Jo 6:2 - Sơ̆p Hlabơar Nơ̆r 'Bok Kei-Dei

² Ih roi tơbăt ăn kơ adrĕch bơngai Isơrael khan: Mă bơngai drŏ-nglo dah bơngai drŏ-kăn, mưh pơkă pơkăm wă jao kơdih akâu sư kơ Kră Yang. Kiơ̆ thoi khŭl Nasirit

Jo 6:2 Iomraidhean Croise

Le 33:16

Lei liơ đe gơh băt kơnăl kơ inh hăm lu kon pơlei pơla Ih? Đei tơdrong mơnat 'bơ̆t anăp Ih, Dah Ih ưh kơ năm hơdai hăm nhôn? Mưh Ih năm hơdai inh hăm kon pơlei pơla Ih âu phara kơ kon pơlei pơla nai oei lăm teh đak âu?

Tơdrông Pơđơk 18:1

Bu arih hơdrô̆ kuă kơ hơdai bơngai noh chơchă kiơ̆ kơdih wă, Kuă kơ chu kiơ̆ tơdrong tơchĕng trŏ.

Je 35:6

Mă-lei lu sư tơl: “Lu nhôn ưh kơ lah huch sik ôh; yua kơ 'bok lu nhôn Jônađap, kon drŏ-nglo Rêkap đei bơtho khan kơ lu nhôn: Lu iĕm păng đĭ kơ lu sâu se iĕm ning-mônh 'nĕ kơ et sik.

Lêwi 20:26

Ăn kơ lu iĕm arih hăm Inh 'lơ̆ng rơgoh; yua kơ Inh boih Kră Yang 'lơ̆ng rơgoh, Inh klah lu iĕm bơih đơ̆ng kon pơlei âu, wă kơ lu iĕm jing khŭl kon pơlei gah Inh.

Lêwi 27:2

Roi bĕ kơ kon pơlei Isơrael: Tơdah đei bu mă pơkăm pơkă wă pơyơ̆r kơ Kră Yang athei ăn jên kiơ̆ kơ tơdrong gĭt bơngai.

Jo 30:3

Dah đei minh 'nu drŏ-kăn, kơplah sư oei 'lơ̆p oei lăm hnam 'bă sư, đei pơma pơkă pơkăm hăm Kră Yang tơdrong kiơ.

Jo 6:1

Kră Yang khan kơ Môis:

Luka 1:15

Yua kơ ning-mônh sư gô pơm tih 'bơ̆t anăp 'Bok Kei-Dei. Sư ưh kơ gơh et sik dah dôm tơmam kiơ pơm ăn suai. Sư 'bĕnh blai Yang Bơhngol 'Lơ̆ng mă đơ̆ng đe tơpŭ kơ sư truh tơ ning-mônh.

Jang 18:18

Đơ̆ng rŏng kơ noh Pôl oei tơ Pơlei Kôrintô kư̆m đunh 'biơ̆ mơ̆n. Klaih kơ noh sư tơklah đơ̆ng bơngai lui wă năm tơ dêh char Siri. Bre Prisil păng Akila kư̆m kiơ̆ hơdai păng sư mơ̆n. Lu sư năm tơ Pơlei Sankrê. Tơ ei Pôl yuă sŏk. Đunh boih sư ưh kơ yuă sŏk yua kơ sư pơkă hăm 'Bok Kei-Dei tơdrong kiơ kiơ. Dang ei sư pơm đang tơdrong sư pơkă noh na sư gơh yuă sŏk dơ̆ng.

Rom 1:1

Inh Pôl chih hơpong kơ iĕm bơngai Rôm. Inh bơngai đĭch đam Yêsu Krist. 'Bok Kei-Dei krao inh pơm jơ̆ng 'bang Sư, wă kơ inh năm chă bơtho kơ đe tơdrong 'nao 'lơ̆ng Sư.

II Kor 6:16

Hnam 'Bok Kei-Dei hăm rup yang nai ưh kơ gơh tơmơ̆t băl ôh. Lu bơ̆n kư̆m dang hnam oei 'Bok Kei-Dei mă arih ling-lang, yua kơ Sư khan boih thoi âu: “Inh wă oei hơdai iĕm, nơnăm hơdai iĕm; Inh pơm Kră Yang iĕm, iĕm jing kon pơlei pơla Inh.”

Galati 1:15

Mă-lei 'Bok Kei-Dei 'mêm mơnat kơ inh. Sư rơih iŏk inh đơ̆ng inh tam mă tơpŭ sơ̆. Sư krao inh wă kơ inh jang tơdrong Sư.

Hêbrơ 7:27

Lu 'bok soi nai, rim năr lu sư soi kơ 'Bok Kei-Dei. Lu sư soi pơ'lơ̆ng gah tơdrong yoch lu sư kơdih 'mơ̆i, na soi kơ lu kon pơlei pơla. Mă-lei gah Yêsu ưh ôh, Sư soi akâu Sư kơ 'Bok Kei-Dei minh 'măng tơ 'long pơglang tôm boih.

Lu 13:14

Sư ưh kơ gơh kơ sa tơmam kiơ đơ̆ng lăm pơgar hơmu, kư̆m 'nĕ kơ huch sik đak hơmu dah tơmam kiơ suai; kư̆m athei 'nĕ kơ sa tơmam kiơ mă ưh kơ rơgoh; sư athei răk dôm tơdrong mă inh pơkă kơ sư boih.”

Lu 13:4

Ih athei kơchăng, 'nĕ kơ huch sik đak hơmu dah tơmam kiơ suai păng kư̆m 'nĕ kơ sa tơmam kiơ mă ưh kơ rơgoh,

Lu 13:5

yua kơ ih gô anăp păng tơpŭ kơ minh 'nu kon drŏ-nglo. Săng kep dah săng hơkôih ưh kơ gơh 'bơm kơ̆l sư, yua kơ bơngai 'lơ̆p âu sư gô jing bơngai Nasirita wă 'măn kơ Kră Yang 'Bok Kei-Dei iŏk đơ̆ng năr tơpŭ kơ sư truh kơ lôch. Ning-mônh sư gô pơtơm dŏng pơklaih bơngai Isơrael đơ̆ng lăm tơpang ti Philistin.

Lu 16:17

Na sư roi tơpăt đĭ-đăng tơdrong. Sư khan: Săng hơkôih sŏk, ưh kơ đei layơ 'bơm kơ̆l inh, yua kơ đơ̆ng inh oei lăm klak mĕ inh. Inh bơngai Nasarit 'măn kơ Kră Yang 'Bok Kei-Dei boih. Tơdah iŏk săng hơkôih sŏk kơ̆l inh, lei jơhngơ̆m pran, gô tĕch đơ̆ng inh lei inh rơdu thoi bơngai nai đĕch mơ̆n.

I Sam 1:28

Na inh pơyơ̆r sư kơ Kră Yang yua; lăm đĭ chăl sư arih dang yơ; sưd noh jing tơmam Kră Yang boih.” Klaih kơ noh lu sư drap kơkuh bơnê kơ Kră Yang tơ noh.