Jo 6:10 - Sơ̆p Hlabơar Nơ̆r 'Bok Kei-Dei

¹⁰ Truh năr mă tơhngam sư athei chĕp ba 'bar tŏ sem pơgâm dah 'bar tŏ kơtơp ăn kơ 'bok soi 'bơ̆t 'măng Bơsŭn Anih Akŭm.

Jo 6:10 Iomraidhean Croise

Êsêkiên 44:26

Đơ̆ng rŏng kơ ôp hơrao rơgoh, 'bok soi athei gô lăm tơpơh năr dơ̆ng.

Lêwi 1:14

Tơdah tơmam sư pơyơ̆r ăn kơ Kră Yang tơmam soi 'buh hăm sem păr, athei iŏk pơyơ̆r sem pơgâm bri dah kon sem kơtơp.

Lêwi 12:6

Tơdah kơtĕch boih măng năr oei rơgoh tơpŭ nge drŏ-nglo dah drŏ-kăn sư, ăn kơ sư năm ba nge noh kơ 'bok soi tơ Bơsŭn Anih Akŭm chĕp ba minh pôm kon triu minh sơnăm, wă pơm tơmam soi 'buh păng minh pôm kon kơtơp dah pơgâm wă pơm tơmam soi huai đơ̆ng yoch.

Lêwi 14:31

Pơyơ̆r minh pôm kon sem 'nâu pơm tơmam soi huai đơ̆ng yoch, minh pôm kon sem noh pơm tơmam soi 'buh, hăm tơmam soi phe 'ba; thoi noh 'bok soi gô soi sơmah ăn kơ bơngai mă wă kơ đei rơgoh noh, 'bơ̆t anăp Kră Yang.

Lêwi 15:14

Truh năr mă tơhngam sư gô rôp 'bar tŏ sem pơgâm dah 'bar tŏ kon sem kơtơp, năm ba 'bơ̆t anăp Kră Yang tơ 'măng Bơsŭn Anih Akŭm păng jao sem noh ăn kơ 'bok soi.

Lêwi 15:29

Lăm năr mă tơhngam, sư gô rôp 'bar tŏ sem pơgâm dah 'bar tŏ kon sem kơtơp păng sư athei chĕp ba kơ 'bok soi tơ 'măng Bơsŭn Anih Akŭm.

Rom 4:25

Yêsu lôch tang yua kơ tơdrong yoch bơ̆n, 'Bok Kei-Dei tơiung arih Sư, wă ăn kơ bơ̆n jing 'lơ̆ng tơpăt hăm Sư.