Jo 6:23 - Sơ̆p Hlabơar Nơ̆r 'Bok Kei-Dei

²³ Khan bĕ kơ Arôn hăm đĭ kon drŏ-nglo sư thoi âu: Tơdrong iĕm wă sơkat pŭn hiôk ăn kơ kon pơlei Isơrael lu iĕm gô khan kơ lu sư:

Jo 6:23 Iomraidhean Croise

Bl 24:60

Lu sư sơkat pŭn hiôk kơ Rê'bêkad thoi âu: “Oh drŏ-kăn inh, hơpơi kơ oh jing Mĕ kơ rơbâu hơngan 'nu bơngai păng ăn kơ lu adrĕch adrung oh gô jing pran blah iŏk lu pơlei tih đơ̆ng lu ayăt.”

Bl 47:10

Jakôp hơpơi sơkat ăn pŭn hiôk kơ Pharaôn minh wơ̆t dơ̆ng, na sư lĕch đơ̆ng noh.

Bl 47:7

Đơ̆ng noh Jôsep chông 'bă sư năm tơ'bơ̆p Pharaôn. Jakôp sơkat ăn wă kơ đei pŭn hiôk kơ Pharaôn.

Bl 48:20

Lăm năr noh sư sơkat ăn pŭn hiôk kơ 'bar 'nu sâu sư 'nei păng khan thoi âu: Yua anăn Ih na kon pơlei Isơrael hơpơi băl đei pŭn hiôk thoi âu: Apinh Kră Yang 'Bok Kei-Dei pơm ăn kơ ih thoi Êphraim păng Manase. Thoi noh, Jakôp pôk Êphraim, adrol kơ Manase.

I Pot 8:55

Sư iung krao khan hơpơi tơdrong pŭn hiôk ăn kơ đĭ-đăng kon pơlei Isơrael khan:

I Ho 23:13

Kon drŏ-nglo Amram noh: Arôn păng Môis; Arôn păng kon sâu sư klah asong băl, wă pơyơ̆r lu tơmam soi 'lơ̆ng rơgoh păng ling-lang pơyơ̆r tơmam soi ăn kơ Kră Yang, bơ̆jang 'bơ̆t anăp Kră Yang hăm yua anăn Kră Yang sơkat ăn pŭn hiôk kơ kon pơlei pơla ling-lang.

II Ho 30:27

Lu 'bok soi păng lu bơngai Lêwi iung sơkat pŭn hiôk ăn kơ kon pơlei; nơ̆r sơkat nơ̆r lu sư krao khan kơtơ̆ng truh tơ anih rơgoh Kră Yang, truh tơ plĕnh na Kră Yang tơl tơwih ăn pŭn hiôk.

Le 39:43

Môis lăng lăng tôm tơdrong jang, 'bôh lu sư pơm kiơ̆ thoi nơ̆r Kră Yang khan pơkă boih, thoi noh na Môis bơnê sơkat ăn tơdrong pŭn hiôk kơ lu sư.

Jo 6:22

Kră Yang khan kơ Môis:

Rom 1:7

Na dang ei inh chih kơthơ ăn kơ iĕm bơngai Rôm mă 'Bok Kei-Dei 'mêm kơeng. Iĕm boih 'Bok Kei-Dei krao wă kơ iĕm jing kon Sư. Inh krao khan apinh Sư 'Bă tơm bơ̆n hăm Kră Yang bơ̆n Yêsu Krist wei-lăng iĕm tôm tơdrong wă kơ Sư ăn kơ iĕm hiôk-hian ling-lang.

I Kor 1:3

Nhôn apinh 'Bă tơm bơ̆n 'Bok Kei-Dei hăm Kră Yang bơ̆n Yêsu Krist wei-lăng iĕm tôm tơdrong wă kơ Sư ăn kơ iĕm hiôk-hian ling-lang.

Both 10:8

Kơplah noh, Kră Yang klah lê̆ adrĕch Lêwi pha, wă tung hom pơgơ̆p Kră Yang dơ̆ng 'bơ̆t anăp Kră Yang wă bơ̆jang pơm 'bok soi kơ Sư păng yua anăn Kră Yang sơkat pŭn hiôk ăn kơ kon pơlei. Truh tơ dang ei,

Both 21:5

Lu 'bok soi, kon drŏ-nglo bơngai Lêwi, gô năm jê̆ tơ noh; yua kơ Kră Yang 'Bok Kei-Dei iĕm rơih iŏk lu sư boih wă jang kơ Sư păng yua anăn Kră Yang sơkat ăn pŭn hiôk athei sek tơlang lu tơdrong pơjah pơjăng păng đei pơjĭ băl.

Both 33:1

'Nâu nơ̆r Môis, bơngai Kră Yang 'Bok Kei-Dei, sơkat ăn pŭn hiôk kơ kon pơlei Isơrael adrol kơ sư wă lôch.

Hêbrơ 7:1

'Bok soi Mêlkisêdek sư pơm pơtao Pơlei Salem, sư kư̆m pơm 'bok soi wă soi kơ 'Bok Kei-Dei Kră Yang Tih Hloh. Sư năm sơng iŏk Abraham brŏk đơ̆ng tơblah kơ lu pơtao nai. Na sư krao khan apinh 'Bok Kei-Dei tơgŭm Abraham.

Hêbrơ 7:7

Thoi noh na ưh kơ đei bu pơma kiơ kơ Mêlkisêdek gah tơdrong sư krao khan kơ Abraham, yua kơ sư tih hloh kơ Abraham tơpă.

Jôsuê 8:33

Đĭ-đăng bơngai Isơrael, kon pơlei hăm lu bơngai tơmoi, hơdai hăm lu kră pơlei, lu kră pơgơ̆r, lu kră sek tơlang, dơ̆ng 'bar pah kơ Hom Pơgơ̆p Kră Yang 'bơ̆t anăp lu bơngai tung Hom tơdrong pơgơ̆p noh lu 'bok soi bơngai Lêwi, minh puăt kon pơlei dơ̆ng gah anăp kơ Kông Gêrasim, minh puăt gah anăp Kông Êbal kiơ̆ thoi Môis, đĭch đam Kră Yang, đei tơtă boih adrol sơ̆ kơplah sư sơkat ăn pŭn hiôk kơ kon pơlei Isơrael.

I Pet 1:2

'Bă tơm bơ̆n 'Bok Kei-Dei băt kơ iĕm đơ̆ng blŭng-a sơ̆ boih, na Sư rơih iŏk iĕm jing kon Sư. Na Yang Bơhngol 'Lơ̆ng ăn kơ iĕm jing bơngai 'lơ̆ng tơpăt wă kơ iĕm lui yom kơ Yêsu Krist, na yua kơ pham Yêsu Krist iĕm klaih đơ̆ng tôm tơdrong yoch iĕm. Inh krao khan apinh Sư wei-lăng iĕm tôm tơdrong wă kơ Sư ăn kơ iĕm hiôk-hian ling-lang.

II Yo 1:3

'Bă tơm bơ̆n 'Bok Kei-Dei păng Kon Sư Yêsu Krist gô 'mêm mơnat kơ bơ̆n, wei-lăng bơ̆n tôm tơdrong păng ăn kơ bơ̆n hiôk-hian ling-lang yua kơ bơ̆n lui kơ Sư mă trŏ păng bơ̆n băt 'mêm kơ Sư.