Jo 4:15 - Sơ̆p Hlabơar Nơ̆r 'Bok Kei-Dei

¹⁵ Đang kơ Arôn păng lu kon drŏ-nglo sư chô̆ chôm đĭ tơmam lăm anih rơgoh boih, na đe pôk bơsŭn noh yak, na lu kon sâu Kôhat năm tung iŏk lu tơmam noh; lu sư ưh kơ gơh kơ hơtŭt 'bơm ôh tơmam rơgoh noh, kơnh lu sư lôch. Tơmam lăm Bơsŭn Anih Akŭm, tơmam noh mă lu kon sâu Kôhat athei tung.

Jo 4:15 Iomraidhean Croise

II Sam 15:24

Kŭm đei Sađŏk 'bok soi păng đĭ-đăng bơngai Lêwi tung Hom pơgơ̆p Kră Yang 'Bok Kei-Dei. Lu sư tơjur Hom Pơgơ̆p Kră Yang 'Bok Kei-Dei, na Abiathar 'bok soi pơyơ̆r tơmam soi gô dĭng đĭ-đăng kon pơlei yak hlôi đơ̆ng pơlei 'mơ̆i.

II Sam 6:13

Lăp lu bơngai tung Hom pơgơ̆p Kră Yang 'Bok Kei-Dei năm tơdrâu yak na Đawit pơyơ̆r minh pôm rơmo tơno păng rơmo kon bek pơm tơmam soi.

I Pot 8:3

Kơplah lu kră pơlei Isơrael truh, lu 'bok soi tung hloi Hom Pơgơ̆p Kră Yang.

I Ho 15:15

Lu bơngai Lêwi iŏk 'long tơnung tung Hom Pơgơ̆p Kră Yang 'Bok Kei-Dei tơ kơpal hơngiĕng, thoi Môis bơtho khan kiơ̆ kơ nơ̆r Kră Yang.

I Ho 15:2

Kơplah noh Đawit khan 'nguaih kơ bơngai Lêwi, ưh kơ đei bơngai bu gơh tung Hom Pơgơ̆p Kră Yang 'Bok Kei-Dei, yua kơ Kră Yang 'Bok Kei-Dei rơih iŏk boih lu sư wă tung Hom Pơgơ̆p Kră Yang 'Bok Kei-Dei păng bơ̆jang kơ Kră Yang ling-lang.

I Ho 23:26

Bơngai Lêwi kư̆m ưh pă kăl tung tôi bơsŭn dah lu tơmam gah tơdrong jang bơsŭn dơ̆ng.

Le 19:12

Na ih athei war găn jum dăr kơ kông păng pơkă khan kơ lu sư: Athei kơchăng ưh kơ gơh tŏk tơ kơpal kông, dah hơtŭt 'bơm jơ̆ng kông, bơngai bu hơtŭt 'bơm kông đe gô pơlôch.

Le 19:21

Kră Yang khan kơ Môis, ih jur bĕ khă kon pơlei 'nĕ kơ năm tơkan tơ jê̆ wă lăng Kră Yang, kơnh hli kơ lơ bơngai gô lôch.

Le 27:7

na sôr tơmơ̆t tơ lăm lu bơlôh khuen; 'bar pah chơnang mưh wă ting tung.

Lêwi 16:13

Sư gô dan tơmam 'bâu phu kơpal ŭnh 'bơ̆t anăp Kră Yang wă kơ 'nhui đơ̆ng rơmă gom lê̆ tơnglơ̆p tơdrong mơnat ăn, tơ kơpal hom tơdrong pơgơ̆p. Na sư huay kơ lôch.

Jo 1:50

Mă-lei athei klah lê̆ adrĕch Lêwi wă kơ lu sư wei-lăng Bơsŭn Anih Akŭm Pơgơ̆p Sĭt păng đĭ-đăng lu tơmam yua lăm anih akŭm đe pơm păng khăn noh, wă kơ lu sư tơiung pơdơ̆ng păng tung anhăk anih, wei-lăng đĭ lu tơmam yua lăm anih noh bơ̆jang lăm hnam noh păng pơm bơsŭn oei tăp dăr kơ Anih Akŭm noh.

