Jo 4:24 - Sơ̆p Hlabơar Nơ̆r 'Bok Kei-Dei

²⁴ 'Nâu dôm tơdrong jang lu adrĕch kon sâu Gersôn, gô pơm păng tơmam lu sư wă tung.

Jo 4:24 Iomraidhean Croise

Jo 10:17

Đe yuih Bơsŭn Anih Akŭm boih na lu bơngai drŏ-nglo kon sâu Gersôn păng lu drŏ-nglo kon sâu Mêrari, lu sư tung tơmam Bơsŭn Anih Akŭm, na yak năm.

Jo 3:25

Tơdrong jang lu kon drŏ-nglo Gersôn lăm bơsŭn wei-lăng đĭ-đăng tơmam kiơ kiơ lăm Bơsŭn Anih Akŭm noh wă khan che klơ̆p bơbŭng Bơsŭn păng che pĕng 'măng Bơsŭn Anih Akŭm,

Jo 3:26

lu che pĕng kơdeng păng che pĕng 'măng gah kơdeng tăp dăr kơ bơsŭn păng chơnang soi, lu tơlei giĕn chô̆ bơsŭn noh păng đĭ-đăng tơmam yua lăm noh.

Jo 4:15

Đang kơ Arôn păng lu kon drŏ-nglo sư chô̆ chôm đĭ tơmam lăm anih rơgoh boih, na đe pôk bơsŭn noh yak, na lu kon sâu Kôhat năm tung iŏk lu tơmam noh; lu sư ưh kơ gơh kơ hơtŭt 'bơm ôh tơmam rơgoh noh, kơnh lu sư lôch. Tơmam lăm Bơsŭn Anih Akŭm, tơmam noh mă lu kon sâu Kôhat athei tung.

Jo 4:19

athei pơm tơdrong 'nâu ăn kơ lu sư, wă kơ tơdah năm jê̆ tơ anih rơgoh hloh, lu sư gơh arih, huay kơ lôch: Arôn păng lu kon drŏ-nglo athei jao ăn tơdrong jang kơ rim 'nu păng tơmam kiơ lu sư wă tung.

Jo 4:23

Iŏk đơ̆ng pêng-jĭt sơnăm tơ kơpal truh tơ pơđăm-jĭt sơnăm. Ih athei chih jô̆ lu sư hơdôm 'nu gơh jang tơ Bơsŭn Anih Akŭm.

Jo 4:25

Lu sư gô tung che pĕng Anih Akŭm, che pĕng lăm Bơsŭn Anih Akŭm păng che gom sư, tơmam gom klơ̆p pơm hăm akar ka tơ kơpal păng che pĕng 'măng Bơsŭn Anih Akŭm;

Jo 4:27

'Nâu đĭ dôm tơdrong jang kơ lu kon sâu adrĕch Gersôn, tơmam kiơ mă lu sư tung ba păng dôm tơdrong jang kiơ lu sư pơm athei pơm kiơ̆ kơ nơ̆r Arôn păng lu kon drŏ-nglo sư tơtă athei tơhlâu tơ'bôh; ih jao ăn kơ lu sư wei-lăng tơmam kiơ lu sư athei tung ba.

Jo 4:47

iŏk đơ̆ng pêng-jĭt sơnăm truh tơ pơđăm-jĭt sơnăm, wă khan lu bơngai mă wă bơ̆jang lăm Bơsŭn Anih Akŭm, tung lu tơmam yua lăm noh.

Jo 4:49

Đe đei chih jô̆ jao tơdrong jang adrĕch bơngai Lêwi kiơ̆ thoi nơ̆r Kră Yang tơtă gơnang kơ Môis bơtho khan, asong jang jao ăn kơ rim 'nu kiơ̆ kơ tơdrong jang lu sư athei pơm păng tơmam kiơ lu sư wă tung; đe đei asong tơdrong jang kiơ̆ kơ Kră Yang đei pơkă khan kơ Môis noh.

Jo 7:7

Sư pơjao ăn kơ lu kon sâu Gersôn 'bar tŏ gre păng puăn tŏ rơmo dăm, kiơ̆ tơdrong jang lu sư.