Jo 5:7 - Sơ̆p Hlabơar Nơ̆r 'Bok Kei-Dei

⁷ bơngai noh athei tơbral roi tơdrong yoch sư păng pơdrâu tơwih tơmam tôm dôm thoi đêl păng ăn thim minh lăm pơđăm tơmam noh tơwih ăn kơ bơngai mă bơ̆n đei pơm glăi.

Jo 5:7 Iomraidhean Croise

Horiso 32:5

Inh tơbral yoch hăm Kră Yang 'Bok Kei-Dei, Ưh pă đei ôn dôm yoch kơnê̆ inh. Inh khan: “Inh tơbral roi đĭ dôm tơdrong yoch glăi inh kơ Kră Yang. Ih huay pă jô̆ yoch inh.” Sêla

Tơdrông Pơđơk 28:13

Bơngai bu ôn tơdrong yoch sư ưh kơ đei pŭn hiôk; Mă-lei đei bu tơbral păng achăng lê̆ sư gô đei mơnat.

Lêwi 26:40

Kơplah noh sư gô roi tơdrong yoch sư kơdih păng roi tơdrong yoch lu yă 'bok sư, dôm tơdrong sư đei pơm glăi păng tơdrong sư pơm tơwih plơ̆ kơ Inh.

Lêwi 26:41

Thoi noh Inh kư̆m pơm plơ̆ kơ lu sư, ba lu sư tơ dêh char lu bơngai ayăt kơ lu sư, tơdah jơhngơ̆m lu sư ưh kơ chu kăt tơdra akar, băt chu tơjur akâu lu sư kơdih tơ ala păng chu iŏk tơdrong bơtho pơjĭ yua tơdrong yoch lu sư.

Lêwi 5:15

Layơ bơngai bu mă hơch 'bơm kơ pơm yoch lăm minh tơmam rơgoh Kră Yang. Na bơngai noh yua kơ tơdrong yoch sư kơdih, sư athei chĕp ba tơ Kră Yang minh pôm kon triu tơno ưh kơ đei Jĭ kiơ, athei rôp đơ̆ng lăm khŭl sư, ih jô̆ tinh kon triu noh gĭt sư hơgăt kiơ̆ kơ jên hu seikơl đơ̆ng hnam akŭm rơgoh, noh jơ̆ minh tơmam soi huai đơ̆ng yoch pơm glăi kơ khôi juăt.

Lêwi 5:16

Bơngai noh athei hơmet ming yua kơ tơdrong noh ưh kơ rơgoh păng thim minh lăm pơđăm, na jao tơmam noh kơ 'bok soi, na 'bok soi gô iŏk pơm sut rơgoh tơdrong yoch hăm kon triu tơno jing tơmam soi sơmah ăn yua kơ tơdrong pơm yoch na sư gơh đei mơnat ăn.

Lêwi 5:5

Kơplah bu mă đei pơm yoch minh lăm tơdrong âu, sư athei roi tơdrong yoch sư mă pơm boih.

Lêwi 7:7

Tơmam soi huai iŏk đơ̆ng pơm glăi kơ tơdrong juăt kư̆m thoi tơmam soi huai iŏk đơ̆ng pơm yoch, đei tơdrong juăt kơ lu sư 'bok soi gô soi sơmah wă sut tơdrong yoch păng 'bok soi yua sư.

Jo 5:8

Tơdah bơngai 'nâu ưh pă đei boih 'nhŏng oh păng dah bơngai wă iŏk tơmam đe tơwih ăn kư̆m pă đei lei tơmam âu gah Kră Yang, wă khan ăn kơ lu 'bok soi, thim đei triu tơno wă soi pơyơ̆r pơm tơmam soi huai tơplih tơdrong yoch sư.

Luka 19:8

Na Sachê iung khan kơ Kră Yang Yêsu: “Ơ 'Bok, dôm mŭk tơmam inh âu, inh wă asong kơ lu bơngai dơnuh hin minh puăt. Păng lu bơngai mă inh pơgŏ iŏk jên, tơmam sư, inh gô tơwih ăn kơ sư lơ hloh kơ đêl inh iŏk, puăn hơtăl.”

Jôsuê 7:19

Jôsuê khan kơ Akan: Ô dăm! Athei băt kơkuh ư-ang kơ Kră Yang 'Bok Kei-Dei Isơrael păng bơnê kơ Sư; roi tơbăt bĕ, kơ inh dăm ih đei pơm tơdrong kiơ boih, 'nĕ ôn kơ inh tơdrong noh.