Jo 32:29 - Sơ̆p Hlabơar Nơ̆r 'Bok Kei-Dei

²⁹ na khan: Tơdah kon sâu Gat păng kon sâu Rubên chĕp đao hơlă tŏk găn đak Krong Jôrđăn hăm lu iĕm wă năm tơblah 'bơ̆t anăp Kră Yang păng tơdah dêh char noh jei lu iĕm, lei lu iĕm athei ăn kơ lu sư teh tơring Gileat jing teh lu sư jang sa.

Jo 32:29 Iomraidhean Croise

Jo 32:17

mă-lei lu nhôn gô chĕp tơmam tơblah yak năm 'bơ̆t anăp kon pơlei Isơrael dĭng lu nhôn ba lu sư truh tơ anih mă đei klah asong ăn kơ lu sư. Gah kon akăn lu nhôn lu sư gô oei lăm pơlei tih kơjăp yua hli kơ kon pơlei lăm dêh char âu.

Jo 32:28

Thoi noh, gah tơdrong 'nâu Môis đei tơtă ăn kơ Êlêasar, 'bok soi, tơtă ăn kơ Jôsuê kon drŏ-nglo Nun păng tơtă ăn kơ lu yŏng kơdră rim adrĕch bơngai Isơrael,

Jo 32:30

Mă-lei tơdah lu sư ưh kơ đei tŏk găn đak Krong chĕp đao hơlă hơdai iĕm, lei asong lu sư teh jang sa lăm dêh char Kanaan đĕch.

Jôsuê 12:6

Môis đĭch đam Kră Yang păng kon pơlei Isơrael blah iŏk đơ̆ng lu sư, Môis đĭch đam Kră Yang klah asong teh ăn kơ lu adrĕch Rubên, Gat, minh puăt kơ adrĕch Manase, choh jang sa mir 'ba.

Jôsuê 13:11

teh đak noh đĭ đơ̆ng dêh Char Gileat, dêh char kon pơlei Gêsur păng kon pơlei Makatit, đĭ kơ kông Hermôn păng đĭ-đăng kơ char Basan truh tơ Salêka,

Jôsuê 14:3

Yua kơ Môis đei asong ăn boih teh jang sa kơ 'bar adrĕch, minh puăt tơ hơlĕch gah kơ đak Krong Jôrđăn, mă-lei sư ưh kơ đei klah asong ăn ôh teh jang sa kơ adrĕch bơngai Lêwi.

Jôsuê 18:7

Mă-lei bơngai Lêwi ưh kơ đei asong ôh teh wă jang sa dơ̆ng lăm lu iĕm, yua kơ lu sư jing 'bok soi jang kơ Kră Yang noh jing tơdrong jang sa lu sư. Lu adrĕch Gat, Rubên păng minh puăt adrĕch Manase đei iŏk boih teh jang sa đơ̆ng Môis, đĭch đam Kră Yang, đei asong ăn kơ lu sư gah hơlĕch đak Krong Jôrđăn.

Jôsuê 22:9

Thoi noh lu bơngai Rubên, bơngai Gat păng minh puăt kơ adrĕch Manase weh đơ̆ng kon pơlei Isơrael tơ Silô lăm char Kanaan, wih brŏk tơ char Gileat teh jang sa mir 'ba kơdih, mă lu sư đei blah iŏk boih kiơ̆ kơ nơ̆r Kră Yang pơkă ăn kơ Môis.

Lu 10:3

Đơ̆ng rŏng kơ sư lôch đei Jair, bơngai Gileat, iung pơm 'bok sek tơlang lu bơngai Isơrael lăm 'bar-jĭt 'bar sơnăm.

I Sam 18:17

Sôl pơma dơnuh hăm Đawit: 'Nâu Mêrap kon drŏ-kăn kơdră inh. Inh gô ăn kơ ih oei pơm akăn mă-lei ih athei mă nuih tơblah ăn kơ Kră Yang. Sôl tơchĕng lăm jơhngơ̆m khan: Tơpang ti inh ưh kơ gơh pơrăm sư, mă-lei lê̆ kơ tơpang ti lu kon pơlei Philistin pơrăm sư noh trŏ hloh.