Jo 32:22 - Sơ̆p Hlabơar Nơ̆r 'Bok Kei-Dei

²² păng tơdah dơning dơmônh char 'nâu blah iŏk 'bơ̆t anăp Kră Yang boih, iĕm wih brŏk 'bơ̆t anăp Kră Yang hăm kon pơlei Isơrael, lu iĕm ưh pă đei pơma kiơ păng teh âu gô jing teh iĕm jang sa 'bơ̆t anăp Kră Yang.

Jo 32:22 Iomraidhean Croise

II Sam 3:28

Đơ̆ng rŏng kơ Đawit băt boih, na sư khan: “Inh hăm dêh char pơtao inh ưh kơ đei layơ yoch 'bơ̆t anăp Kră Yang kơ pham Apner, kon tơdăm Nêr.

Horiso 78:55

Sư puh tơweh lu kon pơlei nai 'bơ̆t anăp lu sư, Hlang păng klah song teh ăn kơ lu sư jang sa. Sư ăn kơ lu bơngai Isơrael oei tơ lăm anih hnam kon pơlei ei.

Lêwi 14:34

Layơ lu iĕm mơ̆t tơ char Kanaan, mă Inh gô ăn kơ lu iĕm jang sa păng Inh ăn tơdrong jĭ phơ̆k lăm minh pôm hnam, lăm char mă lu iĕm đei iŏk oei jang sa,

Jo 32:21

tơdah lu iĕm chĕp đao kơtuang găn tŏk đak Krong Jôrđăn 'bơ̆t anăp Kră Yang, dĭng truh tơ layơ puh lê̆ đĭ lu ayăt đơ̆ng anăp Sư,

Both 3:20

Dĭng mă Kră Yang ăn 'nhŏng oh lu iĕm đei tơdrong pơdơh hiôk thoi bơ̆n păng lu 'nhŏng oh iĕm kư̆m gơh iŏk boih dêh mă Kră Yang 'Bok Kei-Dei lu iĕm ăn kơ lu sư tơ gah pah to đak Krong Jôrđăn; klaih kơ noh đĭ-đăng kơ lu iĕm gơh wih brŏk bơ̆jang sa mă teh inh đei ăn boih kơ lu iĕm.

Jôsuê 1:15

dĭng dang yơ mă Kră Yang ăn tơdrong hiôk-hian kơ lu 'nhŏng oh iĕm thoi đei ăn boih kơ lu iĕm păng dĭng lu sư đei iŏk asong băl dêh char mă Kră Yang 'Bok Kei-Dei đei ăn kơ lu sư. Đơ̆ng noh lu iĕm gô wih tơ char lu iĕm kơdih, dêh char mă Môis đĭch đam Kră Yang đei ăn kơ lu iĕm gah âu kơ đak Krong Jôrđăn, gah măt 'năr lĕch, na lu iĕm gô iŏk teh noh pơm anih lu iĕm jang sa.

Jôsuê 10:30

Kră Yang, jao ăn pơlei Lipna păng pơtao sư lăm ti lu bơngai Isơrael; na Jôsuê iŏk đao gưm pơrăm pơlôch lu bơngai lăm pơlei noh, sư ưh kơ đei rong bu arih, sư pơm kơ pơtao pơlei Lipna kư̆m thoi sư pơm kơ pơtao pơlei Jêrikô.

Jôsuê 10:42

Lăm minh kơchon noh Jôsuê blah rôp lu pơtao păng blah iŏk pơlei tơring char 'nâu, yua kơ Kră Yang 'Bok Kei-Dei Isơrael, tơblah ăn kơ Isơrael.

Jôsuê 11:23

Jôsuê blah iŏk đĭ-đăng tơring char 'nâu, kiơ̆ tôm tơdrong thoi Kră Yang khan pơkă kơ Môis păng Jôsuê asong ăn teh kơ lu bơngai Isơrael jang sa mir 'ba păng klah asong kiơ̆ rim kơ khŭl adrĕch adrung lu sư. Kơplah noh tơring char 'nao đei rơngei hiôk-hian pă đei tơdrong tơblah dơ̆ng.

Jôsuê 13:8

Lu adrĕch Rubên, Gat păng minh puăt lăm adrĕch adrung Manase, đei iŏk boih teh đơ̆ng Môis đĭch đam Kră Yang đei asong ăn kơ lu sư, wă jang sa gah hơlĕch kơ đak Krong Jôrđăn.

Jôsuê 18:1

Đĭ-đăng kon pơlei Isơrael, đei akŭm tơ pơlei Silô, pơm pơdơ̆ng Bơsŭn anih akŭm blŭng-a tơ noh: Lu sư pơgơ̆r jơ̆p teh đak.

Jôsuê 2:19

tơdah đei bơngai bu lĕch tơ 'nguaih đơ̆ng 'măng hnam ih, na pham lu sư gô tuh kơpal kơ̆l lu sư kơdih, lei lu nhôn ưh kơ đei yoch ôh, mă-lei tơdah bơngai bu mă pơlôch bơngai oei lăm hnam ih, pham sư gô tuh tơ kơpal kơ̆l lu nhôn.

Jôsuê 22:4

Dang ei Kră Yang 'Bok Kei-Dei ăn boih kơ lu 'nhŏng oh iĕm pơdơh hiôk-hian kiơ̆ thoi nơ̆r Kră Yang đei pơkă boih, thoi noh wih brŏk bĕ tơ hnam tơ teh jang sa lăm char lu iĕm mă Môis đĭch đam Kră Yang hlôi ăn boih kơ lu iĕm gah hơlĕch kơ đak Krong Jôrđăn.

Jôsuê 22:9

Thoi noh lu bơngai Rubên, bơngai Gat păng minh puăt kơ adrĕch Manase weh đơ̆ng kon pơlei Isơrael tơ Silô lăm char Kanaan, wih brŏk tơ char Gileat teh jang sa mir 'ba kơdih, mă lu sư đei blah iŏk boih kiơ̆ kơ nơ̆r Kră Yang pơkă ăn kơ Môis.