Jo 6:12 - Sơ̆p Hlabơar Nơ̆r 'Bok Kei-Dei

¹² Thoi noh, sư athei 'măn lê̆ akâu sư kơdih kơ Kră Yang, dôm lu năr mă jao akâu sư kơdih păng rôp minh pôm kon triu tơno dang minh sơnăm pơyơ̆r pơm tơmam soi huai iŏk tơdrong sư yoch glăi; mă-lei dôm lu năr sư pơyơ̆r jao akâu sư mă adrol noh ưh pă jô̆ boih, yua kơ năr sư jao akâu noh sư yoch 'mê̆-'mach boih.

Jo 6:12 Iomraidhean Croise

Le 12:5

Lu iĕm athei rôp lăm khŭl kon triu dah kon bơbe tơno mă 'lơ̆ng ưh kơ đei rơka rơkĕch kiơ. Tôm minh sơnăm.

Êsêkiên 18:24

Mă-lei tơdah bơngai tơpăt hŭt lê̆ tơdrong tơpăt sư, na sư pơm yoch kơnê̆ krưp thoi lu bơngai kơnê̆ đei pơm, Sư hăm arih ưh? Dôm tơdrong tơpăt ayơ mă sư pơm boih Inh ưh pă 'blŏk dơ̆ng, sư gô lôch yua kơ tơdrong yoch kơnê̆ mă sư đei pơm.

Lêwi 14:24

'Bok soi gô iŏk kon triu tơno, pơm tơmam soi huai đơ̆ng hơch 'bơm pơm yoch păng minh puăt lit đak ôliwơ đơ̆ng noh 'bok soi pơyơ̆r 'ma 'ngiĕo 'bơ̆t anăp Kră Yang.

Lêwi 5:6

Đơ̆ng noh sư athei chĕp ba tơmam soi pơyơ̆r yua kơ pơm yoch, hăm tơdrong juăt Kră Yang minh pôm kon triu dah bơbe akăn pơm tơmam soi huai iŏk yua kơ yoch, na 'bok soi gô soi sơmah kơ sư wă kơ sư rơgoh đơ̆ng yoch.

Lêwi 5:7

Tơdah sư chă ưh kơ kĕ đei minh pôm kon triu akăn dah bơbe akăn, yua kơ yoch sư đei pơm bơih, na sư athei anhăk ba kơ Kră Yang minh hơgrop sem pơgâm dah kơtơp kon, minh pôm wă yua lăm tơmam sư huai đơ̆ng yoch, minh pôm wă yua lăm tơmam soi 'buh.

Jo 6:11

'Bok soi gô iŏk minh pôm sem âu pơyơ̆r pơm tơmam soi huai tơdrong yoch, minh pôm dơ̆ng pơyơ̆r pơm tơmam soi 'buh păng pơm rơgoh tơdrong yoch sư mă đei pơm, yua kơ atâu bơngai lôch, thoi noh lăm năr sư gô jao kơ̆l sư wă pơm rơgoh 'lơ̆ng.

Jo 6:13

'Nâu khôi juăt khŭl Nasirit, tơdah đĭ tôm dôm năr mă pơyơ̆r jao akâu; đe gô chông ba sư tơ anăp 'măng Bơsŭn Anih Akŭm,

Mathiơ 24:13

Mă-lei dah bu adrin lui kơ Inh truh năr tôch, bơngai 'noh gô klaih.

Mathiơ 3:15

Yêsu khan kơ sư: “Bĕ ih jah pơm kơ Inh, ba pơm kiơ̆ thoi noh, wă kơ ba pơm trŏ thoi 'Bok Kei-Dei wă.” Thoi noh na Yôhan chu kơ nơ̆r Sư.

Ya 2:10

Yua kơ Sư athei bơ̆n kiơ̆ tôm kơ tơdrong juăt Sư pơkă, mă-lei tơ̆ng bu tŭk minh nơ̆r đĕch Sư kư̆m jô̆ yoch boih, lei-lăi thoi lu bơngai mă tŭk đĭ dôm nơ̆r Sư pơkă.

II Yo 1:8

Kơlih kơ thoi noh na iĕm athei kơchăng hŏ hli kơ lu sư hơlĕnh kơ iĕm, na iĕm lui kơ lu sư. Dah iĕm kơchăng tơpă lei dôm tơdrong iĕm jang iĕm huay kơ hiong ôh. Na iĕm gô đei iŏk tôm tơdrong apah ning-mônh.