22 Kră Yang khan kơ Môis:
Đơ̆ng rŏng kơ Arôn yơ̆r ti sư tơklă gah kon pơlei pơla sơkat ăn pŭn hiôk kơ lu sư pơyơ̆r tơmam soi huai đơ̆ng yoch, tơmam soi 'buh păng tơmam soi 'blŏk bơnê, na sư jur đơ̆ng chơnang soi.
Noh jing tơdrong khôi juăt lu khŭl Nasirit pơm tơdrong wă pơkă pơkăm. Tơmam mă sư soi pơyơ̆r kơ Kră Yang kơ tơdrong jao akâu kơdih kiơ̆ khŭl Nasirit, gô jing thoi sư pơkă 'nguaih kơ tơmam nai mă sư đei pơyơ̆r. Sư athei pơm kiơ̆ trŏ tơdrong juăt jao akâu thoi minh 'nu bơngai khŭl Nasirit.
Khan bĕ kơ Arôn hăm đĭ kon drŏ-nglo sư thoi âu: Tơdrong iĕm wă sơkat pŭn hiôk ăn kơ kon pơlei Isơrael lu iĕm gô khan kơ lu sư:
Lu 'bok soi, kon drŏ-nglo bơngai Lêwi, gô năm jê̆ tơ noh; yua kơ Kră Yang 'Bok Kei-Dei iĕm rơih iŏk lu sư boih wă jang kơ Sư păng yua anăn Kră Yang sơkat ăn pŭn hiôk athei sek tơlang lu tơdrong pơjah pơjăng păng đei pơjĭ băl.
