Jo 35:8 - Sơ̆p Hlabơar Nơ̆r 'Bok Kei-Dei

⁸ Gah lu pơlei tih lu iĕm wă asong lu bơngai adrĕch Lêwi đơ̆ng teh adrĕch bơngai Isơrael, lu iĕm athei iŏk kiơ̆ kơ adrĕch, adrĕch đei teh lơ 'biơ̆ lu iĕm iŏk đơ̆ng lu sư lơ 'biơ̆, adrĕch đei pơlei tih tŏ sĕt lu iĕm athei iŏk đơ̆ng lu sư tŏ sĕt 'biơ̆; rim kơ adrĕch wă klah asong ăn kơ lu adrĕch bơngai Lêwi noh kiơ̆ kơ tih pơlei đei lơ dah tŏ sĕt.

Jo 35:8 Iomraidhean Croise

Bl 49:7

Trŏ kơ hiap tơpă mưh lu sư hil yua kơ tơdrong noh 'mê̆ brư̆ tơpă. Inh gô pơm kơ lu sư tơklah tơklang đơ̆ng lăm adrĕch Jakôp. Tơklah lê̆ lu sư đơ̆ng lăm kon pơlei Isơrael.

II Ho 11:14

Lu bơngai Lêwi mă achăng lê̆ pơlei hăm teh jang sa lu sư năm oei tơ char Juđa păng pơlei tih Jêrusalem, yua kơ Jêrôbôam hăm lu kon drŏ-nglo sư pơpuh lu sư, ưh pă ăn kơ lu sư pơm 'bok soi jang kơ Kră Yang dơ̆ng.

Le 16:18

Lu sư kŏng hăm ômer, bu dônh lơ kư̆m ưh kơ rơkah, bu dônh tŏ sĕt kư̆m huay ưh kơmah, rim 'nu bơngai dônh lăp kơ sa mah.

Lêwi 25:32

Mă-lei gah pơlei lu bơngai Lêwi, hnam lu sư lăm pơlei noh, lu bơngai Lêwi ling-lang sư gơh huai iŏk mơ̆ng kơ lu sư wă.

Jo 26:54

adrĕch adrung ayơ kon pơlei sư lơ ih asong sư să 'biơ̆, adrĕch adrung ayơ kon pơlei sư tŏ sĕt ih asong teh jang sa lu sư iĕ 'biơ̆. Ih athei asong teh jang sa kơ rim adrĕch adrung kiơ̆ kơ đei chih jô̆ boih.

Jo 33:54

Athei hlang lăng păng asong băl teh noh kiơ̆ kơ rim adrĕch 'bok lu iĕm. Adrĕch bu lơ, iĕm athei asong teh jang sa să 'biơ̆; adrĕch ayơ tŏ sĕt, iĕm asong lu sư iĕ 'biơ̆. Rim 'nu gô iŏk kiơ̆ kơ đei hlang lăng trŏ, iĕm kư̆ asong băl kiơ̆ adrĕch 'bok lu sư.

Jo 35:9

Klaih kơ noh, Kră Yang khan kơ Môis thoi âu: