Jo 32:4 - Sơ̆p Hlabơar Nơ̆r 'Bok Kei-Dei

⁴ Pơlei tơring mă Kră Yang ăn tơblah jei 'bơ̆t anăp lu tơpôl akŭm adrĕch Isơrael, noh jơ̆ minh tơring 'lơ̆ng trŏ kơ wei rong sem dơrong păng lu đĭch đam ih đei sem dơrong lơ.

Jo 32:4 Iomraidhean Croise

I Ho 4:41

Dôm lu bơngai đei anăn kơpal 'nâu, lăm chăl Hesekia; pơtao đe Juđa, lu sư blah lu bơngai Hamit hăm lu bơngai Meunit oei tơ noh, lu sư blah pơrăm tơgar iŏk đĭ teh păng oei hloi truh tơ dang ei; yua kơ tơ noh đei tơmăn 'nhĕt wă wei rong lu sem dơrong lu sư.

Je 50:19

Mă-lei Inh gô chông bơngai Isơrael brŏk tơ anih 'nhĕt sư. Lu sư gô sa 'nhĕt tơ kông Karmel păng lăm groi Basan, lu sư gô sa phĭ hrăp tơ groi Êphraim păng lăm char Gileat.”

Mi 7:14

Iŏk 'long jra 'Bok Kei-Dei mơnat kơ bơngai Isơrael wei bĕ kon triu ih, wă khan khŭl triu sem dơrong ih lu oei minh drô̆ lăm bri kông Katmen; ăn bĕ kơ lu sư sa 'nhĕt lăm char Basan păng Gileat, kư̆m thoi ki sơ̆.

Jo 21:24

Isơrael iŏk đao gưm tơblah pơrăm na iŏk hloi char noh đơ̆ng đak Krong Arnôn truh tơ Krong Jabôk, truh tơ hơdral char kon pơlei Ammôn; yua kơ dur hơdral char lu kon pơlei Ammôn kơjăp.

Jo 21:34

Mă-lei Kră Yang khan kơ Môis, 'nĕ hli kơ sư ôh, yua kơ Inh jao tơring sư hăm kon pơlei sư tơ lăm ti ih boih; pơm bĕ kơ lu sư thoi ih pơm kơ Sihôn pơtao Amôrit, bơngai mă lăm pơlei Hesbôn.

Jo 21:35

Thoi noh, bơngai Isơrael blah rôp pơlôch Ôk, lu kon drŏ-nglo sư păng đĭ-đăng lu kon pơlei sư, ưh pă đei minh 'nu oei arih; lu bơngai Isơrael iŏk đĭ char lu sư.

Jo 32:5

Pơma khan dơ̆ng: Tơdah lu nhôn gơh mơnat 'bơ̆t anăp ih, rŏ ăn kơ nhôn đĭch đam ih oei tơring âu jang sa, apinh 'nĕ ăn kơ lu nhôn ngĕ kơ mah tŏk hlôi pah to đak Krong Jôrđăn.

Both 4:38

Sư puh lê̆ lu adrĕch adrung tih hloh păng pran hloh kơ iĕm, wă ba iĕm năm mơ̆t tơ dêh noh păng ăn kơ iĕm teh noh wă kơ lu iĕm jang sa, thoi iĕm đei 'bôh dang ei.