Jo 5:18 - Sơ̆p Hlabơar Nơ̆r 'Bok Kei-Dei

¹⁸ Na 'bok soi athei bơngai drŏ-kăn noh dơ̆ng năm jê̆ 'bơ̆t anăp Kră Yang, na lang achăng sŏk bơngai drŏ-kăn noh, dan tơmam wă pơyơ̆r 'bơ̆t tơpang ti sư, tơmam pơyơ̆r phe 'ba tơmam pơyơ̆r kơ gar; păng 'bok soi đei chĕp đak tăng lăm ti sư wă pơtih thoi hiap.

Jo 5:18 Iomraidhean Croise

Tơdrông Pơđơk 5:4

Mă-lei tuch-luch jing đak tăng hloh kơmăt. Han hloh kơ đao gưm 'bar pah măt;

Bôk Bơthô 7:26

Inh 'bôh drŏ-kăn 'bĕnh tơdrong pơhlŭ sơ'ngon trăp hloh kơ tơdrong lôch. Tơdrong hưch sư thoi hơnhuăl, ti sư thoi tơlei glang. Bơngai bu băt hli yom kơ Kră Yang 'Bok Kei-Dei gơh klaih đơ̆ng ti sư. Mă-lei bơngai bu pơm yoch, sư 'leh lăm hơnhuăl noh.

Êsai 38:17

Âu yua kơ đei tơdrong lơi yua kơ inh, na inh đei tơdrong chhŭr nuih lơ. Kră Yang 'mêm kơ inh rôp bơhngol inh kơjăp, wă kơ inh huay kơ huŏng lăm sơlŭng lôch răm; Kră Yang klơ̆m hŭt lê̆ bơih dôm tơdrong yoch inh tơ rŏng Ih.

Je 2:19

Tơdrong yoch iĕm gô phak bơtho iĕm, tơdrong ih achăng Kră Yang gô chrih kơ iĕm. Athei băt nhen. Achăng lê̆ Kră Yang 'Bok Kei-Dei ih păng ưh pă băt hli yom kơ Inh, noh boih minh tơdrong kơnê̆ tơpă păng răm dêh.” Kră Yang Tih Hloh khan thoi noh.

Lêwi 13:45

Bơngai jĭ chin đei tơdrong jĭ noh gô hrŭk hơbĕn ao hiah, ưh kơ chô̆ sŏk, gom lê̆ sŏk kang sư na athei ôr: 'Mê̆-'mach, 'mê̆-'mach.

Jo 5:15

Lei klo sư athei chông ba akăn sư năm 'bơ̆t anăp 'bok soi, chĕp ba tơpŭng minh lăm mơjĭt êpha phe 'ba tơ'bâu wă pơm tơmam soi, sư ưh kơ gơh hling đak rơmă ôliwơ păng đak tơmam 'bâu phu tơ kơpal tơmam ôh, yua kơ noh jơ̆ tơmam pơyơ̆r phe 'ba ưh kơ đei pham yua kơ tơdrong gar, tơmam soi âu wă pơtih ăn đei pơm tơdrong yoch kơnê̆,

Jo 5:17

Đơ̆ng noh 'bok soi iŏk đak rơgoh tuh lăm bô̆i glah, chup iŏk 'bruih đơ̆ng hơnă Anih Akŭm na tah lăm đak noh.

Jo 5:19

'Bok soi athei bơngai drŏ-kăn noh pơkă pơkăm păng khan kơ sư: Tơdah ưh kơ đei minh 'nu bơngai drŏ-nglo ayơ 'bĭch hăm ih păng ih oei lui mơ̆ng kơ klo ih ưh kơ luĕl 'blal păng huay kơ pơm kơnê̆ 'mê̆ brư̆, lei đak tăng tơdrong hiap âu huay kơ pơrăm ih.

Jo 5:22

Thŭ đak tăng tơdrong hiap mơ̆t truh tơ lăm klơm klak pơm ăn kơ klak ih bơôr, blu ih ôm. Bơngai drŏ-kăn noh khan A-men, A-men.

I Kor 11:15

Mă-lei lu bơngai drŏ-kăn rong sŏk kơjung 'lơ̆ng, sư hơbŏ, na 'Bok Kei-Dei pơtĕm ăn kơ sư rong sŏk kơjung thoi noh. Sư ưh kơ wă kơ lu bơngai drŏ-kăn kơ̆l hoh ôh.

I Kor 11:6

Dah sư kuă kơ yơ̆l kiơ, lei sư athei yuă pơđĭ sŏk sư, lê̆ kơ̆l sư tơ'ngôch kơ̆l hoh. Dah sư khan yuă 'ngôch kơnê̆ ưh kơ 'lơ̆ng ôh, lei sư athei chu yơ̆l.

Both 29:18

Athei kơchăng bĕ, 'nĕ kơ đei bu drŏ-nglo dah drŏ-kăn, hnam dơnŏ dah adrĕch adrung ayơ mă dơ̆ng tơ âu năr 'nâu achăng lê̆ Kră Yang 'Bok Kei-Dei lu bơ̆n, na năm kơkuh kơ lu yang adrĕch drung nai; lăm lu iĕm athei 'nĕ kơ ăn đei rơh kơnê̆ hơkăm chăt sôr tơ lăm lu iĕm.

Hêbrơ 13:4

Bơ̆n athei pơyom kơ tơdrong ŭnh om, 'nĕ kơ pơ'brơh pơm kư̆ kă, yua kơ 'Bok Kei-Dei wă phak tơpă dôm lu bơngai mă pơm kư̆ kă thoi noh. Mă bơngai oei adruh tơdăm kư̆m lei-lăi.

I Sam 15:32

Samuel khan: Chông ba Agak, pơtao bơngai Amalek năm tơ inh: Agak năm hơdar hơdêh truh tơ sư, tơchĕng lăm to khan: Tơdrong lôch pơmat-tat hlôi boih.