơyơ̆r pơm keh hnam akŭm Kră Yang.

II Ho 7:5

Pơtao Sôlômôn pơyơ̆r tơmam soi 'bar-jĭt 'bar-rơbâu tŏ rơmo păng minh-hrĕng 'bar-jĭt rơbâu tŏ triu păng bơbe, thoi noh pơtao Sôlômôn păng đĭ-đăng kon pơlei pơyơ̆r pơih hloi hnam akŭm 'Bok Kei-Dei.

II Ho 7:9

Truh năr mă tơhngam, lu sư akŭm tih dêh, yua kơ lu sư pơm giĕng pơyơ̆r chơnang soi lăm tơpơh năr păng pơm giĕng hmă kư̆m tơpơh năr.

Ne 12:27

Kơplah năr pơyơ̆r dur pơlei Jêrasalem keh đang bơih, na đe năm chă lu bơngai Lêwi đơ̆ng jơ̆p kơ anih lu sư oei wă chông ba lu sư brŏk tơ Jêrusalem wă pơih et sa bơnê kơ dur pơm keh hăm tơdrong hiôk chơt, đei nơ̆r bơnê ư-ang păng hơri, reh brŏ, hlôm keng.

Ne 12:43

Lăm năr noh, lu sư pơyơ̆r tơmam soi gĭt tih păng hiôk chơt; yua kơ Kră Yang 'Bok Kei-Dei ăn kơ lu sư đei hiôk chơt tih; lu bơngai drŏ-kăn păng lu kon hơ'lơ̆p kư̆m hiôk chơt mơ̆n, đe kơtơ̆ng jơwa re tơdrong hiôk chơt kơ pơlei Jêrusalem truh tơ ataih.

Horiso 30:1

Ơ Kră Yang, inh kơkuh bơnê kơ Ih, yua kơ Ih tơiung inh. Ưh kơ ăn kơ lu ayăt kơ inh chhôk yua kơ inh.

Jo 7:1

Kơplah Môis pơdơ̆ng Bơsŭn Anih Akŭm đang boih, tuh đak rơmă păng 'măn lê̆ pha Bơsŭn Anih Akŭm dôm lu tơmam yua lăm noh, tuh đak rơmă tơ chơnang soi păng đĭ-đăng tơmam yua lăm chơnang soi noh đang boih,

Jo 7:11

Kră Yang khan kơ Môis thoi âu: Lu kră pơgơ̆r athei pơyơ̆r tơmam soi kơ năr wă pơih chơnang soi, bơngai âu năr 'nâu, bơngai noh năr nai, rim năr.

Jo 7:84

Noh boih tơmam soi pơyơ̆r đơ̆ng lu yŏng kơdră adrĕch bơngai Isơrael lăm năr pơm giĕng pơyơ̆r pơkeh pơyơ̆r chơnang soi, kơplah lăm năr đe tuh đak rơmă kơ chơnang soi: Mơjĭt-'bar hlak chhĕr hu, mơjĭt-'bar hlak pơnhan hu, mơjĭt-'bar hlak pơnhan maih;

Jo 7:88

Jô̆ đĭ rơmo dăm yua pơm tơmam soi 'blŏk hơdơ̆r kơ tơdrong hiôk-hian đei 'bar-jĭt puăn tŏ păng tơdrâu-jĭt tŏ triu tơno, tơdrâu-jĭt bơbe tơno, tơdrâu-jĭt bơbe kon tơno truh minh sơnăm. Noh boih tơmam soi pơyơ̆r lăm năr pơih pơyơ̆r chơnang soi, đang kơ chơnang soi đei tuh đak rơmă boih.

Both 20:5

Lu yŏng pơgơ̆r linh khan kơ lu linh: Bơngai bu 'nao pơm hnam tam mă et sa pơkeh? Brŏk bĕ tơ hnam sư, kơnh hli kơ lôch lăm năr tơblah, na lê̆ kơ bơngai nai et sa pơkeh.