Jo 1:51

Tơdah Anih Akŭm păng khăn noh pôk tơ nai lu adrĕch bơngai Lêwi âu yuih, truh tơ anih boih lu sư gô tơiung pơdơ̆ng ming; lu adrĕch bơngai nai ưh kơ gơh năm jê̆ tơdah năm jê̆ đe gô pơlôch.

Jo 10:21

Đơ̆ng noh khŭl Kôhat yak năm, tung ba tơmam rơgoh; lu đe tơiung pơdơ̆ng Bơsŭn Anih Akŭm păng khăn noh boih adrol kơ lu sư truh.

Jo 18:3

Lu sư gô bơ̆jang wei-lăng kiơ mă ih jao ăn, tơdrong jang kiơ mă lăm Bơsŭn; mă-lei lăp ưh kơ gơh năm jê̆ lu tơmam 'lơ̆ng rơgoh, kư̆m ưh kơ gơh dơ̆ng jê̆ chơnang soi đĕch, kơnh hli kơ lu sư lôch păng lu iĕm kư̆m lôch hai mơ̆n.

Jo 3:38

Môis, Arôn păng lu kon drŏ-nglo sư, đei pơdơ̆ng anih bơsŭn lu sư oei, tơ anăp gah hơlĕch kơ Bơsŭn Anih Akŭm, lu sư bơ̆jang lăm anih rơgoh tơplih kơ kon pơlei Isơrael. Lu bơngai nai năm jê̆ anih 'nâu đe gô pơlôch.

Jo 4:14

dan kơpal noh đĭ-đăng tơmam yua lăm tơdrong jang chơnang soi, wă khan kơđŏng mam mong, lu tơnuh ŭnh; gơ'bênh, pơnai, pơnhan, hăm đĭ-đăng lu tơmam yua kơ chơnang soi. Đơ̆ng noh klơ̆p kơpal chơnang soi noh minh blah akar ka tih păng sôr 'long tơnung wă tung.

Jo 4:19

athei pơm tơdrong 'nâu ăn kơ lu sư, wă kơ tơdah năm jê̆ tơ anih rơgoh hloh, lu sư gơh arih, huay kơ lôch: Arôn păng lu kon drŏ-nglo athei jao ăn tơdrong jang kơ rim 'nu păng tơmam kiơ lu sư wă tung.

Jo 4:20

Mă khan lăp hrei hrei đĕch lu sư kư̆m ưh kơ gơh mơ̆t lăng, lu tơmam rơgoh, kơnh hli kơ lu sư lôch.

Jo 7:9

Mă-lei sư ưh kơ pơjao gre hăm rơmo dăm kơ kon sâu Kôhat, yua kơ lu sư jang wei-lăng păng tung tơmam rơgoh tơ kơpal hơngiĕng lu sư.

Both 31:9

Môis chih khôi juăt 'nâu, pơjao ăn kơ lu 'bok soi, kon drŏ-nglo bơngai Lêwi lu bơngai tung Hom Tơdrong Pơgơ̆p Kră Yang păng pơjao ăn kơ đĭ-đăng lu kră bơngai Isơrael.

Jôsuê 4:10

Lu 'bok soi tung Hom Pơgơ̆p dơ̆ng tŏk-bŏk đak Krong Jôrđăn dĭng truh keh tôm tơdrong mă Kră Yang đei athei Jôsuê khan ăn kơ kon pơlei, kiơ̆ thoi Môis đei pơkă kơ Jôsuê, kon pơlei yak hăt hot hlôi kơ đak krong.

I Sam 6:19

Kră Yang phak kon pơlei Bêt Sêmes yua kơ lu sư pơih lăng tơ lăm Hom Pơgơ̆p Kră Yang. Sư pơlôch tơpơh-jĭt 'nu lăm lu sư. Kon pơlei nhơ̆m hmoi yua kơ Kră Yang phak lu sư tih tơpă.