Jo 6:20 - Sơ̆p Hlabơar Nơ̆r 'Bok Kei-Dei

²⁰ Na tơpơng 'ma 'ngiĕo 'bơ̆t anăp Kră Yang; noh jing tơmam rơgoh lê̆ kơ 'bok soi, kơtơh păng blu mă sư đei pơyơ̆r 'ma 'ngiĕo. Klaih kơ noh bơngai kiơ̆ khŭl Nasirit gơh huch sik hơmu.

Jo 6:20 Iomraidhean Croise

Bôk Bơthô 9:7

Lei sŏng sa hiôk hal bĕ păng huch đak hơmu ih mă chơt hiôk bĕ! Yua kơ Kră Yang 'Bok Kei-Dei ăn boih kơ inh dôm tơdrong noh.

Êsai 25:6

Tơ kơpal kông âu Kră Yang Tih Hloh gô hơmet ăn kơ rim adrĕch adrung, tơmam et sa tih. Hăm tơdrô hơmu 'lơ̆ng hloh, tơmam sa 'nhĕm rơmă bek đei 'ngăl, tơdrô hơmu 'lơ̆ng rơgoh.

Êsai 35:10

Lu bơngai mă Kră Yang huai iŏk bơih gô brŏk. Năm mơ̆t tơ pơlei Siôn hăm tơdrong hơri chơt hiôk. Tơdrong hơri chơt hiôk ling-lang gô oei lăm kơ̆l lu sư. Lu sư gô đei tơdrong chơt hiôk, 'nă hal, na tơdrong ơh sơ'ngon chhŭr nuih gô hiong đĭ.

Lêwi 10:15

Lu sư gô chĕp ba blu kon sem dơrong soi pơyơ̆r hiŏng tơ kơpal păng sĕch kơtơh mă đei pơyơ̆r chro 'ma 'ngiĕo hăm lu rơmă sư, wă soi pơyơ̆r chro 'ma 'ngiĕo 'bơ̆t anăp Kră Yang, dôm tơmam noh đe 'măn bơih kơ ih păng lu kon drŏ-nglo ih, kiơ̆ kơ tơdrong juăt ling-lang, mă Kră Yang đei tơtă bơih.

Lêwi 23:11

Năr đơ̆ng rŏng hlôi kơ năr giĕng Sa'bat, 'bok soi gô pơyơ̆r hơchô̆ ba, ba 'ma 'ngiĕo 'bơ̆t anăp Kră Yang, wă kơ tơdrong pơyơ̆r hơchô̆ 'ba noh Kră Yang iŏk;

Lêwi 7:30

Sư athei chĕp ba hăm ti sư kơdih tơmam soi yua 'buh hăm ŭnh ăn kơ Kră Yang; sư athei chĕp ba rơmă hăm sĕch kơtơh, sĕch kơtơh wă yua lăm tơmam pơyơ̆r chro to, âu 'bơ̆t anăp Kră Yang;

Lêwi 7:31

'bok soi gô soh rơmă tơ kơpal chơnang soi, na sĕch kơtơh gô 'măn kơ Arôn păng lu kon drŏ-nglo sư.

Lêwi 7:32

Iĕm gô ăn kơ 'bok soi blu gah 'ma wă pơm tơmam pơyơ̆r gah tơmam soi 'blŏk bơnê.

Lêwi 7:34

Yua kơ lăm lu tơmam pơyơ̆r 'blŏk bơnê chro to âu bơngai Isơrael Inh iŏk blu kon sem tơmam soi noh ăn kơ 'bok soi Arôn păng lu kon drŏ-nglo sư, kiơ̆ kơ tơdrong juăt oei ling-lang mă lu kon sâu bơngai Isơrael athei pơm kiơ̆.

Lêwi 9:21

Arôn iŏk sĕch kơtơh păng blu 'ma pơm tơmam soi chro 'ma 'ngiĕo 'bơ̆t anăp Kră Yang thoi Môis tơtă.

Sa 10:7

Bơngai Êphraim gô thoi bơngai nuih pran kơtang, jơhngơ̆m lu sư chhôk hal thoi suai kơ et sik hơmu; kon sâu lu sư gô 'bôh păng chơt hiôk tơpă, jơhngơ̆m lu sư chơt hiôk lăm Kră Yang.

Sa 9:15

Kră Yang Tih Hloh gô tơgŭm dŏng lu sư, lu sư gô pơrăm hăm jei kơplah klơ̆m tơmo, lu sư gô huch suai ôr tơjrông tơjrang đơ̆ng sik hơmu pơm kơ lu sư, lu sư phĭ hrăp thoi pơnhan thoi đe hling tơ lu mum jơ̆ng gơ'bang soi.

Sa 9:17

Tơdrong sư pơm 'lơ̆ng rai 'lơ̆ng dêh tơpă! Sik 'ba mi gô pơm ăn kơ lu bơngai tơdăm rai pran păng sik 'nao gô pơm ăn kơ lu adruh hơlai đei pŭn hiôk.

Jo 18:18

'Nhĕm sĕch sư noh lê̆ kơ ih, thoi lu 'nhĕm sĕch đe pơyơ̆r tơpơng 'ma 'ngiĕo păng blu gah 'ma noh 'măn kơ ih.

Jo 5:25

Đơ̆ng noh, 'bok soi iŏk tơmam soi pơyơ̆r phe 'ba kơ tơdrong gar đơ̆ng ti bơngai drŏ-kăn, chĕp tơi wơi 'bơ̆t anăp Kră Yang na pơyơ̆r dan kơpal chơnang soi.

Jo 6:21

Noh jing tơdrong khôi juăt lu khŭl Nasirit pơm tơdrong wă pơkă pơkăm. Tơmam mă sư soi pơyơ̆r kơ Kră Yang kơ tơdrong jao akâu kơdih kiơ̆ khŭl Nasirit, gô jing thoi sư pơkă 'nguaih kơ tơmam nai mă sư đei pơyơ̆r. Sư athei pơm kiơ̆ trŏ tơdrong juăt jao akâu thoi minh 'nu bơngai khŭl Nasirit.

Mathiơ 26:29

Inh khan kơ iĕm tơpă, Inh ưh pă huch boih đak hơmu âu tơ̆p mă truh tơ năr 'Bă Inh pơgơ̆r ning-mônh 'mơ̆i, na Inh gô huch đak hơmu 'nao hơdai iĕm.”

Markôs 14:25

Inh khan kơ iĕm tơpă, Inh ưh pă huch boih đak hơmu âu tơ̆p mă truh tơ năr 'Bok Kei-Dei pơgơ̆r ning-mônh 'mơ̆i, na Inh gô huch đak hơmu 'nao.”

Yo 19:30

Trip sik 'nhŭ ei boih, Yêsu khan: “Dôm tơdrong đang boih.” Na Sư kŭp kơ̆l, pơjao bơhngol Sư kơ 'Bok Kei-Dei, kơtĕch jơhngơ̆m hloi.